رواية الفرعونه الصغيره
بقلم إيمي
Emy Boss
الجزء الحادي عشر
عماد : علشان كده الناس بتنادي مريم بأم ماريان على اسمك
مريم بدأ صوتها يعلو بالبكاء : عبير إهدي بقي
فرعونه لقيتوها
مريم : انا عرفت ليه ربنا حرمني من اني اكون أم
لاني انا اللي ربيتها
ومع ذلك معرفتش انها ماريان لما شفتها وعشت معاها سنه
عبير : هتعرفي من أين
شكلها اتغير عم ما كانت طفله
ازاي هتعرفيها
مريم : اي أم مهما بعدت بنتها عنها
كانت هتحس بيها
ولما هتشوفها هتعرفها
لكن انا محستش بحاجه
عماد بدأ يهديها
عماد : بس انا فاكر ان اول مره شفتيها
وقالت لك يا ماما
انتي حضنتيها
وقولتي انها دخلت قلبك
وحسيتي حضنها زي حضن ماريان
يعني احساسك كان صح
بدأت مريم تمسح دموعها
مريم : فعلا
حسيت اني بحضن ماريان
وكلمة ماما لما قالتها
حسيت ان ماريان هي اللي بتنادي عليا
فرعونه : لو خلصتوا دراما
ممكن افهم ازاي وصلت من الصعيد للقاهره
الكل بدا عليهم الزهول
فرعونه : لتكونوا مفكرين ان سنين عمري دي
محدش هيتحاسب عليها
انا عشت اللي المفروض أحلى مراحل حياتي في جحيم
ايامي اللي المفروض العب والبس وأخرج وادلع
عشته في كابوس
عبير وسامي بدأ عليهم الزهول من كلام فرعونه
سامي بغضب : انا عيشتك في جحيم يا فرعونه
بعد العمر ده كله طلعت معيشك في جحيم
انا قدمت اللي بقدر عليه
كنت بشتغل تلات ورديات في شغلي علشان اقدر اوفر لك الأكل والشرب واللبس والتعليم
ده جزائي بعد السنين دي كلها
تقولي عيشتي في جحيم
فرعونه : لتكون مفكر ان اللي عملته معايا
هو اللي عيشته بس
وشاورت على أحمد
إسأل الأستاذ ده إيه اللي عيشته وانا بره بيتك
الكل انتبه لوجود أحمد
سامي بغضب راح لأحمد
سامي : ليه بنتي قالت كده
أحمد نظر للأرض وسكت
سامي : انطق
ليه بنتي قالت اسألك
أحمد راح لفرعونه : صدقيني
كان أكبر ندم في حياتي السنين دي
بس انا كنت طفل بردوا
وكان ليا مشاكلي اللي مش عارف احلها لوحدي
فرعونه : وانت جاي تتجوزني علشان تعوض ندمك ده
أحمد بدأ يتوتر
فرعونه : من رد فعلك افهم اني صح
تعرف انا ليه قولت مستحيل اتجوزك
أحمد هز رأسه بلا
فرعونه : لأني مش قادره أشوفك غير انسان ضعيف
مقدرش يحميني وانا صغيره
هيقدر يحميني وانا كبيره
أحمد : بس.......
