< تكمله >
انسحبت بيان تهرب لـ تحت فـ الصاله ، و نزل وهو يضحك وراءها ، ام سلطان : اووه خلفف هنا
ابتسم يبوس راسها وقال : ايه هنا امريني
ام سلطان : م يأمر عليك عدو ولا ظالم ، بس مو المفروض انت بدوامك الحين ؟
ابتسم وقال : ابد رحت اخذ بيان من عند البنات
ام سلطان : و البنات متى ناويين يرجعون ؟
خلف : والله مدري سُميه تقول نص ساعه و راجعين
بيان من وراه : ايه نص ساعه و جايين
م حسوا الا بصوت سيف : باابا
فز خلف وقال : ياعيونه
قرب خلف و اخذ سيف على حضنه : هاه بابا شتبي ؟
ضحكت بيان وقالت : خله خله رح انت لا تتأخر ع الشركه
جلس خلف على الكرسي و سيف فوقه : اروح و اخليه ؟
بيان : يوه خلييف
ضحك وقال : مشينا البقاله ؟
ابتسم سيف بحماس : اييواا
ابتسم خلف وقال : خمس دقايق و جايكم ، تجين معنا ؟
بيان : لا والله مالي خلق
-
فـ بيت ابو سعد
ريهام : ييووه يمه والله تعبت امسكيها شوي
ضحك سعد وقال : ريهاموو الله يهداس توس تتعبين
ام سعد : تشوف
ريهام وهي حاطه يدها على راسها : يمه بنااام بنام تكفين والله تعبانه م ذقت الننووم
ضحك سعد وقال : لحقتي م تذوقين النوم !!
ريهام بتعب : سععيدوون اذلف براا
سعد : ابشري
ام سعد : ب تنامين الحين ؟
ريهام : اييه
سعد : و فهد مو عساس جاي ؟
ريهام بصدمه : يراسييي نسيته ، بدق عليه خلاص اطلعوا انتوا م عليكم
ام سعد ضحكت وقالت : زين زين
رفعت جوالها تدق عليه و دقايق رد عليها
ريهام : فهيدد شخبارك عساك بخير
ابتسم وقال : بخير الحمد لله وانتي كيفتس اليوم ؟
ضحكت وقالت : اهه بس والله بنتك عذبتني ب صياحها
ضحك وقال : عليتس ب القوه ، ايه علامتس دقيتي توني كنت جاي لتس
ريهام : لا تجيي لا تجي
قطب حاجبه وقال : ليه عسى ما شر
ريهام : ودي احط راسي و انام شرايك تجي بكره والله م نمت شيي
انفجر ضحك وقال : خلاص زين
ريهام : ايه زين
ابتسم وقال : توصين شي
ابتسمت وقالت : ابد انتبه لنفسك
فهد : ابد وانتي بعد
-
صـباح اليوم الثاني ~ تحديدا فـ بيت ابو سلطان
ابو صقر : صبحكم الله بالخير
ابو سلطان : صبحك الله بالنور
ابو خلف : اووه صباحيه مع عماار من متى
ضحك ابو صقر وقال : من اليوم هههههههههههههههههههههههههههههههههههههههههههههههههههههههههههههه
ابو فهد : عسى ما شر
صقر بصوت خافت : يبه اخلص عاد
ابو صقر : جايين نطلب بنتكم على سنة الله ورسوله
سالم بتعجب : بنت من ؟
ابو صقر : سُميه بنت مشاري
ابو فهد : والله البنت محجوزه خلاص
صقر : محجوزه ؟ لواحد هي م تبيه ؟
ابو فهد : ايه
اخذ صقر شهيق و زفر بهدوء : اسمع ي عمي مشاري انا احبها و ابيها على سنة الله ورسوله و انت شف لو هي موافقه علي انا ولا على فيصل ! بس نظام انك تغصبها على واحد هي م تبيه ذي م صارت ولا بتصير
ابو سلطان : تسمع ي مشاري ؟
ابو صقر : وبس والله تقدرون تعطونا ردكم معاكم وقت خذوا راحتكم ومحد مغصوب على شي م يبيه
سالم : يراسي صدعت
طلع صقر هو و ابوه
ابو سلطان : سمعت ؟ البنت رافضه فيصل و خلاص تعطيهم الرد و تقول انها رفضت
ابو فهد : ليه على كيفها هو ؟
ابو سلطان وهو يحرك عصاته ب عصبيه : ايه على كيفها ماهوب انت الي تغيب حفيدتي على شي م تبيه ، صقر أصغر منك و كبير عقل كبر عقلك ولا ..
