احببت اعمى

2

الفصل الثاني
" قسوة الحياة تقوى القلب وتجعله يقسي على كل من حوله حتى حب حياته فهل ستظل هذة القسوة ام ستأتى من تُنير عتمة هذا القلب "
اشرق يوم جديد استيقظت نوران ونزلت درجات السلم برشاقه
نوران ..دادة يا دادة.
الدادة ..نعم يا نونا.
نوران باستغراب ..فين بابا يا دادة مش لقيتوا فى اوضته؟؟
الدادة .. عاصم بيه صحي الصبح بدرى وسافر.
نوران بتذكر..اة صح نسيت.
الدادة ..احضرلك الفطار بقا؟؟
نوران..لا يا دادة شكرا هروح افطر مع شهد بقا.
الدادة ..ماشي يا حبيبتى.
خرجت نوران وقادت سيارتها بجنون ووصلت إلى بيت شهد..
طرقت الباب وفتحت لها والدة شهد
والدة شهد " ليلى " امرأة فى منتصف الأربعين من عمرها تمتلك طيبه وحنان إلى حد كبير تعتبر نوران ابنتها الثانيه .
ليلى ..الندله إللى مش بتسأل على مامتها بقالها كام يوم.
نوران وهى تقبلها ..عارفة انى مقصرة بس مشغولة بالجمعيه.
ليلى قرصتها من خدها.. متتكررش تانى.
نوران وهى تتملص من تحت ايديها .. حاضر يا فندم خلاص علم وينفذ.
ليلى ..ماشي إفراج ادخلى بقا صحي الحيوانه إللى جوا.
نوران بخبث..حاضر من عنيا.
دخلت نوران إلي المطبخ وأخذت زجاجة مياه باردة ودخلت غرفة شهد وجدتها نائمه على السرير بطريقه غريبه وغير مريحه اقتربت منها  وسكبت زجاجة المياه فوقها...
شهد بفزع ..ايه فى ايه البيت بيغرق 😐😐
نوران وهى تكاد تموت من الضحك على منظر شهد..ههههههه احسن علشان تفضلي نايمه كل دا.
شهد وهى تجرى خلفها بالشبشب..والله ما هرحمك يا نوران.
نوران وهى بتجرى..عااااااااااا يا ماما الحقيني.
شهد ..محدش هيلحقك منى اصبري عليا.
نوران وهى تختبئ وراء ليلي .. الحقيني يا ماما عايزة تضربني.
ليلي ..بس يا شوسو ملكيش دعوه ب نونه.
شهد بغضب ..على فكرة انا بنتك زيها.
ليلى ..لا هي اكتر.
شهد وهى تدبب بقدميها فى الارض ..دايما كدا نصرها عليا ماشي يا نوران هانم انا وانتي والزمن طويل.
ضحكت نوران عليها بخفه وبدأت تجهز مع ليلي الطعام..
عند يامن فى الفيلا استقيظ على يد تتحرك علي شعره..
يامن وهو يبعد يد والدته من على وجهه ..نعم عايزة ايه؟؟
كوثر بحزن من اسلوبها ..عايزة ابني يرجعلي تاني.
يامن بسخريه ..كان زمان يا كوثر هانم.
كوثر بدموع ..يامن انا عارفة اني غلطت بس انا كان لازم اعمل كدا انا مره واحده بقيت الام والاب ابوك بعد ما طلقني راح اتجوز واحده تانيه ونسينا وبقيت انا إللى بشتغل وبصرف على البيت علشان ابين انى مش محتاجه ليه ايوة انا غلطت بس انا حبه اصلح كل حاجه بنا ونرجع زي زمان.
يامن بسخريه..زمان.... زمان دا إللى هو ايه إللى انتي كونتي سيباني فيه لدادة.....زمان دا إللى كونتي شغله نفسك اذا البيه جوزك بيخونك ولا لا؟؟!......زمان دا إللى كونت لما اجي اكلمك او احكيلك عن حاجه كونتي تسبيني وتمشي وتقوليلى مش فاضيه دلوقتى يا يامن لما ابقا ارجعلك وياريتك بترجعي تقعدي معايا لا بترجعي تشوفي جوزك جه ولا لا عمل ايه مشي مع مين انما انا اخر اهتمامتك أو ممكن اصلا مكونش اي حاجه بنسبالك.
