يادولتي لصار حيلتي بيتين.

الصفحه الثانيه

هادي:افا عليك ياجدي الله يطول لنا بعمرك ويحفظك ابد انا من يدك ذي ل يدك ذي ،بس انشاءالله التخرج مابقى عنه شيء اتخرج وابشر بي.

عايض :وانا وهادي عينين في راس .

هادي:ذراعي اليمين العشير لازم ناخذه

مشت الايام وجا وقت تخرج هادي وعايض .

هادي:اسمع يالعشير بكره التخرج وش رايك تجي تنام عندي ننام بسطح وسوالف وضحك والصباح نروح سوا للحفل .

عايض:والله مدري اقول ل ابوي واذا وافق اقولك بصلاه العشاء انشاءالله.

هادي:عايض دق علي هههههههههههههههههههههههههههههههههههههههههههههههههههههههههههههههههههههههههههههه.

عايض:يع ماحب الاتصالات تقل ‏شيبان منقطعين طول المكالمه هاه وش مااسمع .
"ضحكوا "

هادي :براحتك الحين روح انجز شغلك وعلى موعدنا .

رجع هادي وتغدا .

هادي:زاهيه ابي انام صحيني اول ما ‏يأذن العصر صحيني عندي موعد مع ابن عمي.

زاهيه :انشاءالله اخوي الكبير .

هادي:وش مسويه ؟
زاهيه قامت وسحبت هادي داخل المطبخ .

زاهيه:اخوي الغالي والابن المفضل ل امي ابي اروح عند البنات وامي تقول لا والبنات بيجتمعون ويستانسون.

هادي:انا وش استفيد من هذا كله .

زاهيه :اغسل ملابسك واجهزه و اصحيك واسوي اللي تبي وبعدين ...............

هادي:اها هنا مربط الفرس .

زاهيه :تقول ل امي اروح للبنات ..وهربت زاهيه

ضحك هادي:وينك تعالي وش ذا الحركات ،،ابشري من عيوني ،بس بشرط.

زاهيه:وش؟

هادي:تبطلين خباله.

زاهيه :احترم نفسك ويلا بس.

هادي:هادي زاهيه اللي اعرفه .
ضحكوا "

راح هادي ينام .

استغل وقت القراءه .
١-سبحان الله
٢-والحمدالله
٣-ولاإله إلا الله محمد رسول الله .
٤-والله اكبر

وقام العصر وراح خلص شغله واشترى ملابس وراح يكويها .
رجع هادي البيت ولقى اهله جالسين باالصاله يتقهوون .

هادي:السلام عليكم .

جميعا:عليكم السلام ورحمة الله وبركاته.

ام سعود:هلا يابوي تعال تقهوى معنا ، يا قطوف قطوف.(عامله المنزل ) جيبي فنجال .

زاهيه :افااا عليك يا مامي انا اقوم لك .

ام سعود:بسم الله عليك مسخنه هاذي بنتي .

ابو سعود: عفية عليك يابنتي سنعه طالعه علي .

ام سعود:اي الشيء الزين لك والشين لي .

ابو سعود:انا ماقلت شيء انتي قلتي.