قاطعهم دخول خلف : استهدوا بالله
ابو فهد : استغفرالله ، خلاص بشوفها اليوم !!
ابو سلطان : إذا وافقت يكون ابركها من ساعه و مره وحده يكون زواجها مع الاميره
ابو خلف : ححلوو
ابو فهد : طيب
-
طلع خلف للغرفه و صادف بيان الي كانت منسدحه على السرير و باين عليها التعب ، قرب و جلس جمبها وقال : بياني ؟ وش فيتس م نمتي زين ولا وشو
بيان وهي تحاول تخفي تعبها : هاه لا وين نمت م عليك
خلف : متأكده ؟ اجل علامتس وجهتس مقلوب
بيان : اقولك لا تخاف م فيني شي شويات و ارجع طبيعي
قام وقال : نشوف طيب ، بدخل اخذ لي شاور
بيان : طيب
دخل خلف للـحمام يُكرم القارئ و بيان الي تحاول تشيل نفسها و التعب ماكلها ، عشر دقايق ب الكثير و طلع خلف من الحمام يُكرم القارئ تقدم للمرايه يلبس ثوبه وقال : بياني جيبي المبخره
تمسكت بيان بنفسها وقامت تدور على البخور ، تقدمت تعطيها لـ خلف و م حس فيها الا وهي طايحه عليه ، انصدم خلف وهو يطبطب على وجهها : بيياانن علاامتسس
قام و أخذها للـ سياره و طيران لل مستشفى
دقايق و وصل لاقرب مشفى نزل و هو يركض و بيان الي كانت ب أحضان الخلف ..
-
فـ بيت الجوهره و ذياب
ذياب قاعد ب الصاله و نجد نايمه على صدره ، صحت الجوهره و ابتسمت من لمحتهم ب الصاله : اوف الاب و بنته شعندهم ؟
ابتسم وقال : تعالي تعالي
ابتسمت و قربت تقعد جمبهم : جيت جيت
حط ذياب نجد على جمب وقال : دورتس الحين تجين
ضحكت وقالت : والله مب فاضيه لك بروح افطر
ضحك وقال : خلاص زين باخذ بنيتي
ضحكت و حطت راسها على صدره : هاه بتقوم تسوي لي فطور ولا اروح ؟
ابتسم وهو يلعب بشعرها : اوف تهديد ذا الحين
الجوهره : اييه
ذياب : شرايتس نطلع نفطر برا و نغير جو ب المره
نطت بحماس : اييييه تممم
ضحك وقال : يلاا اجهزي
الجوهره : و نجد ؟
ذياب : نحطها عند امي ولا امتس
الجوهره : خلاص تم
-
عنـد محمد و ديم الي قاعدين مع سوالف و ضحك
محمد : ما شاء الله عليهم فهد و ريهام مسرع لقوا اسم ل بنتهم
ابتسمت ديم وقالت : بس حلو والله لينا بنت فهد !
ضحك وقال : غيره أفضل بيكون
ضحكت وقالت : لو تدري اني كنت اقول لامي بسمي بنتي لينا ! و ولدي حمد
حس بضيقه داخله وهو مو قادر يحقق ابسط أحلامها في انها تكون ام ابتسم وقال : اوف ذويقه طلعتي
ديم : ايه شدراك حمد بن محمد شفف يجنن وربي
ابتسم وقال : يجنن م عليتس
تنهدت وقالت : يلا م عليه
حس محمد عليها و قرب يقعد جمبها ، مسك يدينها الدافيه وقال : شفيتس ؟
ديم : لا م عليك ولاشي
محمد : على سالفة العيال ؟
ديم : حمود والله مابيك تشيل هم بعد كلشي بيد الله
زفر وقال : والنعم بالله ، بس م تدرين مافيه شي مستحيل ! يمكن الاقي حلول كثيره للعقم ؟
ديم : صدق ؟
ابتسم وقال : ايه م عليتس ان شاء الله بتشوفين حمد و لينا حولتس !
