كتمان [ مكتملة ]

الحلقة 33

#كتمان

فاللحظة هاديك كان قدامو غير اسم فتون... بلاك هي الوحيدة لي تقدر تحس بيه....
قفل تليفونو وناض خرج من الدار... ركب. كتمان وحط لكابيش على راسو..... يمشي وعينيه تدور على الناس.... حاول ينحي عقدتو حاول يتعالج اما كل ما يروح لطبيب نفسي يخرج ميقدرش يتحمل الضغط.... اعتاد على الكتمان فأصبح البوح له محرما.....

♣️♣️♣️♣️
عند خديجة... قاعدة تخدم فالكوسمتيك.... حتى خلصت العشية وروحت على رجليها... وصلت الحومة لقات ولد عمها واقف قدام الباب.... يسنا فيها.... تاففت شحال لسقة مفهمتش علاه يضال يلحق فيها....كل مرة تفرضو اما هو ميستسلمش....

راجل طويل يجي فالتلاتينات.... مهوش بوقوس بزاف اما يمشي حالو... ميتقارنش مع بلال بالنسبة ليها.... الحب يخليك تشوف لي قدامك عبد مثالي معندوش أخطاء..... وكي يصرا مشكل بنو المثالية هاديك رح تتلاشى... ويبدأ الغشاء المخفي يتنحى على عينيك....
شنفت وطلعت خشمها ومشات تحل الباب تع الدار لقاتو يشوف معاها ولهان عينيه ييريو..
".... خديجة راكي مليحة... وش راها مرت عمي لاباس عليها...."
خنزرت فيه ونطقت فوق قلبها
".... الحمد الله مزالت عايشة وتحمد ربي..."
".... مزلتي تخدمي فهاديك الكوسمتيك..."
".... وي مزلت نخدم.... عاجبتني لتما..."
"... لوكان تحبسي وكشما سحقيتي دراهم نمدلك انا.... "
"... زيدهم فصحتك قادرة على روحي وماما... سلم عليهم انا نخليك درك...."
قفلت الباب عليه وهو مزال يتمتع بريحتها.... يحبها ويفنى فيها.... اول ما جا من فرنسا جا طول عندها..... عرف بنو عمو طيشهم وطلق مها..... اما مستسلمش.... كل يوم يجي يسناها من بعيد ويعسها على بالو متحبوش اما قلبو ماعندو شوار....
مو رفضتها والعائلة كامل.... هو مهتمش لمهم غير هي لي يزوجها ويديها مرتو....مسح دمعة من عينو وراح ركب فالطموبيل وراح.....

ساعات الحب يكون قدامنا طول فترة حياتنا واحنا نكونو غافلين عليه..... مي يجي نهار ونندمو على سنوات الضياع لي كنا عايشينها.... أما فلخر كلشي مكتوب وكل واحد مكتوبو......
بلال كان مع صحابو قاعد.... راهو فالتلاتين معندو لا خدمة لا قدمة..... مستقبلو مجهول فهاد البلاد..... رغم شخصيتو الضحايكة والمرحة اما الهموم ميتحسبوش.....

شاف معاها كي كانت مروحة.... محبش يشوفها كل ما...... تعدي ويشوفها يزيد يتعذب... هو حابها وفي نفس الوقت مش حابها... علابالو هي تع دار ومستقبل اما هو ميقدرش يوفرلها وش حابة.... هي ضحات وتعبت بزاف على جال مها.... وخطبوها بزاف اما هي تسنا فيه...
ناض وودع صحابو.... ودخل الدار الدنيا ساكتة.... اول مرة يغير من علاء.... هو على الاقل عندو دار وهجرهم.... كان هو مولا العقل فيهم ولي خدم عقلو ودار مستقبلو...... كانو يتمسخرو بيه ويضحكو عليه..... أما هو دايما ساكتلهم ونهار تطربق فيهم ولا مش مليح.... هو يحب خوه ويعزو..... وتوحشو زادة اما باباه حلف عليهم واحد ما يزيد يدور بيه حتى يجي يطلب السماح.....
♣️♣️♣️
هي تحبه وتنتظر..... وهو هائم يحتضر....
الآخر يحبها ويهواها وهي لا يوجد الا هو على مرئاها....
هو يعشق وهي تعشق.... والقدر هو صاحب اللعبة في الأخير 💔🖤🖤☠️😈