كل الامان في حُبك وكل الاماني قربك

B 32

- تكمله  -
و فـبيت ابو ضاري
ام روضه : روضه ويينك ي بنتيي
روضه : هااه يمه شصار
ام روضه : انا بطلع اخلص لي كم شغله بتقعدين لحالك ولا رايحه معاي ؟
روضه : لا يمه غدو جايه عندي
ام روضه : ايه زين
..
فـ المستشفى تحديداََ
دخل فهد مصدوم ان ريهام ولدت وهو اخر من يعلم ، ركض يدور عليهم و ابتسم من شافهم متجمعين صادف خلف وقال بصوت عالي : خللييفف
فز خلف و شافه من بعيد : هنااا
مشى مسرع و لمح امه تقدم باس راسها وقال : نفداس يمه تبين ترجعين من الظهر ونتي هنيا
ام فهد : لا يوليدي انت رح مرتك داخل
ابتسم وقال : ان شاء الله
دخل و ابتسم بحنيه و قرب لـ عندها : ريهامي !
فزت و طاحت دموعها وقالت : فهييدد
قرب و قعد بـ الكرسي جمبها ابتسم وقال : يااعييونه ، الحمد لله ع السلامه ! و تتربى بعزناا
ابتسمت وقالت : امين يارب ، وينك بدري
زفر وقال : محد علمني الا من شوي علطول جيت طيران مانيب مستوعب بعدني
ضحكت تمسح على وجهها : ولا انا
فهد : ابروح اشوف بنتنااا
فتحت عيونها وقالت : خيير وانا ابي اشوف بنتي !
ضحك وقال : انتي اصبري ارتاحي هالحين و يجيبوها لين عندس بعدين
زفرت براحه : ان شاء الله
-
فـبيت ابو سلطان
سالم : يليل ام الحاله
صالح : شبلاك
سالم : ذا الرقم ابلشني كلشوي يدق ونا مدري منهو
صالح ضحك وقال : رد طيب سهله
سالم : صدق ؟
صالح : ايه اجل وشو
عبدالله : ي الجاهل انت مو مفروض تكون ب المستشفى زوجة اخوك ولدت ونت هنا
سالم : سحبت عليهم عشانكم تشوف .؟ الحب أفعال
انفجر صالح ضحك وقال : امحقق
سالم : ي قليل الادب امحق اجل
ضحك وقال : حشى حشى نمزح
سالم : زين م علينا
عبدالله : اقول انا رايح اشوفكم بعد المغرب
سالم : تم
-
فـ بيت ابو ضاري
روضه : غغدويي اشتققتت
غيداء : ييعييونيي روضضهه
غيداء : اييه شصار معاتس
روضه : ابد والله طفشانه و امي طلعت قلت اقولك تجين
غيداء : البنات بيتجمعون فـ بيت ابو سلطان يعني م ظنتي بطول بروح مع جوجو
قطبت حواجبها وقالت : ليه شصار
غيداء : ريهام زوجة فهد ولدت
ابتسمت وقالت : يحياتييي ، سلامتها
غيداء : الله يسلمتس
روضه : ودي اجيي معاكك
غيداء : ااء شسمه ديم بتكون هناك
فتحت عيونها وقالت : شدخل ديم ؟
ضحكت وقالت : وش الي شدخل ديم تراها منهم وفيهم
صدت روضه تستغفر وقالت : ايه زين
-
فـ المستشفى تحديداََ
عند ريهام الفهد بـ الغرفه
دخلت الطبيبه معاها بنتهم ، مدتها لـ ريهام و اخذتها ريهام على صدرها ، طاحت دموعها بحنيه وهي تشوف حجمها الصغير : فهود شفف يعييونيي
ابتسم وقال بِحُب : ياعيون فهود
م حسوا الا بـ دخول اهل ريهام
ابتسم فهد وقال : والله الي ارحبوا
سعد : البقى يخوك
ام سعد : الحمد لله ع السلامه و تتربى في عزكم
ابتسمت ريهام وهي تمسح دموعها : امين ياربب ، والله ابوتس كان ناوي يجي بس مهوب قادر
ريهام : ابد جايتكم بيشوفني ان شاء الله
طلعوا و قعدوا ريهام و فهد لحالهم
ابتسم وقال : فيه اسم ف بالتس ؟
ريهام : اييه
فهد : اسلمي
ريهام : ليناا
حك شعره وقال : صادزه ؟
قطبت حواجبها وقالت : لاتقول م عجبك ؟
ضحك وقال : لينا بنت فهد ؟
ابتسمت بلطافه : والله يجنن
فهد : ايه زين دام عجبتس م نقدر نقول شي
ضحكت وقالت : ايه خلاص
-
و عند بيان و خلف
بيان : خلييف سيوف مع من !
