ထွက်သွားနိုင်တဲ့သူကတော့ ထွက်သွားခဲ့ပြီဆိုပေမဲ့ ကျန်ခဲ့ရတဲ့ဂယူဗင်းမှာတော့ company တောင်မသွားနိုင်ဘဲ တစ်နေကုန်အိပ်ရာထဲမှာပဲခွေနေမိခဲ့သည်။
သို့ပါသော်လည်း ဟန်ယူဂျင်းနဲ့ပတ်သက်ရင် အမှတ်မရှိဘူးလို့ဆိုနိုင်တဲ့ သူ့ရဲ့ပင်ကိုယ်စရိုက်လေးကတော့ ညဉ့်နက်လာလေလေ ဗီဇပြလာလေလေပင်။
"" ဘယ်ကိုထွက်သွားလို့အခုထိပြန်မလာရတာပါလိမ့်...သွားစရာနေရာလည်းမရှိတာကို.. ""
ဂယူဗင်း တစ်ယောက်တည်းရေရွတ်လိုက်ပါရင်း..အနားမှာရှိနေတဲ့ဖုန်းဆီအကြည့်ရောက်သွားခိုက်..တိုက်တိုက်ဆိုင်ဆိုင်ဖြတ်ခနဲလင်းလာတဲ့ ဖုန်း screen လေးက စာဝင်လာကြောင်းအချက်ပြလာခဲ့၏။
ဒီအတိုင်းလှမ်းကြည့်လိုက်ရုံနဲ့တင်
ယုန်emojiလေးထင်းနေအောင်ပေါ်နေတဲ့
contact nameလေးကြောင့် ဂယူဗင်းစိတ်ထဲ
လှိုက်ခနဲဝမ်းသာသွားရကာ ချက်ချင်းဆိုသလိုယူကြည့်လိုက်မိသည်။
- ဒီအတောအတွင်း ခဏလောက် ခွဲနေကြရအောင်၊ အဲ့ဒါက နှစ်ယောက်စလုံးအတွက် ပိုအဆင်ပြေလိမ့်မယ်၊ ကျွန်တော်အဆင်ပြေပြေနဲ့ရှိနေမှာမလို့ ကျွန်တော့်အတွက်စိတ်မပူပါနဲ့ -
သူစိမ်းဆန်ဆန်အသုံးအနှုန်းတွေအပြင်
အေးစက်စက်အငွေ့အသက်တွေပါလွှမ်းမိုးလို့နေတဲ့ ထိုစာတိုကြောင့် ဂယူဗင်း မိနစ်အနည်းငယ်ခန့်မျှ ဘာကိုမှမတွေးနိုင်လောက်အောင်ဖြစ်သွားရသည်။
' ဒါယူဂျင်းပို့လိုက်တာဟုတ်ပါတယ်နော်? ' လို့ကိုယ့်ကိုယ်ကိုယ်ပြန်မေးရင်း contact name နဲ့ ဖုန်းနံပါတ်ကိုပြန်စစ်မိတဲ့အထိ သူ့အတွေးတွေဝေဝါးကုန်သည်။
ခဏလောက်ခွဲနေကြရအောင်? အဲ့ဒါကနှစ်ယောက်စလုံးအတွက်ပိုအဆင်ပြေလိမ့်မယ်?
စာကိုအထပ်ထပ်အခါခါပြန်ဖတ်မိရာက ဂယူဗင်း အသက်မဲ့စွာထရယ်မိတော့သည်။
"" ဟား ... ဟာသပဲ ဟန်ယူဂျင်း ""
ရယ်ရသည်။ အစကတော့ သူ ဘာကိုမှသေချာမတွေးနိုင်လိုက်လို့ ဘယ်လိုမှမနေပေမဲ့... တကယ်တမ်းမှာတော့ ဒီစာက ထပ်ခါထပ်ခါ ဖတ်လေလေ သူ့အတွက် ရယ်ရလာလေလေပင်။
