နားခိုရာမှားတဲ့ လိပ်ပြာငယ်

🦋①⑧...Ⓤⓝⓘ

" ရှိုင်း ထတော့လေ"

ညနေဆောင်း​နေပြီ မို့ ဖျားမည်စိုးသောကြောင့် နိုးရသေး၏။အိပ်ယာမှ မထချင်သည့်နှယ် အင်တင်တင် လုပ်နေသူအား စိတ်ရှည်လက်ရှည်နိူးနေသူက ကလေးအဖေနှင့် နင်လားငါလား။

" အွန်း ခဏလေးဘဲ အိပ်မှာပါ ခဏနေထမယ်"

"ထတော့လို့ ညနေဆောင်းနေပြီ ဖျားလိမ့်မယ်"

" အင်းလို့ ခဏလေးဘဲ"

" ထပါတော့ဆိုကွာ  ငါအပြင်သွားမလို့"

ထိုသို့ပြောလိုက်တော့ ငေါက်ကနဲ ထထိုင်လာကာ မှေးကျဉ်းနေသေးသည့်မျက်လုံးအား အတင်းနင်းကန် ပြူးဖွင့်နေလေသည်။

" အပြင်လား ငါလဲလိုက်မယ်"

" လိုက်မယ်ဆို သန့်ရှင်းပြီးအ၀တ်အစားလဲလိုက်အုံး"

" အင်းစောင့်အုံးနော်"

"ဖြေးဖြေးသွား ငါစောင့်နေမယ်"

ကုတင်ပေါ်မှာ ယိုင်ထိုးကာ ပြေးဆင်းသွားသဖြင့် လဲမည်စိုးသောကြောင့် လှမ်းသတိပေးရသေး၏။တစ်ကယ်ကို ကမူးရူးထိုးလေး။

" Nik ဖြူ့ကိုရော မခေါ်တော့ဘူးလား"

" ဖြူလား အခန်းထဲမှာ မရှိဘူးထင်တယ် ဖုန်းခေါ်တာလည်းမကိုင်ဘူး တံခါးခေါက်တော့လည်း လာမဖွင့်ပေးဘူး"

သြော် မုသားတော့သုံးရပြီပေါ့။ နှစ်ယောက်တည်းသီးသန့် သွားချင်လို့ မခေါ်ခဲ့လိုက်ခြင်းဖြစ်သည်။သတိတရမေးတဲ့သူက ရှိနေတော့  မုသားနဲ့ ဖုံးရပြီပေါ့။

ကားပေါ်ရောက်ကတည်းက မလန်းမဆန်းနှင့် နောက်သို့မှီကာ မျက်လုံးတို့ကို မှိတ်ထားဆဲကြောင့်  စိတ်ပူသဖြင့် လှမ်းမေးရသေး၏။

" ရှိုင်း  နေမကောင်းဘူးလား"

" ကောင်းပါတယ် နည်းနည်းပင်ပန်းသွားလို့"

" ညစာအတွက် လေငွန် သွားကြမလား အဲ့ဆိုင် ၀က်စတူး နာမည်ကြီးတယ် "

" ၀က်စတူးလား မစားချင်ဘူး  ကော်ဖီလေးဘာလေးသောက်လို့ရမယ့် နေရာရှာစမ်းပါ"

" အိုခေ ငါသိတဲ့ ဆိုင်ရှိတယ်"

Cafe’ May
မေ ကော်ဖီဆိုတဲ့တံဆိပ်နဲ့ ကိုယ်ပိုင်စိုက် ကိုယ်ပိုင်ထုတ်ပြီး ကော်ဖီဆိုင်လေးအနေနဲ့လည်းဖွင့်ထားတဲ့ ဒီဆိုင်လေးမှာ  မေမြို့style ကော်ဖီကိုမလိုင်များများနဲ့ရသလို cappacunio တို့လို ကော်ဖီလည်းရတယ်။ ဆိုင်ကတော့ သေးသေးပဲ။  သူ့မှာယူဖတ်ဖို့စာအုပ်တွေလည်းရှိသည်မို့ ရှိုင်း အကြိုက်တွေ့မှာ အမှန်ပင်။