كوثر بدموع ..ارجوك يا يامن كفايه كفايه.
يامن ..انتي إللى خلتيني اتكلم ياريت تسيبيني فى حالى بقا.
كوثر ..بس انت حالى ازاى اسيبك.
يامن بسخريه ..زي ما سيبتيني زمان.
كوثر ..انا امك يا يامن.
يامن بحده..امي ماتت من زمان اتفضلي يلا برا.
خرجت كوثر ودموعها على وجنتها وقلبها مكسور على ابنها الذي وللأسف ضاع منها للأبد.
" أُصارع الماضي والذكريات لكى أُسامحكِ.....لكن فى كل مرة هما ينتصران عليَّ......ندمك اصبح لا يعنى لي شيئا فأنتى من تركتينى برغبتكِ......ليتنى أستطيع أن أُسامحكِ "
عند شهد و نوران نزلا وذهبا إلي المول ليشتروا ملابس للجمعيه ويشتروا أشياء للفيلا وللحفل غدًا...
نوران ..بصي علشان نلحق نخلص انتى هاتى الهدوم وكل المستلازمات إللى هتحتاجها الجمعيه وانا هجيب مستلازمات الفيلا ونتقابل فى مطعم....
شهد ..تمام
بدأت شهد تشتري الملابس على أساس المقاسات التي أخذتها من مديرة الجمعيه..
ودخلت إلي محل ملابس رجالى لتشتري مستلازمات الأطفال والرجال الذين هناك
وهى في طريقها للدخول اصتدمت بشخص ما..
شهد وهى ترفع رأسها..انا اس....
جاسم ..انتى تانى؟!!!!
شهد بغضب ..انت بتراقبنى ولا ايه؟؟!
جاسم بسخريه..وانا هراقب واحده زيك ليه من جمالك؟؟!!
شهد بغضب وتحذير ..بقولك ايه اتعدل بدل ما انا اعرف ازاى اعدلك.
جاسم بعصبيه ..مين ديه إللى تعدلنى انتى شايفه نفسك على ايه يا بت انتى انا اقدر اعرفك مقامك بس انا بقول بردو اسمك بنت وبلاش سمعتك تبوظ.
شهد بعصبيه..انت شايف نفسك على ايه غور يلا من هنا مش ناقصه قرف هى.
وتركته وقبل أن تدخل إلي المحل سمعته وهو يقول.
جاسم بسخريه ..انا قولت راجل مسمعتيش كلامى اخرك داخله تشتري من محل رجاله صح هو دا مقامك وتركها وغادر المكان..
نزلت دمعه من شهد.
شهد لنفسها..اوعى تسمحي لحد تانى يجرحك اوعى تنزلى دمعه علشان شخص ميستهلش وقليل الذوق رأيه مش مهم فى حاجه طول ما انتى واثقه من نفسك .
مسحت دموعها ودخلت المحل اشترت كل ما كانت تحتاج إليه..
بعد فترة كانت نوران جالسة تنتظر شهد سمعت صوت الشخص الذى لا يغادر تفكيرها التفتت نوران ورأته لثانى مرة وهو يستند على عصاه التى ترشده للأماكن ومعه نفس الشخص الذى كان معه فى النادى كانت نوران تراقب كل حركه من يامن وكل تعبير يظهر علي وجهه.
عند يامن وجاسم
جاسم ..بس يا سيدي دا كل إللى حصل معرفش ليه كل شويه تطلعلى
يامن بعصبيه..وانت فرحان على إللى عملتوا فى البنت انت جرحتها حتى لو هى اتكلمت معاك بقله ذوق فانت مش من الذوق انك تجرحها وتجرح أنوثتها حتى لو هى مش حلوة متقولهاش كدا...
