عايض: قد مرة شفتها ......
ريماس: وين شفتها ؟!
عايض: لااا ولا شيء
ريماس: عايض قول وش فيه ؟!
عايض: ولا شي
ريماس: تبيني أروح بفضولي أسألها
عايض: لاااا وييين
ريماس: طيب قل
عايض: قلت لك ولاشي بس حليت لها قضية قبل كم سنة
ريماس: ( بصدمة) قضية ؟! قضية اييش ؟!
عايض: بس كان فيه شباب متعلقين لها
ريماس: وييه بسم الله خوفتني
عايض: عشان كذا اقولك ولا شي مو ودي تنفجعين
ريماس: طيب عايض بقولك شي بس مو تعصب
عايض: ايش صاير بعد الله يستر
ريماس: نوال مرت اخوي
عايض: وش فيها ؟!
ريماس: أخوي حميد بيشتري لها سيارة وهو مفلس وهي ضاغطة عليه
عايض: وانتي شدراك ؟!
ريماس: الله يسامحني بس مريت على صوت بكاء نوال والفضول حاشني وظليت أتنصت لهم واستمع لهم من باب غرفتهم
عايض: أنا حاسس إن المره هذي مهي بهينه
ريماس: وبقولك شي بعد ، ترا أحسها متزوجة أخوي بس مصلحة
عايض: ( بعصبية ) هذا حميد وهو العود وبنت مسيطرة عليه ، يا حيف عليه بس
ريماس: لا تقول إن أنا فتنت أو تروح تتهاوش معه الحين أوكييه ؟!
عايض: ولا يهمك انتي بس ركزي في دراستك وحياتك ولا تدخلي أمور مثل هذي لتفكيراتك
ريماس: طيب ولا يهمك ، ودك في باستا ؟! أنا مسويتها الحين
عايض: والله يا ريماس شبعان توِّي راجع من عند الشباب وانتي تدرين عاد ، لكن بذوق بس مو تنشبين كثير
ريماس: ( وهي تناول عايض صحن ) تفضل
عايض: ( وهو ياكل ) مررره لذيذة تسلم يدك
ريماس: لا تسلك لي
عايض: والله لذيذة مو اسلك
ريماس: بالعافية عليك
عايض: الله يعافيك
......
خلص عايض أكله وطلع من المطبخ وراح لسيارته وهو معصب من أخوه وهو يقول في نفسه....
عايض: ( في نفسه ) أجَل سيارة ومدري إيش يا حبيب ابوك ، أنا اعرف كيف اوقف زوجتك عند حدها وأعرف كيف أخليك رجال ومو أي احد يتحكم فيك يا بابا انت مو ريموت أو جهاز تحكم تمشي على كيفها
أنت تقرأ
حَـبِّـيِِت بِـنْــتُ الثَّـانَوِيَّـة 🖤!!
Ficção Geralروايتنا السعودية هذه راح تنناول فيها ... مشاعر سعودية 🇸🇦✨ هل من الممكن أن صفعات الزمن والأعداء من حولنا !! أن يكونوا سببًا في نشوء علاقة حب ؟!!! - آسيا / عايض هل الخيانه المشاعرية من قبل شخص أحببته من أعماق قلبك يمكن أن تولد حقدًا باتجاه الشخص ا...
