المنتصف ❤
الجزء 15
صباح يوم الجمعه صحيت في بيتنا الحلو جمب حبوبه خلتني ابتسم واصحي مرتاحه قمت صليت وطلعت علي حبوبه ي نوامه الساعه 9 دا كله نوم والله ي حبوبه م حسيت بالوقت اها الليله اللمه مش عيالك جاين الليله الفرحه اتنين ي سلمي في شنو ي حبوبه احكي اخوك جاي السودان اليوم هو وعيالو غريبه ي حبوبه م وقت الزيارة بجو نهايه السنه دائما لالا ي بتي جاين نهائي المره دي وح يقعدوا معانا ابتسمت لحبوبه طيب خليني اساعدك في المطبخ لالا انتي عيانه شئ م تشتغلي وانتي م عيانه يعني 😂 خلينا نتم سريع قبل اصلو صراحه علاقتي مع اخواني م قويه وين وين اجو مره في السنه وكلها اسبوع وبجي اخوي مرات بدون عيالو ومرته ومره م بجو نهائي وانا من فتحت شفت حبوبه وابوي قدامي م كانه موجودين لكن فرحه حبوبه فرحتني اتمنيت في يوم افرح ب جيه احفادي واولادي كدا بجد حاجه حلوة شديد ❤️
تمينا كل حاجه وجو نسوان أعمامي واولادهم وبناتهم واللمه ديك بس محاسن م جات ولا محمد وعيالهم ي ربي مالهم اتأخروا كدا اتصلت عليها وقالت محمد عازم ناس الشغل وم ح اجو بالمساء لمن تصل طيارة اخوي وعيالو قفلت منها وبقيت في شغل البيت كانت كل الونسه او معظمها عن طلاق احمد ورهام وعني والبنات وسلمي تجيب ولد عشان احمد انسي رهام وكلام كدا بس الحمد لله خليتهم وقعدت في المطبخ ..
في بيت استاذ محمد
كانت محاسن وكوثر مجهزين اي حاجه واستقبل محمد الضيوف والقعده كانت جميله واستأذن معظم الناس انهم امشوا عشان الجمعه معروفه لمه اهل ومعظم الناس بتكون وقت الراحه ليهم من دوام الشغل اليومي انتظر مصعب هو وليد وبقو قاعدين استاذن منهم استاذ محمد وطلع مصعب الناس دي كلها طلعت م ظريفه اتكلم عشان نمشي طيب ي وليد م عارف انا مالي كنت جاهز وعارف ح اقول شنو بس اسي م قادر والله ي مصعب انا م عارف انت البت دي م عارف عنها اي حاجه احتمال اسي تكون زوجه محمد انت مش عارف انه متزوج اتنين لالا ي وليد كلها احتمالات م غلط غايتو الله احتمال ندقا هنا م معروف 😂😂 جاء طفل صغير داخل علي الصالون وراهو نسخه طبق الاصل منه وبلعبو وراهم كان استاذ محمد ديل اولادي ربنا يحفظهم ي استاذ ماشاء الله عليهم وعندي بتي فاطمه اكبر من الاولاد ماشاء الله ربنا يحفظهم ليك
م عايزين تبشرونا ي شباب م ناوين العرس ولا شنو وليد وكان خلاث رجع تاني وانت ي مصعب م ناوي قريب م صدق مصعب وليد انه الكلام جاء تلقائيا من استاذ محمد والله النيه في ي استاذ محمد وان شاء الله لو الله سهل م ماشين بعيد منكم ي استاذ محمد ضحك استاذ محمد 😂😂😂والله احنا م بنلقي احسن منك ي مصعب انت لو ناوي العرس اتوكل تب واحنا م ح نلقي احسن منك ي باش مهندس مصعب فرح شديد بالترحيب الكبير من استاذ محمد وطوالي م لقي فرصه احسن من دي انه اذكر اسم سلمي وافتح الموضوع ل استاذ محمد .... بس قاطع الكلام دا جيت واحده وكانت بتكورك بأعلي صوتها ي محمد ي محمد الحقنا وكلها دقائق وطلعنا مع استاذ محمد في اتجاه الصوت ولقيت بت واقعه وشكلها م غريب علي اتذكرت دي اخت سلمي فتحت لي الباب وقتها وقالت لي امشي سريع من هنا رجعنا لوراء انا وليد ومحمد بقي اقول ليها في شنو ي كوثر كنت مركز كتير في الكلام تفكيري كان اسم اسمعها كان بتتكلم في التلفون مع سلمي وفجاة وقعت م عارفه الحاصل شنو ورجعت ل سلمي م بترد رن تلفون محمد الو ايوه ي احمد خير سلمي اتصلت علي محاسن دي .... لا اله الا الله انا لله وانا اليه راجعون انا لله وانا اليه راجعون طيب
ركبنا العربيه مع استاذ محمد واتوجهنا للمستشفي وعرفت انه محاسن زوجه محمد وتوفت حبوبتها ومحمد ود عمها كمان عزينا استاذ محمد واصرينا عليه نقيف معاهو لحدي م اصل البيت ونعزي ونحضر مراسم الدفن وصلنا البيت انا متذكرو كويس جيت هنا وقت سلمي كنت وراها نفس البيت كدا انا اتأكدت وعرفت كل الحاجات ال بعدها بقدر افتح فيها موضوعي صراحه كان تفكيري كله كدا نسيت انه متوجه ل بيت بكاء وحزن وفراق حاسس نفسي كنت متوجه ل بيت اتقدم فيه لبنتهم قطعت تفكيري دا كله لمن وليد نادي ونزلنا من العربيه متوجهين علي البيت كانت زحمه شديد ناس كتير كلها ساعه وطلعت الجنازة وطلعنا معاها وتم الدفن ورجعنا البيت استاذن وليد من استاذ محمد لانه سفرو بعد ساعات من الان وانا اصريت اقعد مع استاذ محمد لو احتاج اي حاجه ....