خلف : ياكبدي ! احسبتس تدرين عنه
حطت يدها ع راسها : بدوخ يربي
ضحك و قال : شفيتس بسم الله عليتس
بيان بعصبيه : خلفففف ودني البيت !!!! تاركين الولد لحاله و محد ف البيت الله ياخذ العدو
راح مسرع يركب سيارته و ركبت بيان معاه ، و اتجهوا طيران للـبيت ، م اخذ من وقتهم الا 20 دقيقه و وصلوا ، مشوا مسرعين للغرفه ، تجمدت بيان من سمعت صياحه
و دخل خلف للغرفه أخذه لـ حضنه وهو يحس بدموعه : يانوم عيني رحنا و نسيناك
دخلت بيان بعده و عبست ب ملامحها ، مدت يدها تأخذه ، ابتسم خلف وهو يشوفه دفن وجهه بصدر بيان وهي تطبطب عليه : يقلب قلبيي انتت
رفع سيف راسه و هو يقول : باابا
ضحك خلف وقال : ياعيون بابا ، هاتيه بس م يبيتس
ضحكت و مدته لـ خلف
انسدح خلف بـ تعب على الكرسي و سيف على صدره
بيان : اشوف معاد لك خلق تروح
خلف : يوه والله صدعت من الظهر قايمين و سحبت على الشركه ، ودي انام اقل شي عشر دقايق
بيان : وجع وانا بقعد لحالي ؟ بتنام انت و ولدك و اقعد اتفرج عليكم انا
ضحك وقال : تفرجي نفداس
رمت الوساده عليه و ضحكت : حمار وربي
ضحك بخفه وقال : افا افا انا حمار !
ضحكت وقالت : لا ابد محشوم
اخذ الوساده يبي يرجعها لها ، شهقت وقالت : تبي ترميها عليي !! ي الحمار نسيييت اني حامل وشو ؟
ضحك بصدمه وقال : ابو سيف وانا ابوه ! انا ارميها عليتس اعقب والله
ابتسمت وقالت : ايه احسب بعد
همس خلف بصوت خفيف : سيف نام حطيه ع فراشه
بيان : هاته مع نفسك انت
خلف : والله مانيب فاضي لتس النوم ماكلني اكل
ضحكت وقالت : ياعيوني والله نم نم م عليك
-
بـ المستشفى
سُميه واقفه عند الباب تغني بروقان
" شفتك و كلشي تلخبط "
" مدري افرح ولا احبط "
" ليه على قلبي تسلط "
" يوم ان البعد ناوي "
قاطعها صقر وقال : منهو ان شاء الله ذا ؟
فزت بخوف وقالت : يمه 
ضحك وقال : بسم الله عليتس
سُميه : وش .
صقر : م قلتي لنا من الي شفتيه وكلشي تلخبط ؟
ضحكت وقالت : مالك شغل !
صقر : اهاا مالي شغل ؟ زين زين
صد يبي يروح ، و ابتسمت سُميه تقول : يمكن صقر ؟
ابتسم وقال : يفداس صقر و الدنيا
ضحكت وقالت : يعيوني
قطب حاجبه وقال : وشو ؟
صدت تبي تهرب وقالت : لا تصدق نفسك بلغلط
ضحك وقال : ايه بالله اطلق غلط
قاطعهم اتصال من جوال صقر ، زفر وقال : انسحب انا ، المدير يبيني
سُميه : ابد انتبه لك
ابتسم وقال : ونتي بعد
مشى مسرع ينسحب
-
اليوم الثاني تحديداََ فـ بيت ابو سلطان
فزت اميره وهي فـ المطبخ على صوت سُميه و الفرحه شاقتها ، اميره : شصار .
