علاقات مشبوهة

علاقات مشبوهة 47

#علآقآت_مـشـبوهہ‏‏‏‏هہ
#بقلمـيـﮯ  :  #مـشـآعر_مـبعثرهہ‏‏
آلجزء آلثآنيـﮯ
آلفصـل آلحآديـﮯ عشـر  (  آسـمـيـﮯتهہ‏‏آ نآز  )
آلحلقهہ‏‏  (47)
قدر ما حاولت امسك نفسي ما قدرت فجاءة لقيت نفسي على الارض ذي الطفل الصغير ولمن سمر جات ما عرفت اقول لها شنو وهي مصره الا تدخل تشوفا
دا قضاء ربنا وقدرو ربنا يعوضك ان شاء الله
لالا انتو عملتو فيها شنو بنتي وينا  : سمر  : بنتي وينا زحو مني عملتو فيها شنو وديتوها وين
لمن شافت كل الناس بتبكي براها فهمت قعدت تبكي لمن وقت على الأرض  صحت في حاله تانيه امكن يداب استوعبت الحصل بقت تصبر نفسا وطلبت تشوفا  انا اخدتا بنفسي
كنت شايله بين يدي بااارد وما فيها حركه عيونا الحلوة ديك مغمضه ختيتا لها في حضنا ضمتا شديد وهي ساكته بعد شويه طلعت اهه وجعت قلبي من جوا الدنيا كلها مسخت علي وصغرت قدام اللحظة دي لحظة الوداع والفراغ حسيت كانو الالوان كلها اتحولت للاسود حتى بابا لمن عرف انو فقد حفيدتو الماشافا بكى عليها انا بيدي كفنت بنتي ونزلتها لقبرا الصغير
ما عاشت غير شهر واحد تعبت فيه وكانت بتتألم في كل يوم اخيرا حاتنوم الليله حاتنوم بدون ما تتوجع وما ح تبكي ولا قلبا حايوجعا جات للحياة دي نضيفه وماتت نضيفه ذي ما جات
لمن كنت راجع من المقابر وقلبي مليان حزن اتصلت بي خالتو هبه ما كنت عاوز ارد لها بس خفت يكون حصلت حاجه لمنى رديت لها بصوت هزيل
الو  :  كيف حالك يا ولدي  :  الحمدلله  : ربنا يعوضك ان شاء ويصبر قلبك  :  امين  : انا عارفه انو حالتك صعبه اسي ومافي وضع بسمح عشان كدا اجلت الموضوع  : موضوع شنو  : انت عارف انو ربنا عندو حكمه في كل حاجه تحصل هو البياخد ويدي الليله اخد منك بنتك وعوضك بولد ذي القمر  : انتي بتقولي في شنو  : منى ولدت قبل شويه وجابت ولد الف مبرووك 
ساعتا انا فقدت توازن وما قدرت اسوق الا طلعت من الشارع ووقفت
انتي جاده  : ايوا منى من الصباح اتوجعت ووديناها المستشفى بس ما حبيت اكلمك وانت حزنان على بنتك ربنا يتقبلا   : ا الحمد لله الحمدلله حمدالله على سلامة منى  : الله يسلمك
انا طوالي نزلت من العربيه وسجدت فرحت وقلبي المحترق دخلتو نسمه باردة صح ما طفت النار الجواه بس مصيرا تنطفي  واصلا الحزن دا هو الحاجه الوحيده البتتولد كبيره وتبدا تتلاشى وتصغر شويه شويه لمن تنطفئ  كان المفروض امشي لمنى اشوفا واخد ولدي في حضني واشكر ربنا عليه بس قلبي كان في مكان تاني عند سمر  وفي الوضع دا انا ما بقدر اخليها براها لانو دي لحظة ممكن اخسر فيها حبا للأبد هي اولى بالحب والاهتمام مني
مشيت وكنت متوقع الحاله الحاتكون فيها  قافله نفسا في الغرفه ورافضه تفتح بعد تعب واصرار شديد جات فتحت لي
ووقعت في حضني بكت شديد وصرخت لمن شرطت القميص الانا لابسو وغرقتو بدموعا نزلت معاها للارض لانو جسما كان بنهار شويه شويه وبهبط رفعتا في السرير وحضنتا فضلت معاها لمن نامت كان الوقت متأخر شديد انتظرت الصبح ومشيت لمنى وهي عزتني لمن عرفت كنت بصحه كويسه وكمان البيبي
