علاقات مشبوهة

علاقات مشبوهة 45

#علآقآت_مـشـبــوهة
#بــقلمـي  :  #مـشـآعر _مـبــعثـره
آلج ـزء آلثـآني
آلفصـل آلح ـآدي عشـر  (  آسـمـيـﮯتهہ‏‏آ نآز  )
آلح ـلقه  (45)
انا صحيت من النوم بوجع شديد ومتواصل عاوزه اموت قعدت اصرخ امي وابوي جو مخلوعين ودوني المستشفى الدكتور قال ولادة وانا ما مصدقه لانو لسه علي قلت لامي تنادي لي دكتوري المتابعه معاه  قالت لي مافي اسي هو في بيتو  : اتصلي به بس عليك الله اول م اتصلت به جاء بسرعه وقال ضروري ادخل عمليه وكل تأخير فيه خطر علي
طيب دقيقه اتصل براجلا امي اتصلت ب اياد
اهلين ي خالتو  : تعال المستشفى سريع سمر مدخلنها العمليه ولازم تمضي التعهد  : عملية شنو  : الولاده  : ولادة شنو اسي  : الدكتور قال ضروري
اياد جاء طوالي وسأل الدكتور من الوضع
انا حاعمل جهدي عشان الام اولا وبعدين في احتمال انها تعاني من مشاكل بعد العمليه  : ذي شنو  : ما عارف افسرا لك كيف بس الوصف الادق انو في احتمال ما تقدر تحمل تاني
امي دي قعدت تبكي بس اياد م اتردد في انو يوقع  بعداك جاني جوا كنت متألمه شديد قال لي خايفه؟ قعدت ابكي مسح دموعي وقال لي ما تخافي عمليه بسيطه قوي قلبك وما تبكي قلت له امي وين  خليها تدخل معاي  : ممنوع زول يدخل معاك  : عاوزين تخلوني براي مع الدكاترة ذدت في البكاء قال لي لو كان مسموح كلنا كنا دخلنا معاك غمضي عيونك وفكري في الحاجات الحلوة انا ح افضل معاك لمن يخدروك
الدكتور جاء طبعا وانا اتلفت الغرفه دي فيها رهبه شديدة ورغم الالم دا انا حسيت بالخجل وهم بجردوني من ملابسي وكلهم قاعدين يعاينو فيني ذي الجزارين طلعت في سرير الولاده وعلقو لي دربات في يدي الاتنين وانا بعاين لاياد في خوف الدكتور قعد يتكلم معاي لمن غمضت عيوني
فضلت فتره طويله في غرفة العمليات البيبي طلعوه بخير واخدوه الحضانه بس انا واجهت مشكله في العمليه لمن فتحت لقيت نفسي براي بعداك امي جات وابوي حمدو لي السلامه عيوني كانت بتفتش لاياد بس ما شايفاه امي قالت لي جبتي بنوته ذي القمر  : بنت؟  : ايوا  : بس الدكتور قال لي ولد  : ما بفرق المهمه الخلقه الكامله  : ايوا
سألت منها قالو في الحضانه قالت لي لو شفتيها صغيرونه كيف  : ابوها شافا؟  : لا
قلعت عيوني وقلت لها قعد حضر العمليه وما شافا؟  : دا خليه ساي مرتو اتصلت به مشى لها ذي العبد اظن عملت نفسا متوجعه عشان عرفتو معاك  : خليه يمشي لها  : لو تعرفي العملو وانتي في العمليه تقولي الراجل الحنين الخايف على مرتو داك  : خلاص ما تجيبي لي سيرتو 
حمد الله على السلامه خفنا عليك شديد
دا الكتور جاء يطمن علي قال لي حاسه بشنو
صداع ومتألمه شديد كأنو البيبي لسه جوا  : هههه طبيبعي دي تقلصات الرحم خت يدو في جبيني وقال  امممم عندك حراره عاليه  : وجسمي كاشي كدا حاساه  : الجرح واجعك؟  : شديد  : ما تخافي كل شي تمام بعدين ح اجي اشوفك  : وبنتي؟  : اصبري عليها شويه انتي ما عندك حليب صح؟  : لا ما حاسه انو في  : ما مشكله الحمدلله انو دخلتي السابع والا كان فقدنا البيبي  : الحمدلله