جاسم بحده..بس يا يامن هى إللى لسانها طويل وانا مش اى حد انا ظابط شرطه يعني ليا مركزى ومينفعش تقل ادبها عليا.
يامن ..مفيش سبب ممكن يخلينى اقف معاك انت إللى محترمتهاش ولازم تعتذرلها مفهوم يا جاسم.
جاسم ..بس......
يامن بحده ..مفيش بس هتروح تعتذرلها مفهوم؟؟!
جاسم ..حاضر فك بقا التكشيرة ديه.
يامن..اهو فكيتها.
جاسم ..لا مش كدا عايز اشوف ابتسامتك الحلوة.
ابتسم يامن ابتسامه جعلته أكثر وسامه وجمال...
عند نوران كانت سرحانه فى ابتسامته التي أخذت عقلها وجعلت قلبها ينبض بشكل سريع.
فجأة وجدت من يضربها على رأسها..
نوران..ااااه.
شهد..الهانم سرحانه ولا حست انى جيت واقعدت معاها.
نوران.. معلش يا ستى المهم جبتى كل حاجه.
شهد بحزن..اة.
نوران ..مالك؟؟!
شهد..اصل حصل .......
نوران بعصبيه ..دا انسان قليل الذوق ومش محترم ومش متربي و....
جاسم ..وايه تاني يا انسه؟؟
شهقت نوران بفزع ..انت مين؟!!
جاسم ..انا الشخص اللي قليل الادب وقليل الذوق ومش متربي.
نوران بإحراج..انا اسفه.
جاسم ..لا ولا يهمك.
هنا لاحظت نوران وجود يامن بجانب جاسم ويظهر على ملامحه الجديه.
جاسم وهو ينظر شهد ..انسه ....
شهد بعصبيه.. اسمي شهد.
جاسم ..ماشي انسه شهد انا كونت عايز اعتذر منك مكنش قصدي إللى انا قولتوا بس انتي إللى استفزتيني.
شهد بعصبيه ..انا بردو؟!!!!!!!
جاسم بحده ..ايوة انتي اومال هكون انا؟؟
شهد بعصبيه..لا واحد من الشارع.
يامن ..بس منك ليها وبعدين يا جاسم احنا مش جاين نتخانق انت جاي تعتذر وانتي يا انسه شهد بلاش نكبر الموضوع هو حس بغلطوا وجاي يعتذر.
جاسم ..عموما انا اسف يا انسه شهد.
شهد..وانا كمان اسفه يا استاذ.
جاسم ببتسامه ..اسمي جاسم.
شهد ..تمام.
جاسم ..اتشرفت بمعرفتك.
شهد ببرود ..انا لا.
جاسم اتعصب وبص ليامن.
شهد ضحكت ..بهزر والله.
جاسم بصلها بإعجاب لضحكتها.
لاحظت شهد هذا وشعرت بالإحراج...
يامن ..بعد اذنكم نستأذن احنا.
نوران ..اتفضلوا.
دق قلب يامن عندما سمع صوت نوران لكن التفت وغادر وجاسم معه أيضًا.
جاسم..بقولك فى سهره حلوة انهاردة وفيها شويه بنات مزززز يعنى ما تيجي معايا.
يامن بهدوء ..امتى ربنا يتوب عليك من القرف دا؟؟!
جاسم ..ما تيجي يا عم تعشيلك يومين.
يامن ..لا روح انت يا جاسم انت حر فى نفسك انا مش مستعد انى اغضب ربنا.
جاسم..ماشي انت حر بس انت إللى خسران على فكرة.
يامن ..ماشي.
عند نوران  و شهد
شهد..شوفتى اعتذرلى ازاى بس بردو انا مش هنسي إللى عملوا.
نوران.. لا يا شهد كدا غلط هو جه واعتذر منك يبقا تسامحى.
شهد ..مش سهل اسامحه انا لازم اهين رجولته زى ما أهانى.