سُميه : مططررر مطرر
نطت اميره مسرعه و خرجت لـ برا : اخخ و اخيراا
ابتسمت ام سلطان وهي تشوفهم  : جعل الابتسامه م تفارقكم ي بناتي
ابتسم وليد داخل يسمعها و قرب يبوس راسها : نفداس يمه لا تنسين عيالتس ادعي لنا
ضحكت وهي ترفع يدها تدعي لهم
سُميه : امانه نبي نطلعع البححرر
وليد : مع من ان شاء الله ؟
سُميه : انت مالك دخل نبي طلعة بنات
بيان : صادقه مع ذا المطر محد يبيكم
ضحك وليد وقال : ومن بياخذكم ؟
ضحكت انفال وقالت : السواق من بعد
وليد : نشوف طيب
طلعوا البنات يتجهزون بـ حماس و فرحه
-
فـ بيت ابو سعد
دخلت ام سعد وهي ماسكه اول احفادها على حضنها ، دخل وراءها فهد الي يساعدها و ينزل شنطة ريهام أغراضها ، تقدم للسياره و شاف ريهام موجوده قطب حاجبه وقال : ناقصتس شي يـ امي ؟
ابتسمت وقالت : لا ، ابي اشوفك قبل لا اروح م يصير ؟
ابتسم يبوس يدها بـحُب : ياجعلني فداس يادنية الفهد
ابتسم بلطافه وقالت : يلا توصي شي ؟
فهد : سلامتس نفداس
-
المغرب و تحديداََ عند البنات بـ البحر قاعدين يسولفون و يضحكون ، نيلان : بنات تخيلوا يمكن يجي برق و رعد !! 
شهقت بيان وقالت : وووشووو
اميره : ياكبدي و ذي عندها فوبيا
بيان : قسم بالله م اقعد ثانيه هنا رجعوني البيت بسرعه
ود : اصبري يبنت مو اكيد يمكن
مسكت على قلبها برعب وقالت : ود مستحيل مقدر !!
اميره : يوه سمسوم دقي على عمران خل يجي لنا
سُميه : طيب طيب
دقايق و م حسوا الا بـ صوت البرق الي جاء و شلع قلوبهم 
و بيان الي م تحملت و طاحت دموعها برعب : يمه يمه
نيلان : اشهد ان لا اله الا الله ، تصيحين ليه ي بنت
ضحكت اميره وقالت : الي يشوفها بينصدم لو درا ان ذي متزوجه و عندها ولد و حامل !! و تخاف من البرق
سُميه : يقول مشغول ساعه و جاي
رفعت انفال جوالها وهي طايحه ضحك من بيان الي تصيح خوف ، اصبري بدق على خلف
بيان بصوت متذبذب : مداوم م يقدر  !!
خمس دقايق و رد خلف على انفال وقال : عسى خير ان شاء الله
انفال : ااء شسمه
سحبت اميره الجوال : خللييف
خلف : لبيه ، شصار ؟!
اميره : شسمه حنا طلعنا البحر انا و البنات عساس الجو حلو و مطر اخرتها جاء برق قوي و ..
قاطعها وقال : بيان معكمم !!!
اميره : ايواا شاطر وهذا الي كنت بقوله ، السواق يقول ساعه و جاي و بيان خوافه ونت خابرها شرايك تستأذن و ترجعها للبيت
خلف : ارسلي الموقع دقايق ونا عندكم
قفلت وهي تضحك : بيان استهدي بالله جاي خليف
حطيت يدينها على وجهها وقالت : اميره يوم انكم تدرون ان بيجي برق و رعد ليه م تعلمونيي
ود : احم احم ، شوي نبي نشوف دموعتس عادي
طاحت نيلان تضحك وقالت : وقسم بالله استلمتوها ، يويلتس ي بيان بيزيد البرق بعد شوي
بيان : ننييلووو اسكتييي الله ياخذتسس
ضحكت ود وقال : استغفري ربتس
نزلت دموعها وهي تسمع صوت البرق : اص اص اسكتي
و اما عند اميره الي قاعده تدعي بـحُب : الله يجمعني انا و غيث على خييير
ابتسمت سُميه وقالت : و يزوجني صقرر ييااررب
شهقت ود وقالت : اف اف اخخييراا سمعناا شي منتسس
م حسوا الا بـ سيارة خلف قامت بيان و الخوف مسيطر عليها ب الكامل ، لمحت خلف وهو واقف من بعيد و انصدم خلف من شاف حالتها : افا ي البيان افا ! ذا كله عشان وشو
بيان : يـ خلف الصصوتتت مقدر مقدر ودني البيت
ابتسم بحنيه و فتح حضنه لها : ي بعد هالدنيا م صار شي طيب ليه ذا الخوف كله ، والله اني طلعت من الشركه عشانس بس !
