المنتصف
الجزء 13
صحيت بدري وجهزت ملابسي كنت مبسوطه شديد مشيت مع محاسن السوق قبل كم يوم وجبت شويه عبايات وملابس للجامعه خلال تلاته اسابيع احمد خلص لي كل اجراءات الجامعه ويوم الاحد اول يوم لي كنت مبسوطه شديد وحمدت الله كتير اني ح ابدا جامعه حاجه كنت م متخيله تحصل لي وكلام محاسن اختي صاح احمد مختلف كتير عن محمد .. بس انا لازم احول اصلح بينه وبين رهام رغم انه قال لي انه ح تتزوج بس لسه عندي امل اني ارجع ليه حياتي كان احمد مبسوط ب مرته وبناتو وبحبهم شديد انا دخلت حياتهم وخربت عليهم كل حاجه واحمد م عمل الا كل خير ح احاول اتكلم معاهو واشوف هل بقدر اغير رايه او لا وح اوعد رهام اني ح اكون مركزه علي جامعتي بس ...
في بيت حاج احمد مصطفي
اتصل تلفون من السعوديه وكان حاج احمد متابع اتكلم معاهو وبقول ليه خير ي ولدي م مشكله تشرفو وتنورو السودان باذن الله ي امي ولدي جاي هو وعيالو السودان نهائي شكله ح نمشي نعمر ونرجع الظروف بقت سيئه هناك اي ي ولدي اصلو بالسلامه ان شاء الله اخير لينا بلدنا دي نمشي نعمر ونحج ونرجع زيارة بس اي والله ي امي انا بعد قلت انقل الشغل ل برا تاني فكرت انه احسن هنا وياهو احفادك جاين هنا املو علينا البيت الحمد لله ي ولدي ..
ي وليد لازم تتكلم معاي يعني انا عارف الحكايه حساسه شويه والموضوع م ساهل عليك بس احنا اصحاب في النهايه انا عايز اقعد معاك ونتكلم طيب بكره بعد نخلص الشغل في الموقع نتلاقا وافهم منك حكايه انك م عايز تسافر دي كيف تخلي السفر والفرصه ال جاتك يلا تصبح علي خير .. من الصباح طلعت بدري وعلي الشغل م صدقت خلصنا وقعدنا انا ووليد تحت شجره قريب للموقع جمبها ست شاي وطلبنا الجبنه وبقينا قاعدين طلع وليد سجارة ولعها وبقي اشرب فيها عاينت ليه باستغراب بتين السجاير دي ي وليد سرح بعيد وقال لي قريب م بعيد شديد طيب ممكن نتكلم ونشوف انت ليه اتغيرت علي عارف المشكله بتاعت سعاد والعرس انسي ي صحبي ومليون واحده ح تكون مبسوطه لو كنت نصيبها بس ليه سعاد قبل ب اسبوع رفضتني؟ ليه بعد م عشت معاها كل التفاصيل الحلوة تعمل كدا ؟ خلتني من غير اي اسباب من غير اي مقدمات بسيطه م كان بينا قصه حب عشان انا اتأثر شديد بس والله ماف عارف ليه بقيت كدا ممكن اول مره احصل لي كدا اول مره احب ي صحبي وشفت فيها حياة كامله لقدام ضحك كدا شويه وقال لي لكن ممكن عشان قلبي او مره احب لكن ح اتعلم احب تاني فتره بس وقلبي اشفي ونرجع نحب ي صحبي ح انسي واتجاوز وفتره وح تمر وم حصل قسمه ونصيب بينا ... بس انا اسف خليت علاقتنا تتاثر بكدا انت صحبي من قمنا وم شفت منك الا خير بعتذر منك جدا ي وليد انا بس كنت عايز اسمع منك وتفضفض لي وسعاد اختي م اقول م غلطت بس اي حاجه بتمشي الا الزواج لازم رضا الطرفين اعفي لي ي صحبي اعفي لي واعفي لي سعاد اختي...
صباح الأحد قمتا بنشاط كبير لبست عبايتي وطلعت انا واحمد وفي الطريق بوصي فينا انه الجامعه مجتمع كبير ولازم انتبه وكدا سمعت كلامه وقلت ليه م تخاف وبعدين قال برجع لي مر اسبوعين وبقيت مبسوطه شديد بالجامعه م اخذنا محاضرات كتيره بس كنت بسجل اي حاجه وبقرا طوالي لانه م وصلت لي المرحله دي بسهوله ولا كنت متخيله كدا حاجات بسيطه جدا وممكن تكون عاديه لناس غيرنا بس قيمتا كبيره جدا عندنا عشان كدا كنت بحاول م اقصر او اقلل من الفرصه الجاتني م اخسر ولا حاجه بسيطه منها احمد م سالني تاني عن قصه انه نبدأ من الاول حسيت انه اتكلم وبس م كان جادي او عشان زعل بعد سمع كلام رهام وح احاول كدا عشان هي اختارت تكمل بعده وهو كمان قال اكمل وم لقي غيري لكن كدا كلام رهام كله صاح ؟ فعلا انا خربت بيتها عشان اكون محلها لالا ي سلمي لازم اقعد مع احمد واحل الموضوع واوريه راي في كلامه ونحسم الموضوع قبل م رهام تعرس ود خالتها ...
قعدت في الحوش بعد فرشت وختيت كبايتين شاي وناديت احمد من الغرفه وقعدنا وساكتين مسافه ماف زول بتكلم بعدها عرف انا عايزه احكي شنو وقال لي ي سلمي اها فكرتي واخذتي قرار مش انا سامعك احكي عاينت ليه ولقيتو مركز معاي شديد قلت خلاث مره تاني نتكلم بس قلت لا ي سلمي انتي البت الشجاعه اتكلمي بس .. ي احمد انت ود عمي وم شفت منك لي الان الا كل خير بس والله م برضي اني اخرب عليك حياتك انت بتحب رهام وهي لسه بتحبك وعندك بتين لازم تعاين ليهم ذنبهم شنو اعيشو مره مع ابوهم ومره امهم ليه دا كله عشاني انا ياخ حريقه فيني خليني انا اخلص جامعتي وبعدها اعتمد علي نفسي او ممكن تطلقني 💔 وارجع ل حبوبه واقنع ابوي اني اتم جامعتي وحتي لو م وافق بقعد مع حبوبه في البيت م بقدر اقدم سعادتي علي سعادة اسره كامله عليك الله ي احمد رجع رهام وبناتك البيت م تقول لي رهام اختارت كدا فكر كويس هي اختارت كدا عشان انت اخترت تقيف معاي عشان بت عمك وتاني حاجه عشان ابوي وعشان موقفي الحساس ال حكت ليك عنه محاسن واخر حاجه ممكن عشان مرضي دا اسباب كتيره خلتك تفكر كدا عليك الله ي احمد انا م بقدر فرحتي بالجامعه نستني انه انا خربت بيت كامل عشان اصلها حريقه في الجامعه ال تخليني اكون انانيه كدا وبقيت بس ببكي وشريط حياتي مر علي كدا وختمت كلامي وقلت ليه ي احمد قراري انك تطلقني بس انا الجامعه م عايزاها وم عايزه اقعد هنا عايز ارجع لحبوبه وقبل م اسمع منه اي حاجه جريت غرفتي وبقيت ببكي للصباح اتصلت علي محاسن كم مره وعرفت انه احمد بكون حكي ليها الحصل بس م رديت عليها وبقيت علي قراري سعادتي م ح تكون علي رهام وبناتها ....
يتبع
