رسَايل مِنك لحد هَسه اداريهن
مِثل نوُم الطِفل بالليَل اهِز بيهن
واكَلبهن واشوُف ايامَك الحِلوات
مو حِلوات بس مَجبورة اسميهن .******************
دخلت ع الرساله واني فرحانه بس ليش هيج دزلي
نور: ثعبان شنوو قصدك
ثعبان: اعرفج مشتاقه لـ قصي واعرفج شفتي وجاي تفكرين ليش ما حجه وياج بس راح ينحل كلشي
نور: شلون يعني
ثعبان: راح ادزلج رقم اتصلي علي وانتِ تعرفين
دزلي الرقم واني متردده اتصل او لا اخذت قراري واتصلت رن اول مره بسرعه رد
قصي: الووو
بقيت ساكته واني اسمع صوته ايي هوه قصي هذه حبيبي وروحي يمةة ماگدر احجي شبيهه
قصي: نور عيني
نور: قـ قصي
قصي: اخخخخ نوره تسمعيني احجي فدوه اروحلج
ماتحملت طگيته بجي واني اسمع صوته يبجي معقوله جاي يبجي
نور: قصي دتبجي
قصي: گلبي مفرفح عليج لج نويره
نور: مشتاقتلك
قصي: مو بگدي وحق اخو زينب مو بگدي
نور: ليش عفتني
قصي: انتِ عفتيني
نور: والله ماعفتك ولا راح اعوفك انتَ ماتعرف شصار بيه من وراك
قصي: اعرف اعرف كلشي
نور: شلون تعرف
قصي: صارلي سنتين اني مثل خيالج واتحسر اسمع اسمي بحلگج واشوف مشيتج ضحكتج كلهن واني الوم نفسي الف مره شلون راح اتحمل بُعدج
نور: وليش حته تتحمل ليش مااجيتني
قصي: ماگدر نور ماگدر
نور: ليش شصاير قصي
قصي: اووووف مشتاق اسمع اسمي بصوتج ارجعي گولي قصي
نور: قصي
قصي: عيونه ونضرهه
نور: احجيلي ليش هسه رجعت
قصي: شتاقيتلج ماتحملت
نور: جذاب صارلك تلث سنين غايب طير سنه اني بحاله اكتئاب وما طالعه السنتين ليش ما اجيت بيهن
قصي: بهاي السنتين صارت سالفه طويله ولحد هسه متندم عليهه
نور: شنوهيه
قصي: مانحجي ع الموبايل اريد اشوفج
نور: بس ثعبان گال ماطلعين
قصي: اني اجيج
نور: تحجي صدگ
قصي: وداعتي بس اكمل شغلي اذا هاي بليل اني يمكم