آنا آلكاتبـه. مروه مٱجد
طلعت الم بشعري شفت اساور ووجهه مخطوف بوستهه وهيه تبجي وتشهك والجهال جيتو عليه ابوس بيهم واحجي
هلو عمه هلابيكم اساور شكو تره كلبي نخمش عفيه شكو
لزمت ايدي وكعدت تشهك وتضرب عل وجهه
هبه عصام عصاااام طلع متزوج عليه
هاي الكلمه مثل السهم وطب بنص كلبي راساً تذكرت حركت كلبي من سلام تزوج ومر شريط ذيج الايام كله كدامي نهائي متشمتت واني أتذكر اساور شسوت بيه لان كل إنسان ملجوم ميحس بلجمته ال الملجوم مثله واني حسيت بااساور واخذتها الحضني وهيه مفرفحه
اساور كولي يالله شتسوين بعد صارت اسكتي خطيه جهالج يباوعولج
هبه حرك كلبي والبارحه جابهه للبيت يكولي تعيشن سوه ردت انتحر اله شويه هبه البيت سويته على ايدي وكلشي بي حطيت بي دم كلبي هيج يجازيني
وتالي شسويتي
عفت البيت وطلعت وهاي الليله المرت على اسلام مامرت عليه ومالكيت غير رجلج ينقذني
بارق
اي عفيه خل يساعدني اني اريد اطلك
عزززه اساور انتي شتحجين والجهال
طبهم مرض اخوج مخله خط رجعه واني ماكدر ابقى وياه وهوه متزوج انوب بيتي يبووووو غير اطك
عل كيفج موهيج البارحه اتزوج اليوم تطلكين هاي وين صايره
ولج ياالبارحه الله ليعلم شكد صارله واني نايمه ورجليه بلشمس
اووووف اساور شكلنه لعد عصام من زمان مايلفي بلبيت وانتي بيت اهلج ويامه امي نصحتج وانتي ماكو
اي اي صخام صخمني وصخم اهلي هسه يكلولي ارجعي
هدي نفسج هدي والله كريم
رحت جبت مي وقدمتلهم وهيه عينهه عل ركبتي تباوع الآثار وتفرك بديهه وترجع تباوع عل بيت صاح بارق
هبه تعاي الجهال كعدو
كالت عفيه حاجيلياه
اصبري اساور ارتاحي هسه
رحت على الجهال لكيته يمهم سألني عليها سولفتا كال
هبه اني عصام اتخبل منه هاي وحده ثنين شغل للكرايب ماشتغله لان لازم تصير شكالات ونتخارب اكو الف محامي اله اني وإذا على تكاليف تره ميحتاج شغلتها بسيطه تتطلك وتأخذ نفقه ونتهت على هاي اكوم اوكف وياه اخوج بلمحكمه تره اسمه نسيبي كدام العالم هاي بطرانه اكولج عوفج منها اني راح اروح لبيت اهلي هم اشوف امي وهم اخاف تبقى حتى تأخذون راحتكم
اي بس لاسبحت ولاتركيت
عادي حبيبتي هناك عود اسبح وتريك بس لهي الجهال بين مااطلع
أنت تقرأ
ليتك قدري الاول
Romanceآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
