يشبهني ولكن

الليله اموت وتنطفي أحلامي

✍ونين الليل يكسر خاطر المشتاق 💔

وصفنات اليحب ماتعرف البسمه

وانا المشتاكلك حتى بصلاة الليل

ماقابل عليه واهم أرفض القسمه

معروف اليحب تلكه بعيونه اشعار

وانا العاشك هواكم ماشفت نسمه

🥀 🥀

رجع ابويه للبيت مدنك ويمسح بعيونه جانت باب غرفتي مفتوحه كلتله هاا يبويه مو كلتلك لاتروح كمت املخ بشعري امي كضبت ايدي ولج يمه عافني وراح للغريبه ولج يمه تعبي وسهر ليلي وساعات الانتظار راحن يمه ولج يمه عشكي لحبيبي معقوله ماي وتبده ولج يمه لو تكتلوني وترتاحون وتريحوني لو تخلوني اموت روحي امي سدت حلكي كالت اسكتي فضحتينه شنو الخلقه ماخلق غيره اي يمه اي ماخلق غيره ماله مثيل  مايشبه بشر يمه هذا محبوبي امي حظنتي واني ابجي وهي تبجي ظليت ايام مريضه من وره الظرب وهم ما اشتهي العسل بسبب روحي اي بسبب روحي اني جنت احلم ليش الومه عمره ماكذب عليه ولا واعدني ولا اعترفلي بحبه اني ربطت روحي بحلم ميتحقق
كلت يمكن يستحي يعترف لان ابن عمي ولأن ربيت ابيتهم
اخوتي من شافوني ماكدر اكوم على حيلي تندمو واعتذرو مني وكامو يحاولون يطلعوني من الجو الاني بي يتوسلون حتى اطلع وياهم نفتر لو يجيبولي هدايا لو ينطوني فلوس والحلويات الاحبهم يجبوها واخلاص تجيي  كل شكم يوم وامي مره تفوتها عليه مره تتعرك وياها وتطردها
حجتلي كالت ابويه طرد حسن وبعد ما إله رده
بس هو ماعنده فلوس للزواج يطلب  ولد من ديرتنه شكم فلس يريد يلمهن هو راح  يم ابن شيخنه تدرين همه أصدقاء وعشرتهم حلوه لان ابويه كله اطلع بطرك ملابسك اني ظربت وجهي بثنين اديه كلت لا يعمي خطيه ليش هيج تذله كالت ولج شنو سالفتج مو راح يتزوج ويخليج بحلك الشماته كالت مايخالف اهم شي هو سعيد خلوصه شتكولين نحط ذهبي على ذهبج وننطيه الحسن يتصرف بي كالت ولج انلصمي كلتلها ولج حسن ينذل بسببي وهو ترف ومدلل منين يجيب فلوس  بيت وغزاض عمت عيني حبيبي شراح يصير بيك

اهلي بعد ميقبلون اروح البيت عمي اني إخلاص اتفقنه نتشاوف عالجرف خلينه طابوكات نكعد عليهن صار هذا مكانه الخاص ونظل نبجي ونوح على حظي يوم من الايام كالت راح يجي حسن يشوفج ويعتذر منج ردت انهزم جرتني من ملابس كالت اثكلي مو اليوم  كال من افرغ خطيه فوك مايطلب ربعه هو اليركض وراهم ويتوسل بيهم كلتلها مو كتلج خلينه ننطي ذهبنه بس انتي ماقبلتي كالت اي وشيخلصنه من اهلنه انجبي من بله هالحلك تحبه وتساعده حتى يتزوج غيرها شي ميشبه شي جاوبتها  اي تلوميني ولج شسوي ولج هذا رفيج عمري وعزيز روحي ولج هذا ابو نفس العزيزه تردينه يتبهذل ولج هذا ابن روحي دللتله دلال كبرته بكلبي وداريته بدموع الانتظار وكبرت وياه ولج ضاع مني تردين تضيعه الدنيا يعني اصير اني والدنيا عليه ولج بسببي راح يتبهذل
يوم من الايام كاعده انتظر إخلاص اشيل حصو واشمر بالنهر وابجي اجني بنات سلمه وابوهن حارس مدرسته من جنه زغار هنه خبيثات ومشكلجيات من يومهن علياء وشيماء هاي اسمائهن وحده كعدت بصفي من جهة اليمنه والثانيه من جهة اليسره ويحجن شيماء دكول هاا عافج وراح للغريبه وعلياء دكول عوفيها مضروبه بوري معدل مسكينه ضحك عليها ابن عمها شيماء تكول ياا يعني هي قشمر وميتات ضحك ما اسمع غير صوت إخلاص وحسن وعياطهم إخلاص جرت شيماء كعدتها بالكاع ورجعت سحلت علياء ولجن الظاهر الكتل مالتي من جنه زغار مافادجن العن ابوجن يابو حتى امجن دايحات مابيجن فايده بس مال مشاكل حسن كاللهن والله لوما بنات جان هسه شمرتجن بالنهر تحجن على تاج راسجن شعليجن بيها والله اليتقرب الفتنه اشوفه الماشايفه ادبسزيات تركضن وره الولد ومحد معبرجن ولن منا انكشرن ردت انهزم منه حاولت امشي وكلت أخذها بركضه بس جسمي كام يرجف وردت اتخربط لزم جتفي بيده وكال اروحلج فدوه اني وكل هاي العرب دموعي كامت تجري مسحهن بيده كال ياريت ميت ابطن امي ولا شايف عذابج اوف يارفيجت روحي اعذريني يعمري وسامحيني ابوس هاي الجفوف الدللتني وباس ايدي اثنينهن فديت الدموع ياريت تغسليني وتجفنيني بيدج واخلص واخلصج من كل هذا العذاب طلع سبحته وكال هاج خليها تذكار يمج

ادري محد يحبني بكدج ولا يدللني مثل دلالج ولا يعرفني شنو احب وشنو اكره اني الخسرتج يبت روحي مو انتي الخسرتيني بس نطيت كلمه  وحبيتها مو بيدي وهم عيب اكسر أهلها واكسر سمعتها باس راس وعافني شفايفي ترجف اخرسيت كدامه كلبي ظل يصيح وراه ارجع العشك ارجع الديرتك وأهلك وناسك تعال ارجع اضمك بين ضلوعي ارجع الدلالي راح تبهذل روحك بسببي راح وعيوني تراقب خطواته 😔