كان اسمه حبيبى

الفصل الخامس والعشرون

بسم الله الرحمن الرحيم
وبه نستعين
(٢٤)

_ .شهر عسل كمان يا احمد
هتفت بها نانسي بغضب وهى تلقى بالهاتف بطول ذراعها عندما رات صورة احمد وروان  على احد مواقع التواصل الاجتماعى  وهما يصعدان الطائرة وكتب تحت الصورة
مع تمنياتنا للزوجين بشهر عسل سعيد 
التقطت الهاتف مرة اخرى واتصلت باحد الاشخاص
_هبعتلك اسم وصورة دلوقت .عايزاك  تجبلى معلومات كاملة عنها من ساعة ماامها ولدتها لغاية النهاردة وتكون جاهزة عندى خلال يومين بالكتير.مفهوم
.تحت امرك يانانسي هانم
_______________________

داعب شعاع الشمس المنبعث من النافذة صفحة وجهه فانكمشت ملامحه بامتعاض حتى انفرج جفنيه عن حدقتيه ببطء ،واذا به
يراها  غافيه على صدره كالملاك بشعرها المشعث من اثر النوم الذى يجعلها اكثر جاذبية
تنهد بقوة وهو يفكر
لثانى مرة يستقيظ وهى بين ذراعيه
لقد اصبحت خطر عليه وعلى  قلبه الذى بات ينبض بقوة كلما اقترب منها ، ولكن لازال  لعقله الكلمة العليا حتى الان
ابتسم بدفئ وهو يتذكر ماحدث ليلة امس فقد غلبهم النعاس وهما يستمعان لكوكب الشرق وصوتها الشجى
.. تململ بموضعه بهدوء ليستطيع تامل وجهها الغض النائم دون ان يوقظها فقد اصبحت عادة لديه تأملها وهى نائمة .سحب نفس عميق من رائحتها التى تشبه رائحة الزهور البرية الى رئتيه
وامتدد انامله لتتخلل شعرها المشعث باغراء على كتفه ،انكمشت ملامحه فجأة
..ياخبر دى سخنه نار ..روان ..روان اصحى
لم تستجيب لندائه عليها فحملها مسرعا الى غرفته
ثم دلف الى الحمام  ووضعها بحوض الاستحمام
، خلع عنها ملابسها وهى بين النوم والصحوة تشعر بوهن كبير بجسدها ولاتستطيع ان تفتح جفنيها بشكل كامل .فتح الصنبور
وغسل  لها وجهها وراسها وذراعيها اكثر من مره
حتى انخفضت حرارتها بعض الشئ،
بدات اعصابه تتلف وقد انتقلت حرارة جسدها اليه فنهض عنها قبل ان يفقد ماتبقى من ثباته ليضع راسه تحت فوهة الصنبور لينهمر الماء فوق راسه  لعدة دقائق
البسها  روب الاستحمام  بعد ان انتشلها من الماء ، ثم خرج بها يحملها بين ذراعيه ليضعها فوق الفراش مجددا ودثرها جيدا
،  ذهب ليحضر لها ملابس جافة من غرفتها  وابدل لها ثيابها وهى مستسلمة له كليا تشعر ولكن لاتقوى على فعل شئ
ومن ثم اتصل على الطبيبة لتفحصها
&&&&&&

وقعت عليها الطبيبة الكشف المعتاد ثم قالت
_ نزلة شعبية حادة
اعطته روشتة بالدواء لجلبها من الصيدلية
_هاتلها الدواء ده مع الراحة التامة والغذا الصحى،  واذا رجعت سخنت تانى اعملها كمادات ماية فاترة بالخل وان شاء الله يومين تلاتة وهتبقى زى الفل
اخرج لها بعض النقود من جيبه
._متشكر يا دكتورة
اخذتهم منه وهى تقول
_معافية ان شاء الله .السلام عليكم
_وعليكم السلام
اعطى احمد الروشتة للحارس مصطفى ليجلب الدواء
ثم اعد لها الطعام وجلبه لها على الحامل المعدنى ووضعه بجانبها على الكومود
مسح لها حبيبات العرق التى تساقطت على جبينها .وهو يوقظها برفق روان روان
بدات تفتح عينيها بوهن
_..حمد الله على السلامة
روان بتعب.
.الله يسلمك ، هو انا ايه اللى حصلى ليه مش قادرة افتح عينيا وحاسة ان جسمى كله بيوجعنى ؟
مسح حبيبات العرق عن وجهها
_ولاحاجة شوية برد
ثم تابع بعدما قرص وجنتيها 
_عشان تبطلى عناد
زمت فمها بطفولة
_.انت السبب
ابتسم ضاحكا على تذمرها الطفولى
_انا بردو.، .ماشى ياستى مسموحلك تقولى اللى انتى عايزاه  بس عشان عيانة ،بس بعد كده هنتحاسب
اسبلت جفونها مرة اخرى بتعب
انا تعبانة اوى وعايزة انام
_لا استنى اما  تاكلى وتاخدى الدوا ، عشان تقدرى تقاومى المرض
ساعدها لتعتدل قليلا ووضع الوسادة اسفل ظهرها
..عملتلك شوربة خضار. وفرخة مسلوقة .
غمغمت باعتراض
_مش قادرة احط حاجة فى بوقى
وضع الصينية امامها وهتف بحزم غير قابل للاعتراض
..لا،  هتاكلى  وهتخلصى الاكل ده كله كمان عايز الاقى الصينية دى فاضية. فاهمة ولاعايزانى ااكلك بالعافية
هتفت بحرج
..لا هاكل خلاص اخذت ملعقة من طبق الشوربة وتناولتها بدون شهية ولكن بالفعل طعمها اعجبها
_.تحبى افصصلك الفراخ ؟
ابتسمت بخجل
.لا مش للدرجادى هو انا طفلة .
انتبهت الى ملابسها فاتسعت عينيها بدهشة
..هو مين غيرلى هدومى ؟
تحمحم بحرج
_هيكون مين غيرى  ؟
شهقت بجزع فتناثرت مياه الشوربة الساخنة من فمها
..ازاى تعمل كده ؟
هتف بمشاكسة
_كنت مضطر، بس متقلقيش مشوفتش حاجة كنت مغمض عينيا
نظرت له نظرة شك
فاتسعت ابتسامته بمشاغبة
_يعنى اختلست بعض النظرات كده   .بس اطمنى عفتك لسه فى محلها  ،  معلش ياستى   اعتبرينى زى جوزك
ابتسمت ضاحكة بخحل
تلك الابتسامة التى تزعزع كيانه ..فهرب مسرعا من امامها
_انا لازم اروح اشوف الغفير ده اتاخر ليه،  ومجبش الدوا 
..التفت اليها قبل ان يذهب آمرا اياها بقلق عليها
_ كلى كويس
ابتسمت له بامتنان _حاضر