في بيت حاج احمد مصطفي
كانت كل العيله موجودة ونسه وضحك وكل الناس منتظره جيه عيال احمد مصطفي من السعوديه والترحيب بيهم انا من دخلت المطبخ بقيت مشغوله فيه م طلعت عشان م اسمع كلام عماتي ولا بناتهم وبقيت قاعده اشغل نفسي في اي حاجه بس حبوبه نادتني جيت قعدت جمبها وسامعه نسوان أعمامي تاني بدوا اتكلمو في موضوعي عايزه اقوم حبوبه مسكت فيني قوي وقالت لي سلمي بتي تعالي نقعد جوا عايزه اتكلم معاك شويه فرحت وحسيت حبوبه زي ال حست بي مضايقه قمنا واتحركنا علي الغرفه قعدت وقفلت الباب وكنت مبسوطه شديد ايوه كدا ي حبوبه انا اصلا جيت عشان نقعد سوا ونتونس
كدا ونفرفش اها احكي لي عملتي شنو من دوني طول الفتره دي الجيران شمارتهم شنو الجمعيه اها الدفع منو وال م دفع القروش خليني اجيب شاي واجي اقعدي ي سلمي ي بتي شايفاك كل م تجي سيره احمد تضايقي في شنو زعلانين في شنو عادي الزعل بحصل ي بتي محاسن بتي دي صابره علي طبع محمد ولدي الشين دا وم تشوفني كدا كل مره بنادي ولدي محمد وبتكلم معاهو انتو بناتي انا بحب ليكم الخير بس انا ال ربيتك ي سلمي ي بتي احكي لي الموضوع دا م موضوع زعل بس انت م بتي سلمي ال انا بعرفها قلت م راضيه بزواجك من احمد عشان كدا لا بشوفك عامله حنه ولا متجيهة زي النسوان اخر حنه في يديك ي بتي لمن كنتي عروس قلت اصبري بتك لمن ترضا علي احمد حتي اتكلم معاك بس ي بتي اها ل متين كدا تقعدي سلمي بتي م بتفيف في المنتصف بتحدد هي دايره شنو وبتعملو انت دائما كنتي اقوي من محاسن اختك ورغم انك صغيره قويه واعيه عارفه م بتطلع منك الشينه ابدا بقيت ببكي بس وماسكه في حبوبه والله ي حبوبه احمد م قصر معاي في شئ وم شفت منه الا كل خير بس ي حبوبه طلق مرته عشاني وهو دايراها بس انا دخلت وخربت علاقتهم كلها ي سلمي ي بتي انتي عارفه من وين انتي السبب ي حبوبه طيب خلو بعض ليه رهام من جيت م بتحبني وتتضايق من وجودي عندها حق منه بتحب تشارك زوجها من وحده بالاضافه ي حبوبه احمد خاتي اني بت عمه اولي من رهام زي م انتو بتقولو بت عمك انت مسؤول منها اها ي حبوبه ليه انا اتخذ في موقف زي دا ليه اقيف في المنتصف بينهم زي م انتي بتقولي عشان انا م عايزه اقيف قررت اطلق وارجع احمد لمرته وعيالو واقعد معاك ي حبوبه م اشتقت لي ي حبوبه عليك الله كلمي احمد ي حبوبه انا تعبت شديد م قادرة بناتو بقو لمن اشوفوني بضايفو مني ي حبوبه اطفال حسو بكدا تجاهي💔 اعمل شنو تاني ي حبوبه ..
يتبع
