القثـم

🦅القثم سابع والثلاثون 🦅

واگفلك أكثَر من هَلك
مِثل الجواز بعشرتَك واگفلك أني بغُربتَك
بَس أنتَ مو حگاني .

🦅القثم سابع والثلاثون🦅

بقلم الكاتبه: غرام ،

---------------------------------
-زادي:- خليت اصينية يمهه
وهمست ،

كومي اكلي من امس مماكلة شي

-سَنمار:- والله نايمة انتي غير البارحه
بربشت بثلاجه وخري اريد انام ،

كعدت يمهه اباوعلهه عيونهه من جوة
صايرات حمر من البجي والجفن الفوك صاير
بي خطوط شرايين طاكـة
لزمت ايدهه بستهه وهمست ،

ڪافي سَنمار صارلچ يومين تبجين
كافي والله موتي نفسچ منو يستاهل ،

::-مدا اتحمل زادي كلبي يوجعني

::-اسم الله على كلبچ ياامي شلون متردين يصير بيج خفقان وانتي تكعدين تبجين تنامين تبجين
عيونچ راح يرحن كومي اسندي نفسچ تعبتيهه

::-تعبت واني امثل القوة والصمود تعبت
اخر شي بعد مااتحمل مااشفتي شي انتي شسوت
بيه كدام ضَيسن تفشر عليه وتكلي
بواكة زلم، بكتي اب من طفلة وهواي كلام
كل مااذكرة كلبي يوجعني اكثر ،

سحبت نفس بضيق اباوعلهه شلون
تحجي بحركـة مسحت ع شعرها ورديت ،

::- شنو التردينـة بضبط؟

::- يطلگني ويريحني من هذا الارتباط
الغلط من اساسه غلطط ياريت لو مخطوفة
وميتـة ولا هاي الكسرة والخذلان ،

::- تدللين والله يطلكچ وهوَ الممنون بس
انطينـة صبر مهد ديقنع بي بس،

::- ميقتنع هههه والله اعرفة كال هوه
كال تموتين ومااعوفچ ولا اطلك

::- يطلك جذب مجرد كلام يخوفچ بي
يطلك بس انتي اتحملي شوية بعد وكومي
ع حيلچ ودراستچ داومي من باجر
حرامات تضيعين سنه عليچ وهذا مستقبلچ امي ،

هزتلي راسهه وكامت شالت شعرهه وطلعت
طلعت وراهه روحي رايحه عليهه
شكد حاول مهد وي قثم بس هوه معند
واصلاً كام يتهرب بشغلة واريام تكول يجي
وجهه صبح نوم ماينام ،
يجي تعبان ينامله ساعة ويرجع يداوم ،
ومن مسوي حادث طايح بلحرس وفاصلهم
والله شلون تاير مبنجر وتالي مرجعهم ضَيرم
ومعتذر منهم ،

كلارا:- سارة دتبجي متقبل بية تريد
صَهيد

::- خابري هذا ثاني من امس ماكو
حقهه تبجي البنيه

::- اتصلت يكول سكتوهه اني خارج المحافضه

نخفت بملل وراحت شالتهه تفتر بيهه
وابني المسودن يضحك عليهه

ولك ماما لااتضحك عليهه خطيه دادا

::- عوفي الخايس هم احنه نشمت من يبجي