نوران بطيبه ..لا يا شهد ربنا بيسامح احنا إللى بشر مش هنسامح؟؟!
شهد ..انتى قولتى ربنا وانا مش من سهل انى اسامح وانسي.
نوران..وانا مش بقولك تنسي بس لازم تسامحى طالما اعتذر.
شهد ..خلاص يا نوران نتكلم فى الموضوع دا بعدين.
ليان ..ماشي يلا قومى علشان تعدى على الجمعيه تديهم اللبس دا وانا هروح ابدا فى تجهيز الفيلا واشوف مهندسين الديكور ظبطوا ايه بظبط..
شهد ..اشطا.
غادرت نوران و شهد وكل واحده ذهبت المكان الذي من المفترض أن تبدأ فى تجهيزه....
دخلت نوران غرفتها ونظرت إلي السماء لنجمة عالية جدااااا وتلمع بشدة..
نوران بدموع ..وحشتينى اووى يا ماما كان نفسي تكونى موجودة الفترة ديه بذات واجى كل يوم اترمى فى حضنك واحكيلك إللى عملتوا......بفرح جدا لما بساعد الناس زي ما كونتى انتى بتعملى بس أوقات بحس ان طيبتي الزيادة ديه مش حلوة بس انا مش هتغير لان انا صح لازم كلنا نبقا كدا.
بعد فترة دخلت نوران ونامت فى السرير وبدأت تتذكر يامن ببتسامته.....نظرة عيناه.....ملامحه....شياكته طردت الأفكار من رأسها ونامت بسلام..
فى مكان أخر....
م..هاااا فى جديد فى موضوع القضيه؟!
جاسم..يعني لسه مفيش اخبار غير اننا متابعين كل حاجه بس مفيش دليل.
م .. مش عايز غلط فى القضيه ديه بذات.
جاسم..تمام ان شاء الله.
م.. ماشي لما نشوف.
تاني يوم الصبح صحيت نوران وكلمت شهد..
نوران ..الو يا شهد لسه نايمه
شهد..لا صحيت اهو وهنزل اروح الجمعيه اجبهم معايا ونيجي على عندك.
نوران ..تمام وانا هقوم اجهز.
أغلقتت نوران مع شهد الخط وقامت وبدأت تتجهز أخرجت فستان من اللون الروز ووضعت لمسة من "الميك أب" رقيق جدا وتركت لشعرها العنان.
وعندما سمعت صوت الاتوبيس التابع للجمعيه نزلت نوران واستقبلتهم وبدأت الاغانى وبعض منهم بدأ يرقص مع شهد بجنون
والأطفال اخذوا يلعبون فى الأماكن التي خصصتها نوران لهم
والشباب جعلتهم يجلسون ويلعبون بعض الألعاب الذين يحبونها بطريقه مناسبة لهم
كانت نوران منشغله بكل تفاصيل الحفل وكانت مهتمه بالجميع..
فى مكان بعيد عن نوران بمسافه بسيطه كان يامن يتمشي وكان يسمع صوت نوران حوله مما جعله يستغرب لماذا لم تأتي لتسأل إذا كان بحاجة للمساعدة..... سرح فى طريقة كلامها مع الأطفال وطيبتها وتعاملها مع الناس ولكن فاق عندما سقط فى المسبح بدون أن ينتبه....
عند نوران كانت تتابع يامن بعينيها وكانت تريد الذهاب والتحدث معه لكن كانت خائفة من أن يجرحها مرة أخري لكنها انتبهت إليه عندما وجدته يقع في المسبح وبدون تردد أسرعت نحوه وقفزت في المسبح وبدأت تحاول رفعه وإنقاذه حتي أخيرا استطاعت أن تخرجه بعد محاولات......
نوران بخوف ..انت كويس حصلك حاجه؟؟
يامن وهو يحاول أخذ نفسه..انا كويس .
نوران ..طيب تعالا معايا جوا الفيلا اجبلك لبس بدل لبسك.
استسلم لها يامن ..ماشي.
