بذرة سيئه.

التاسع

" بعد يومين "

رنيم بالجوال : جود احتاجك الحين اكثر من اي وقت ..

جود : علمتك وش تسوين بالضبط ماقدر اجي رنيم قولي لها اني رجعت فلوسها كلها ..

رنيم وصوتها يرجف : افهميني انا ماقدر اجلس مع اسيل طول اليوم ولا اقدر اتركها لحالها لا تصيرين انانيه بعد م وقفت معك كثير كذا تردينها !

جود : ..

رنيم : طيب شكرا .

" قبل ٤٨ ساعه "

ايلين : توقعت اي شي منها الا انها تخون ، كانت تحسسني اني كل شي تملكه وانها مستحيل تسوي شي يجرحني .

ديالا : بس هي م اعترفت يمكن صدق م صار شي ..

ايلين : ديالا بطلي سذاجه مو كل الناس لازم تطلعين لهم اعذار وحجج هي حاسه بالذنب وتنتظر ردة فعلي ع قباحة تصرفها كانت تبيني اتكلم عشان تنكر !

ديالا : طيب اسفه تكفين لا تبكين نامي شوي وبقومك قبل العشا ..

ايلين تمسح دموعها وباقي فيها العبره : عادي انام بغرفتك ..

ديالا : اي عادي شدعوه تسالين ..

" قامت وراحت لغرفة ديالا غطت باللحاف وطلعت من الغرفه "

"

جوري تضم شذى : اقسم بالله احس اني فرحانه اكثر منك وش فيك كذا ..

شذى : ههههههه تبيني انطط ولا ايش !

جوري : يحق لك صرتي ممرضه رسمي !

" يجلسون جنب بعض وشذى تحكي لها تفاصيل يومها "

ريما وهي تدخل مع الباب : بسم الله ليه تناظروني .

شذى : داخله مع الباب تبين نسوي مجانين يعني .

جوري : من جد اكيد بنشوف مين جا .

ريما تضحك على خفيف : اوكي ..

جوري تكلم شذى : دقيقه برجع لك .

" ريما تنزل عبايتها وتنسدح "

جوري : وش فيك ليكون قررتي تزعلين لاني م اكلمك .
ريما : لا جوري شدعوه ..

جوري : طيب قولي شفيك .
ريما : ريحتك من هالسر وقلت ل ايلين م في شي مضطره تخبينه الحين .