بعد مشى قلت لامي بس كدا بنتي حاتجوع  : ما تخافي عليها  : طيب جيبوها لي ولا خلوني امشي اشوفا  : بتمشي بس لازم تاكلي  : ما عاوزه ي امي زحيه مني ريحة الاكل دي بتطم بطني  : يا زوله ما تدلعي  : ما عاوزه  : سمر لازم تاكلي شويه  : ما عاوزه اكل عطشانه بس 
جابت لي مويه في كباية شاي وما خلتني اكملا  بعداك قومتني اتمشى وانا جسمي ما قادره اشيلو ومصدعه شديد الا بتكل فبها
شدي حيلك يا بنت مالك ميتانه كدا  : تعبانه ي امي شديد ومتألمه خليني ارقد  : لسه امشي شويه  : والله ما قادره اجبرتني امشي شويه وانا حيلي فيها هي بعداك رجعتني السرير نمت شويه صحاني الالم وما قادره اتبول نهااائي الالم دا استمر معاي لنهاية اليوم وصداع وحمى
الصباح الدكتور جاء شافني
الحمى لسه ما نزلت حاسه بشنو انتي يا سمر  : تعبانه شديد انا والله ما قادره اتحمل قلبي بدق بسرعه عاوز يطلع من محلو  : في صداع والم في الجرح ونهاية البطن؟؟  : ايوا
جاء اتحسي بطمي بيدو ملامح وشو اتغيرت قلت له في شنو  : مافي داعي تخافي بس لازم اعمل لك فحص للبول عاينت له بقلق قال لي فحص روتيني ما تخافي بعد الفحص نادى امي وقال لها  البنت دي عندها عدوى النفاس  : بسم آلَلَهّ الرحمن الرحيم ودي جاتا كيف  : ما تخافي بتحصل الحالات دي في الولاده القيصريه وامكن عشان اتأخرنا في العمليه  : مسكينه يا بنتي حياتك كلها عذاب قعدت تبكي الدكتور قال لها ما تخافي ح اديها مضادات حيويه بس لازم تفضل معانا في المستشفى شويه عشان نطمن عليها  : طيب والبنت الصغيره دي  : ممنوع تقربوها منها بالنسبه للغذاء في بدائل للبن الام انتي عارفه  : الحمدلله على كل حال
طبعا ما خبو علي حالتي لاني بسأل من بنتي طوالي اياد اتصل بي من الزعل ابيت ارد له قام اتصل ب الدكتور وشرح له الوضع طوالي جاء اول م دخل انا قبلت وشي منو قال لي حمد الله على السلامه  : الله يسلمك  : كيف وضعك  : في احسن حال  : الدكتور قال انو معاك عدوى النفاس  سكت قال لي ما قدرتي تضمي بنتك لحدي اسي؟  برضو ما رديت قال لي ماشي اشوفا امي لمن شافتو قالت له جاي اسي؟؟ نسيت انك خليتا في الولاده ومشيت لمرتك التانيه ولا حتى اتصلت اطمنت عليها وعلى بنتك الي ما شفت صورة وشها لحدي اسي يخسي عليك والله معقول انت ياهك نفس الراجل الكانت سمر طايره به السماء وقبلانه بالاهانه عشانو
هو اتجاوزا ومشى الحضانه يشوف البنت الممرضه سالتو بنتك وين كان كاتبين لها اسمي بس مشت جابتا له وشالا بين يديه وهو برجف كانت الصدمه اول ما البنت فتحت عيونا لقاها نفس لون عيونو الخضراء وانفو عاين لشعرا البني المايل للاشقر  الممرضه قالت له بتشبهك شديد عرفتك ابوها اول ما جيت اصلا مافي طفله في صفاتا دي عندنا ربنا يخليها لك ما شاء الله جميله  وهو دموعو طوالي نزلت قبل راسا وضماها لصدرو بقوة
يتبع