أمسكت نورانو يديه لترشده لمكان الفيلا.
أحس يامن بكهرباء في يده من لمستها....
نوران ..دادة يا دادة.
دادة..نعم يا نونا.
نوران ..اطلعى فوق هاتى قميص وبنطلون من بتوع بابا وهاتى ليا معاكى تشيرت وبنطلون.
دادة..حاضر يا نونا.
تحركت الدادة إلى الطابق العلوى لتجلب ما طلبته نوران.
جلست نوران ويامن فى غرفة الصالون.
نوران بإحراج..اسفه انى مهتمتش بيك من اول الحفله انا عارفة ان ده غلطى.
ابتسم يامن ..لا ولا يهمك انا إللى كونت سرحان ومخدتش بالى.
صمت كلاهما للحظات قاطعها يامن...
يامن ..انا اسف لو اتعصبت عليكى شويه فى الجمعيه بس الصراحه كونت حاسس انك مش متقبله وجودى.
نوران بإندفاع..لا خالص بس انا استغربت شويه انك يعنى وسييم وشيك وباين من مظهرك أنك مش محتاج مساعدة من حد زى بس هو دا إللى خلانى استغرب.
يامن ..مفيش جص مننا مش محتاج المساعدة ايوة انا مش محتاج فلوس او انك تسفرينى على حسابك علشان العمليه انا اقدر اعمل كدا بس انا محتاج الدفء إللى حستوا فى الجمعيه كونت مفتقد الابتسامه او الضحكه إللى بتطلع من القلب معاهم مش الابتسامه إللى احنا بنرسمها علشان نخفي وجع كبير جوانا انا زيي زيهم مفيش اختلاف كل واحد فينا عايز المساعدة ديه بس مع اختلاف اذا كانت المساعده ماديه او معنويه.
أعجبت نوران كثيرا بطريقه تفكيره..عندك حق كلامك كله صح حتى انا بفرح لما بكون معاهم وبحس ان احزانى كلها اختفت.
قاطع كلامهم دخول الدادة.
الدادة ..اتفضلي يا نونا الحاجه إللى طلبتيها.
نوران ببإتسامه مشرقه ..اتفضل يا يامن ادخل اول اوضه ديه بتاعت المكتب غيّر فيها هدومك والدادة هتيجي تاخد منك هدومك المبلوله.
ابتسم يامن لها ..ماشي شكرا بس ممكن توصليني بقا للاوضه؟!
نوران ..طبعا يلا.
أمسكت نوران يد يامن والذي بدوره شد علي يدها أكثر.
أدخلته غرفة المكتب وخرجت وهي مبتسمه لانها تحدثت معه وفهمت ما يضايقه..
أبدلت نوران فستانها لبنطلون وتشيرت ابيض ولملت شعرها على هيئة ذيل حصان.
نزلت نوران من غرفتها وجدت يامن في إنتظارها.
نوران ..اسفه لو اتأخرت عليك.
يامن ..اصلا دا بيتك يعني تتاخري براحتك.
نوران..لا طبعا مينفعش اتأخر عليك.
يامن ..صح انتي قولتيلى قبل كدا اسمك اصل انا مش فاكر.
نوران ..اسمي نوران.
يامن ..اسمك حلو اووى.
نوران ابتسمت ..ميرسي وانت كمان اسمك حلو اووى.
يامن ..ربنا يخليكي.
نوران ضحكت ..طيب مش يلا نكمل الحفله برا علشان انا سايبه شهد لوحدها.
يامن ..ماشي يلا.
خرجت نوران سويامن يمشي كل منهم بجانب الأخر.
يامن... كان يشعر معها بسعادة لاول مرة يشعر بها.
نوران... كانت تشعر بالإطمئنان وهي بجانبه.
شهد..نوران انتي روحتي فين فجاة كدا؟؟
نوران ..معلش كونت بعمل حاجه.
شهد انتبهت لوجود يامن ..ازي حضرتك.
يامن ..بلاش حضرتك ديه بحس اني كبير فى السن قولى يامن بس.