سامي بغضب نظر لأحمد : صدقني لو معرفتش ايه اللي بينكم
ومسك في ملابس أحمد
سامي : هيكون موتك على أيدي النهارده
فرعونه : هو إنسان ضعيف
مستحيل يقدر يتكلم
انا اللي هحكيلكم
أحمد بغضب لفرعونه : اسكتي
اياكي تقولي حاجه
فرعونه : هقول
لاني مش ضعيفه زيك
أحمد نظر لعمي عماد
عماد : فرعونه
أحمد حكالي على كل حاجه
مفيش داعي نتكلم
لأن هيطير فيها رقاب
سامي نظر لعماد : انت كمان عارف
عماد : لازم نحكم عقولنا
مش كل الكلام بيتقال
سامي : بس انا ابوها
ولازم اعرف ايه اللي خلى بنتي تقول اني عيشتها في جحيم
حمدي مسك فرعونه : بنتي
احكيلي
وانا هخدلك حقك من الي ضايقك
فرعونه : جاي دلوقتي ترجعلي حقي
أنت فقدت الحق في انك تكون اب
اللي بيني وبينك
انك ترجعلي هويتي بس
ونظرت لأحمد
و قدام الناس محدش يقولي يا لقيطه
سامي : مليووون مره قولتلك انتي مش لقيطه
وأهو
ظهروا أهلك
أحمد راح بجانب فرعونه : انتي متعرفيش حاجه عن حياتي علشان تحكمي عليا
رغم اللي كان بيحصل
بس انا كنت متأكد انك مش لقيطه
أما بالنسبه انك وصلتي القاهره ازاي
فأنا شفتك بعيني في القطر
الكل استغرب من كلام أحمد
أحمد : ايوه انا شفتها
يومها كنتي لابسه فستان احمر فيه ورده بيضا والتوك اللي في شعرك كانت بيضا
وكنتي لابسه صندل ابيض
اظن محدش فيكم قال الكلام ده قدامي قبل كده
مريم : فعلا كانت لابسه كده
انا اللي كنت ملبساها اللبس ده
أحمد : اليوم ده محفور في ذاكرتي زي اسمي
رغم صغر سني
لان طول الرحله كنا بناكل ونلعب سوا
علشان كده الكمسري ظن ان اهلك نسيوكي
لأننا كنا سوا طول الرحله
حمدي : ازاي لقيتوها
أحمد : انا هحكيلكم
والدتي من الصعيد
وكانت بتزور العيله وراجعين
لقينا فرعونه عماله تعيط
ماما طبطبت عليها
وظنت انها تاهت من أهلها في القطر
وان شويه وهيدورا عليها
بس للأسف محدش دور عليها
وقبل ما نوصل بشويه نامت
واعتقدنا ان أهلها هيدورا عليها ويلاقوها
فنزلنا المحطة وسيبناها نايمه
بعدها تقابلنا في مجمع المدارس
لان القرى هنا بتروح نفس المجمع
اتعرفت عليها
بس هي كانت دايما تعمل مشاكل مع باقي التلاميذ
نصحتها كتير تبطل مشاكل
بس هي كانت بترفض
كان عنادها وغرورها مسيطرين عليها
فرعونه : كمل كلامك
أحمد : انا قولت اللي اعرفه
فرعونه : لسه
قول ليه كنت بعمل مشاكل
وليه كنت بضرب التلاميذ
وليه بعدت عني
وليه كذبت واحنا صغيرين
وليه عاوز تتجوزني دلوقتي
أحمد : انتي ليه مش قادره تستوعبي
ان انا كنت طفل وقتها وعندي مشاكلي الخاصه
فرعونه : ومشاكلك دلوقتي خلصت
أحمد : لا
لكن الطفل بقى راجل
ويقدر يحمي نفسه ويحميكي
فرعونه : كمان الطفله كبرت ونزلت من نظرها كراجل
عماد بصراخ : فرعونه
زودتيها
حمدي : ممكن افهم ايه اللي بيتكلموا عنه
سامي لأحمد : انت الطفل اللي شهد وقتها ان فرعونه هي اللي غلطانه
أحمد وهو ينظر للأرض : نعم
سامي : وانت كذبت وقتها
أحمد هز رأسه بنعم
سامي : وليه كذبت
أحمد : علشان تنقلها من مدرستنا
لان كانت عامله اعداء كتير
وكانوا ناويين يضربوها ويت.......
سامي : كمل
أحمد : المهم انهم كانوا ناويين يؤذوها
وأنا مكنتش قادر أحميها وقتها
فكان اسلم حل انها تنتقل من مجمع المدارس
سامي : فهمتك
يعني فرعونه اللي قالته وقتها كان صحيح
أحمد هز رأسه وهو ينظر للأرض : بنعم
سامي : فهمتك
تصدق
كبرت في نظري اكتر
أحمد : صدقيني يا فرعونه
كذبت لاني كنت عاوز احميكي
فرعونه : بس للأسف
خطتك فشلت
بقيت في المدرسه
وظلوا ينادوني يا لقيطه
أحمد : وانا حميتك منهم بدون ما تنتبهي
تفتكري ليه محدش قرب عليكي بعد اليوم ده
لاني كنت بوصلك كل يوم لبيتك بدون ما تنتبهي
لا تنسوا تدعموني بنجمه حلوه زيكم
أنت تقرأ
الفرعونه الصغيره
Misterio / Suspensoفتاه صغيره ضاعت من أهلها وهي صغيره لتواجه الحياه مع الكثير من التنمر ليكسبها قوه تستطيع التفوق وتحقيق احلامها لتقابل فتى كانت تظن انه يتنمر عليها لكنه في الحقيقه كان يحميها وحينما تكبر ترفض الارتباط به ليبدأ رحلة إقناعها في الارتباط به لكن تأتي الر...