#سمر
ولدت؟؟؟   :  ربنا عوضو يا بنتي  :  انا فقدت بنتي وهي جابت له ولد في نفس اليوم؟؟  : سمر لا ما تعملي كدا ما تبكي خلاص  : ما قادره ي امي حدو وين الوجع دا منى عايشه اسعد يوم في حياتا اياد زعل بس نسى الزعل بشوفة ولدو في نفس اللحظه  وانا؟؟  انا شنو مافي غير الوجع والقهر اااااااه
سمر قولي الحمدلله ربنا يعوضك اوعا تقولي كدا قومي صلي واستغفري يلا  : انا ح اموت ي امي حاسه اني قاعده اتلاشى وانطفئ  بالبطيئ
قعدت اضرب بيدي الاتنين على السرير وامي خافت شديد قامت جاريه لابوي
الفاتح تعال للبنت دي
سمر استغفري يلا قولي استغفر آلَلَهّ آلَعٌظُيَمً  ما تخلي الشيطان يغشك ويخسرك بنتك كلما صبرتي ربنا بربط قلبك  وبتلقيها قدام لكن لمن تجزعي بتخسري الاجر والشفاعه بنتك الانتي زعلانه عليها دي بتشفع لك بعدين عاوزه تخسريها؟  : ياريتني لو ما ولدتها وشفتها ي امي كان اهون علي  : لالا اوعك ربنا اختبرك بها ليه ما تفسري الموضوع على انو ربنا اداك لها تشفع لك يوم الموقف العظيم وكفارة لاغلاطك وذنوبك القديمه توبي وارجعي له ما تعملي كدا يلا الله يرضى عليك قومي معاي وقولي الحمدلله  قولي  : الحمدلله  : قولي ربنا يصبرني  : ربنا يصبرني😭😭😭😭😭😭
قمت استحميت وصليت ركعتين طواااال بكيت في السجود ودعيت ربنا يصبرني ويثبت قلبي وعوضني عن الوجع الحاساه دا
بعدها مسحت دموعي حبست الوجع جوا عشان م اتعب ولا اتعب اهلي معاي
اياد جاء وكالعاده اتوجه على غرفتي طويل
سمر جهزي شنطتك وخلينا نمشي  : نمشي وين
مسك يدي وقال لي بيتنا
سحبتا منو وقلت له انت مجنون؟؟  بيت شنو البتتكلم عنو دا ناسي انو نحن انفصلنا  : بس انا ما طلقتك  : بس كنت ناوي تعملا  : مدام ما طلقتك تبقي لسه على زمتي ومافي زول بمنعني اخدك معاي  : اياد خلاص كفايه تفرض نفسك على حياتي الرابط بيننا والكان جابرك علي خلاص انقطع ما تمثل علي انا ما عاوزه شفقه ولا حا عيش سعادة مؤقته معاك  : في زواج بتسمى سعادة مؤقته؟؟ انا زوجك  فتحت الباب وقلت له اطلع برا كنت بصرخ فيه وهو بس بعاين لي فجاءة شالني لمن انخلعت
نزلني بسرعه اياد احسن لك  : انا ماخدك البيت رضيتي ابيتي دا الحايحصل  : بس انا ما عاوزاك اجباري هو  :  ايوا لو مشيتي القانون برجعك لي فشنو بطلي مقاومه
اصواتنا كانت عاليه وامي جات شافتو شايلني وماشي طوالي خجل ونزلني قالت لينا مالكم تاني نحن لسه دمعتنا ما جفت قال لها انا جاي اسوق سمر البيت  : بس دي ما تمت الاربعين  : اربعين خمسين ما مهم الحل الوحيد للحاله الهي فيها دي انو نرجع  : قلت لك ما عاوزه شفقه
في لحظة اياد اتهور تاني وشالني قال لي لو ما عشانك عشاني انا روحي هشه شديد الفتره دي ومحتاج اتقوى بك شالني في قدام امي وابوي وانا ما قدرت اعمل شي الا الخجل المنزل راسي 

يتبع