In Love With An Old Mafia(Complete)

Part-35

(သတိပေးတားမြစ်ချက်-သွေးထွက်သံယိုအခန်းများနှင့် လူသတ်ခန်းများပါဝင်သောကြောင့် နှလုံးရောဂါရှိသူများ သို့မဟုတ် ထိုကဲ့သို့အကြောင်းအရာများအားမကြိုက်လျှင် မဖတ်ရန်ပိုမိုသင့်လျော်ပါကြောင်းနဲ့ ဖတ်ရှုသူများကလည်း သတိနှင့်ဆင်ခြင်ဖတ်ရှုရန် သတိပေးအပ်ပါတယ်ဗျာ။
ဤအခန်းသည် စာရေးသူ၏စိတ်ကူးသက်သက်မျှသာဖြစ်၍ ပြင်ပလောကနှင့်လုံးလုံးမျှမသက်ဆိုင်ကြောင်းလည်း ပန်ကြားအပ်ပါတယ်ခင်ဗျာ)

******

"Aarom...ကျွန်တော့်ရဲ့ဖိတ်ကြားမှု(စိန်ခေါ်မှု)
ကိုစဥ်းစားပြီးပြီလား"

"Robert?"

"ဘယ်လိုလဲ Aarom..ခင်ဗျားရဲ့အဖြေကိုကျွန်တော်စောင့်နေတယ်"

"ငါအခုအဲ့လောက ကိုလုံးဝပြန်မလာတော့ဘူးဆိုတာကို မင်းသတင်းတွေကြားမှာပါ Robert၊ဒါကြောင့်
မင်းရဲ့ဖိတ်ကြားမှုကို ငါငြင်းတယ်"

ဖုန်းလိုင်းတဖက်မှ စုတ်ထိုးသံ ကျွတ်ကနဲ ကိုကြားလိုက်ရ၍ ၎င်းမှာသိပ်ကိုစိတ်ပျက်နေဟန်။

"ဒါဆိုလည်း ဘယ်တတ်နိုင်ပါ့မလဲ၊
ခင်ဗျားရဲ့ ယောက်ျားအတွက်တော့စိတ်မကောင်းပါဘူး"

"ဘာကိုဆိုလိုတာလဲ"

"စာရေးဆရာအောင်သက်ပိုင်က ကျုပ်လက်ထဲမှာလေ Aaromရဲ့၊
သူက အရမ်းကိုမနာခံတတ်တာပဲဗျ၊
သူ့ကိုစစချင်းခေါ်လာတုန်းကဆို ကျုပ်ကလေးတွေကို ဒဏ်ရာရအောင်လုပ်ပစ်တာလေ ဒါကြောင့် စိတ်ငြိမ်ဆေးလေးနည်းနည်းပေးထားတာ"

ဤစကားက စိုင်း၏နှလုံးသားကို တစုံတခုဆွဲယူလှုပ်ခါလိုက်သကဲ့သို့ တုန်တက်သွားစေပြီး ကြောက်စိတ်နဲ့စိတ်ပူမှုတို့က ဟုန်းကနဲလိုက်တက်လာသည်။

စိုင်း ဒေါသဖြစ်စွာ "ငါxိုး"ဟုဆဲရေးလိုက်ရင်း
"မင်းသက်ပိုင်ကိုလက်ဖျားလေးနဲ့ထိရင်တောင်ငါမင်းကိုသတ်ပစ်မယ် Robert!"

စိုင်းဒေါသတကြီးနှင့်အော်ပြောလိုက်တော့ တဖက်မှရယ်သံလွင်လွင်ကသိပ်ကိုကျေနပ်နေဟန်။

"ပြိုင်ပွဲက အခုလိုမျိုးမှစိတ်ဝင်စားစရာကောင်းတယ်လို့ ခင်ဗျားမထင်ဘူးလား Aarom"