ابتسمت تمسح دموعها : يحبيبي والله
ابعدت بهدوء و ركبوا للسياره
خلف : و البنات ؟
بيان : م يخافوون يبون يكملون
خلف : وانتم الله يهداكم طالعين بدون احد فوقكم
بيان : وش اسوي يبون طلعة بنات لحالنا
ضحك وقال : طلعة بنات خلتس تصيحين ، حتى سيوف م صاح تسذا نفداس
ناظرته وقالت : شقصدك يعني ؟ هاه هاه
خلف : يزينس ي الخوافه
بيان : حبيبي والله ، شرايك تسكت
ضحك وقال : الكلمه الأولى عيديها اذوب اذوب
ضربته على كتفه : بس عاد عان الطريق قدامك
-
عنـد العيال بـ المجلس
صالح: تعالوا برد نشوف من ذا النشبه الي ناشب لسلوم
عبدالرحمن : يلاا
فك صالح الاتصال و قال : هاااه هااه من انت شتبي
ردت نجد وهي كاتمه الغصه بداخلها : سالم ؟
صالح : ولعنه ، من انت ؟
انصدمت نجد من سمعت صوت غريب عليها : منو معاي ؟
قفل صالح الاتصال بصدمه : ابن ابوي ، بنت ذي !!
دخل عليهم سالم : وشو بنت ؟
عبدالله : صويلح رد على الرقم الغريب و يقول الي ردت بنت مهيب ولد
قطب حاجبه وقال : منجدك انت ؟ وش تبي البنت برقمي مثلا ؟؟
عبدالرحمن : الجواب عندك
صد بعدم اهميه وقال : يمكن غلطانه يخوك
صالح : وشو غلطانه وهي تقول سالم
رفع عيونه بصدمه وقال : في ذمتك
ضحك وقال : قسم بالله
اخذ سالم الجوال و الفضول لاعب فيه : ثواني جايكم
دخل للـ مطبخ و رجع دق على الرقم ، خمس دقايق ب الكثير و ردت عليه
سالم : السلام ؟
نجد  بـ حنيه و شوق : عليكم السلام ؟
سالم : اختي انتي داقه على ذا الرقم و تقولين تبين سالم و رد عليتس خويي ، معاتس سالم وش تبين ؟
ابتسمت نجد وهي تسمع صوته و لهجته الي تجذبها : م عرفتني يعني ؟
حك شعره وقال : لا والله
نجد : نجد ؟
قطب حاجبه بصدمه وقال : نجد نجد !!!
نجد : ايه نجد نجد اشبك مصدوم
سالم : وش فيتس شتبين داقه هالحين
نجد : جايه اتطمن عليك ؟ ازعجتك او شي ؟
سالم : وشوله داقه علي وانتي قايله لي م تبيني ؟
نجد وهي تحس انها مخنوقه مو قادره تشرح : ي سالم لو تبغاني تعال و تقدم لي ! و حيجيك الرد مني و بتعرف إذا أنا ابغاك او لا
سالم : نجد انا ابيتس بس انتي م تبيني ! اجي اتقدم لتس و ترفضيني ليه وشوله التعب
نجد : طب اسمعني انت ب البدايه بعدين قول اني م ابغاك
سالم : اسمعتس طيب ...
-
فـ بيت ابو سلطان تحديدا
ام فهد : بيان البنات م جوا معاتس ؟
ضحك خلف وقال : لا م جوا
ناظرته بيان نظره حاده وقالت : شورك معاي بعدين ، يخاله يقولون بعد ساعه بيجوا مع السواق
ام فهد : والله اذا عمك مشاري درا بيقلب البيت
خلف : م بيدري م عليتس قولي له انهم ف بيت وحده من البنات صرفي له عذر
ضحكت ام فهد وقالت : يصير خير
طلعت بيان للغرفه و طلع خلف وراءها وهو يضحك
بيان : خلف بس  !
سحبها لعنده وقال : ويش ياروح خلف انتي !
بيان : يوه خلف رح دوامك بتتاخـ...
قاطعها بـقُبلة مليانه حُب ، ابتسم وقال : بلحق على الشركه ! انا ابيتس انتي
ابعدت بخجل وقالت : خليففف !!! استحي ع وجهك ولدك هنا قاعد
ابتسم وقال : لو مهب هنا ؟
انسحبت بيان تهرب لـ تحت فـ الصاله ، و نزل وهو يضحك رايح للشركه
-
يُتبع
-
( يهلا بـ الشّيوخ الصراحه مره مشكورين على دعمكم القوي و م باقي شي على دخولنا للـ 11k ، لا خلا ولا عدم منكم ي حبايبي ، و ان شاء الله البارت يعجبكم 🤎🤎. )