كان اسمه حبيبى

الفصل السادس والعشرون

بسم الله الرحمن الرحيم
وبه نستعين
26

فجأها شادى من الخلف واضعا بجنبها سلاحا ابيض
..قدامى من غير ولا نفس والا هخلص عليكى
ارتعدت ولاء بخوف وقالت بتلعثم
_انت عايز منى ايه تانى ياشادى ؟ مش خلاص كل اللى بينا انتهى  
زجرها شادى بقسوة
_ انا الى اقول امتى اللى بنا ينتهى مش انتى ، انجرى قدامى والا هشقلك بطنك
جرها امامه عنوة حتى سيارته وهى تتلفت حولها بخوف لربما رات احد قد يساعدها
خفف من ضغط ذراعه عليها ليفتح لها باب السيارة فاستغلت الفرصة
ودفعته ثم ركضت باتجاه المشفى  وهى تصرخ بعلو صوتها تستغيث باحد
_الحقونى
امسكها شادى  مرة اخرى  صافعا اياها  بقسوة ثم  كمم فمها  من الخلف ليمنع صراخها  وسار بها   باتجاة السيارة قائلا بوعيد
._هتدفعى تمن اللى عملتيه ده غالى اوى ، انجرى قدامى .
وقبل ان يدخلها بالسيارة  ،.تفاجا بشخص ما يكبله من الخلف
صاحت به ولاء مستنجدة..
_دكتور مراد الحقنى
_متخافيش ياولاء
  لوح له شادى بالسلاح بعد ان استطاع فك قيده منه  قائلا
بغضب وحدة
_.خليك فى حالك بدل ماشرحلك وشك الحلو ده،  ،واحد ومراته انت مالك تدخل بينهم ليه؟
. ابتعد مراد قليلا عن مرماه  حتى لا يطاله و بذات الوقت يستدرجه بعيدا عن السيارة وهو يقول
.بس الواضح انها مش جاية معاك برغبتها والا مكنتش تصرخ وتستنجد بحد
_ قلتلك ملكش فيه ولا انت حابب تتعور ؟.

غمز بعينه  لولاء وتصنع الخوف
_معاك حق انا مالى فعلا
.ثم باغته بلكمه قوية اوقعته  على الارض وسقط  منه السلاح فدفعه مراد بقدمة باتجاه ولاء   صائحا  بانفعال
.. _ولاء خدى المطوة دى  و روحى اركبى فى عربيتى بسرعة يلا
ذهبت ولاء مسرعة على سيارة مراد
وشادى يصيح عليها بغضب .
_..لا ده شكل الموضوع بينكم مش مجرد علاقة زمالة والحكاية اكبر من كده ، والهانم ماشية على حل شعرها مع الدكتور.
.هدرت فيه بحدة وهى تفتح باب السيارة
._اخرس ياوسخ،  انت فاكر كل الناس زيك
انهضه مراد من على الارض
- .امشى قدامى
حاول مراد تسليمه لامن المشفى ولكنه دفعه بقوة وفر هاربا
ليزفر  بقوة
_هرب الجبان
تنفست ولاء الصعداء وتمتمت شاكرة  حين صعد مراد بجانبها  خلف المقود
_.متشكرة اوى يادكتور مراد ، مش عارفة لو مكنتش جيت كان هيعمل فيا ايه
.غمغم بجدية بعد ان تنهد براحة
.الحمد لله انى شوفتك من شباك مكتبى  وهو حاطط ايده على بوقك وعايز يركبك  عربيته بالعافية،نزلت بسرعة البرق وكل املى  انى اقدر  الحقك 
هتفت بنبرة باكية ..
_مكنتش متصورة انه توصل معاه للدرجادى يهددنى بمطواة،  وكمان حاول قبل كده يقتل احمد اخويا ،
الظاهر انى كنت متجوزة بلطجى 😢😢و مش واخدة بالى
ربت على يدها 
_طب اهدى خلاص الموضوع انتهى، .ايه رايك اعزمك على ليمون ساقع  يهدى اعصابك
مسحت دموعها باناملها
_مش هينفع. لازم اروح اجيب ابنى نيار من المدرسة دلوقتى
تطلعت بساعة يدها
_. ده انا حتى اتاخرت عليه اوى
ليهتف بتساؤل
_هو فى مدرسة ايه ؟
-.مدرسة ......
غمغم بدهشة
-ايه ده دى نفس المدرسة اللى  بنتى تاليا فيها
  ابتسمت ولاء بذهول
_معقول؟ .دى صدفة حلوة اوى
ليبتسم بدوره
_يبقى نروح نجيبهم سوا ؟
_ok معنديش مانع