كتمان [ مكتملة ]

الحلقة 43

#كتمان

تجاهلو وجا رايح... أما هداك لحقو...
"....علاء وشبيك هارب صاحبي... معليكش راك تقضي.... ؟؟؟"
شاف معاه بغل..
"... مانيش صاحبك وقيلني.."
"... ايا بشوية ههه علاه مقلق... وش رايك نتلاقاو ونتجمعو كاش نهار انا وياك... هادي بنتي اسما...."

هو سمع الاسم وصدرو يطلع ويهبط.... قشعريرة سرا في الكرو تاعو... غمض عينيه وحلهم وهدا كلو جاز على عينين الطبيب... لي تبسم وحالف يعاونو.... باين عليه يتعذب ولازم يتعالج....
".... باين تحب الرسم بزاف؟؟؟ "
هزلو براسو ومعنالو على الكتابات لي في الشاريو....،جا رايح
"... اصبر دقيقة تع واه هداك الكتاب؟؟"
علاء حشم وخبا الكتاب موراه...
"... والو متحوسش تفهم بزاف...."
هو داير وهو خداه من يدو يضحك...
"... يا ولدي تع زواج دربة وحدة... علاه معرضتنيش متقولش تزوجت كلشي مبروك..؟؟"
"... نو مزوجتش"
ضحك عليه... باين حشمان....
".. يا خويا... وشبيك رح تتطرطق.... "
راح خلاه يهدر وحدو....كي شافو هرب عيط وهو ميت بالضحك..
".... هداك الكتاب تع النسا مش تع الرجال... هههه"
تنهد ودخل هو وبنتو فرحان... على الأقل بدا يدير خطوة.... الصداقة هي الحل تاعو لازم يتفتح على الناس ويتخلى على عزلتو هادي

كانت الساعة ستة لعشية... وهي قاعدة وزيد مكانش تليفزيون..... مفهمتش كيفاه راهو عايش القلقة والسماطة.... نهار كامل وهي تفرز فالدار..... بيت برك كانت مقفولة... جامي دخلتها.... جات رح طيب حاجة ملقات والو... مزالت تخاف منو ومتعرفش نيمروه بش تعيطلو.....

حاسة روحها مرتاحة...يمكن هادا هو قدرها... بلاك الياس كان نزوة.... متنكرش مزالت تحبو... أما اللهفة والشوق راح... ملقاتوش وقت كانت محتاجة....

قعدت ترتح.... الغلبة والجوع.... حتى سمعت الباب يتحل... لقاتو هاز شكاير بزاف و حوايج تاني.... تبسمت ونكزت من البونك تتوقب على واش جاب..... وهو حاسها بنتو فرحانة...

مشافش فيها... قفل الباب ودخل كلشي للكوزينة.... تبسمت معاه.... وراحت تفرز في الحوايج ولي تجي في طريقها تأكلها.....

راح قعد يخدم فالبيسي وعينيه عليها وش دير.... ماهيش نفس الطفلة لي تلاقاها هداك النهار... ضعيفة ومجروحة.... قدامو وردة جورية كل يوم تتفتح.... علاه مخافتش وعلاه مبعدتش عليه... بالرغم من تجاهلو و قسوتو ولسانو.... مزالت فرحانة.... ابتسامتها مقتصرة عليه... في حضورو تظهر وفي غيابو تختفي...

وهدا هو الحب... انك تخلي الطرف الآخر يمدلك حاجة غالية عليه...

طيبت حاجة خفيفة وداتها في بلاطو تاكل في الصالون..... وهو كان يخدم... حطت قدامو البلاطو وقدمتلو الصحن..
طلع عينيه فيها متعجب..... وهي قدمت المغرفة.... سمطها وهي تغشت... بدأت تاكل بالصوت بش تلفت انتباهو.... عجبتها ماكلتها وهو يخزر فيها... والله غير جابتلو الجوع بسيف... جبد مغرف وبدأ ياكل قلقان....
يوميات بسيطة وعادات يومية خلات علاقتهم تتطور يوم بعد يوم.... لغة الأعين والاشارات.

منقولوش انو حب بيناتهم.... شي أكبر ارتباط روحي.... شخصياتهم خلاتهم يوصلو للكمال الروحي....