සුදු රෝස✅ [Nonfic BL💛💜️]

24. මේක තමයි ඒ !

අද කැම්පස් එකේ ඉවෙන්ට් එකක්. පරිසර දිනේට. ප්‍රොජෙක්ට් එක විදිහට දාං තිබ්බෙ මුහුදු වෙරළ සුද්ද කරන්න. ඇත්තටම ඒක සුද්ද කරන්න වටිනව. පොලිතිනුයි ප්ලාස්ටික් කෑලියි ඔක්කොම හැම තැනම දාලා මිනිස්සු උන්ගෙ ආතල් එක අරන් යනවනෙ. ඉතිං වෙනම දවස් දාන් සුද්ද කරන්න වෙන එක අහන්නත් දෙයක් ද.

අපේ ෆැකල්ටි එකට තමා බීච් එක සුද්ද කරන්න තිබ්බෙ. අභි අයියලට තියෙනවා කිව්වෙ පාර දෙපැත්තෙ ගස් හිටවන්න. අනේ උන් හිටෝන ගස්. අපි අපේ ෆැකල්ටි එකේ සෙට් එකත් එක්ක හවස 4.00 වගේ වෙද්දි ගියා සුද්ද කරන්න වෙන් කර ගත්තු හරියට. හුගක් දවාලෙ ගිහින් හරියන් නෑ. ගිනි අව්වෙ ඔව්ව කරන්න බෑ. රෑ උනාට කමක් නෑ අව්වෙ කරවෙන් නැතුව.

"කොටෝ මේ උරේ අල්ලපන් "

අනුධයා ලොකු ම ලොකු කලු ඉටි බෑග් එකක් දුන්නා ඩෙනිමෙ කකුල් උඩට නව නවා ඉදපු මගෙ අතට. උදේ කැම්පස් ගිය ගමන් ආව හින්දා ශෝටක් දාන් එන්න බැරි උනා. අනුධයා මොකද්ද කූරක් වගේ එකකින් කුණු ඇහිදිනව. ඌට ඒවා කුණු උරේට දාන්න ලේසි වෙන්න තමා අල්ලන්න කියන්නෙ.

"සාරාව එක්ක ගන්න එපෑ උබට කුණු උරේ අල්ලන්න. ඔය කකා ඉන්නෙ. ඊරි"

අයිස් ක්‍රීම් එකක් කන්න අරන් ඒකෙ කවරෙත් ගෙනල්ලා මං අල්ලන් ඉදපු ඉටි බැග් එකට ඔබපු සාරා එතනින් ටිකක් එහෙට මෙහෙට යන කල් ඉදල මං අනුධ ට කිව්ව. ඇයි යකෝ සුද්ද කරන්න ආව නම් සුද්ද කරන්න ඕනි. මෙතන ට්‍රිප් එකක් ආවයැ අයිස්ක්‍රීම් කකා ඉන්න.

"උන් සුද්ද කරද්දි බැරියැ. "

"කවද හරි ගෙදර වැඩ කරන්න වෙන්නෙත් උබට තමා "

"දැන් කියලත් ඉතිං වෙනසක් නෑනෙ බං "

ඌ ඒක නම් කිව්වෙ මට. කින්ඩියට.

"අනේ මේ.. නිකා ඉදින්. මාත් කරන්නෙ "

"උන් පොස් නෙ බං.. උන් ඇහිදී ද කුණු"

"එව්ව හරියන්නෑ. ඇමතිගෙ පුතත් කුණු ඇහිදින එකේ ආයෙ මොනා ද ?"

"තාත්තා කරන පව් මං හරි ගෙවන්න එපෑ බං."

මං දන්නැද්ද පොස් කෙල්ලන්ගෙ හැටි. අපිත් පොස් තමා හරිය. ඒ උනාට වැඩ නම් වැඩ. අපි බැන්නට උන් අයිස්ක්‍රීම් කාලා වැඩ කරන්න ගත්තා. සාරාත් බරටම වැඩ. අනුධ මං දිහා බලල ඇස් වලින් පෙන්නුවා. අපරාදේ වචන නාස්ති කරන් බැන්නෙ.