شهد ابتسمت ..تمام يا يامن.
نوران ..ايه رايك نرقص يا يامن؟؟
يامن ..هو انا معنديش مانع بس هرقص ازاى.
نوران ..سبلي نفسك بس.
يامن ..موافق.
أخذت نوران يد يامن وبدأت ترقص معه.
يامن كان يشعر بالفرح وهي بين يديه وترقص معه نوران كانت تشعر انها لاول مرة تشعر بالإنبساط مع أحد هكذا
انتهت الاغنيه وجدت نوران من يشدها من قدمها
نوران ..سارة عامله ايه؟؟
حضنتها ساره..كويسه بس انتي وحشتيني اووى يا نونا.
قبلتها نوران من خدها ..انتي وحشتيني اكتر يا قلب نونا.
يامن ..هي نوران بس إللى ليها الكلام دا وانا لا لا كدا انا ازعل.
احتضنت سارة يامن ..لا طبعا يا يامن انت اصلا أميري.
يامن ..وانتي أميرتي الصغيرة.
ساره ..طيب مش انا اميرتك؟؟
يامن ..اة طبعا.
سارة ..تعالا العب معايا انت ونونه
يامن ..انا موافق طبعا بس نشوف نونا هتقول ايه.
نوران ..موافقه طبعا يلا نلعب.
أمسكت نوران يد سارة ويامن أمسك يدها الأخري.
نوران ..هاا يا ست سارة عايزة تلعبي ايه؟؟
سارة ..استغمايه واللى هيتمسك هيبقا هو إللى فيها.
نوران ..ماشي موافقه.
يامن وسارة فى نفس واحد ..انتي إللى فيها.
نوران بضحكه ..ماشي لبست نوران طرحه على عنيها وطلعت تجرى وراهم.
نوران ..إللى همسكه فيكم هموتوا.
سارة وهي بتضحك وتجري ويامن بيجري معاها..
فجأة نوران حست ان فى حد وراها لفت وحضنته.
نوران ... مسكتك هييييييييه
صُدم يامن من ما فعلته نوران لم يكن ليتوقع ان تفعل هذا.
ابتعدت نوران بعد أن أدركت فعلتها.
نوران ..انا اسفه معلش مكانش قصدي.
يامن ..لا ولا يهمك.
سارة ..طيب نكمل لعب.
نوران بإحراج..لا خلاص يا ساسو كفايه كدا انهاردة انا تعبت.
ساره ..ماشي.
انتهي اليوم وودعت نوران يامن والباقية من الجمعيه..
وصعدت وارتمت فوق السرير بتعب وتذكرت اليوم من اوله حتي اخره وابتسمت.
عند يامن ذهب إلي بيته وصعد إلي غرفته ونام على السرير وابتسم عندما تذكر نوران وهى فى أحضانه كان يتمني أن تظل في حضنه للأبد ثم ابتسم ونام بسلام.
فى مكان أخر فى منطقة مهجورة..
عاصم ..طلبتني ليه انا سايب بنتى وشغلى علشانك.
الشخص ..عادى يعني يا عاصم الشغل اهم.
عاصم ..طيب فى جديد او حاجه؟؟
الشخص ..الشحنه هتدخل عن طريق عربيه شحن كبيرة تكون تبعك انت وكل دا هيتم اخر الشهر اهم حاجه متشككش فيك حد مش ناقصه هي لحد ما الشحنة تتم.
عاصم ..طيب وبنتي مفيش خطر عليها او ممكن حد يأذيها؟؟
الشخص..قولتلك لا الأمورة بتاعتنا محدش هيجي جمبها اطمن.
عاصم ..ماشي لازم اسافر دلوقتى علشان الحق اوصل لبنتي الصبح.
الشخص ..ماشي يا عاصم امشي بس بنبهك اي غلطه منك تساوي حياتك.
عاصم بخوف ..تمام.
رحل عاصم بخوف من مصيره المجهول
انتهاء الفصل
رايكم 🥰