ابتسمت تشد على يده وقالت : ان شاء الله ان شاء الله
-
بـ المستشفى تحديداََ
خلف الي قاعد على اعصابه و حاط اللوم عليه و كل خوفه على بيان و الي ف بطنها ، م حس الا بدخول أهلها و اهله
ام فهد : وينهاا
خلف : اصبري اصبري توهم مدخلينها للغرفه
عامر : انت وينك عن اختي !!!
خلف : وش الي وينك عن اختي ي الحبيب انا الي جايبها !! بعدين اختك ترا زوجتي و ام عيالي م دريت انها تعبانه وهي م علمتني ولا قالت شي تفهم !
عامر : ايه م دريت ما شاء الله قاعد و تاركها
خلف ب عصبيه : عامر لا ترفع لي ضغطي انت الثاني
سعود : ابك انت اذلف مناك الناس مب فاضيين لك
عبدالله بهدوء : عامر خلاص عاد !
عامر : وش الي خلاص عاد ؟ قال م دريت قال
ام خلف : خليف ي حبيبي لا تخاف م عليها شي البنت حامل اكيد بتتعب فجأه ان شاء الله مافيها الا العافيه
خلف : ان شاء الله
قاطعهم خروج الطبيبه رنيم وقالت : وين أهلها ؟
وقف خلف وقال : انا زوجها و ذولا أهلها طمنينا ؟
الطبيبه رنيم ابتسمت بهدوء وقالت : ابد م فيهم شي الحمد لله بس تعب خفيف و م تشوف شر
زفر خلف براحه و قاطعه عامر وقال : ايه و متى تطلع ؟
الطبيبه : تقدر تطلع الحين بنكتب لكم علاج لها و تنتبه لنفسها و ان شاء الله م عليها شي
عامر : ايه زين
دخل عامر و ام عامر الغرفه عند بيان ، قرب عامر منها مسك يدينها وقال : سلامات ياعين اخوتس !
ابتسمت وقالت : الله يسلمك
عبدالله : م تشوفين شررر ي الشيخه
ضحكت وقالت : ي حبيبي ي عبود الشر م يجيك
ام عبدالله : يقولون م فيتس شي تعب خفيف و يكتبون لس علاج تاخذينه ! و انتبهي لنفسس ثاني مره مو تخبين على خلف لين يصير فيتس كذا
بيان : ايه صح وينه خلف ؟ غريبه م جاء
عامر : ليه هو مهتم عشان يجي م درا عنس ولا شي
عبدالله : عامر بس عاد مصختها ترا
بيان : شفيكم بسم الله ترا ماله دخل انا الي م قلت له ولا هو بنفسه لاحظ وانا قلت له م فيني شي !
عامر : ايه ايه لو صدق ماله دخل م سمع كلامتس
بيان : عامر استهدي بالله ! شفيك انت
ام عبدالله : خلاص عاد بزارين انتوا ؟ وانتي تنزلين عندنا ذا الاسبوع كلام ثاني مابي
بيان : ييمهه انتي بعد ! شفيكم خلف مهوب كذا تراا
عبدالله : والله مدري شفيكم تجننتوا ولا وش !
ام عبدالله : عبدالله و بيان اسكتوا وبس ! انت ي الكبير تروح تجيب سيف بعدين تنزله عندنا
بيان بقهر : يمه انا جايه ل عندكم بس ع الاقل اتركي الولد عند ابوه !! تكفين يمه ان كان لي خاطر عندس !
زفرت وقالت : استغفرالله ، خلاص زين
طلع عبدالله و سحب خلف على جمب : اقول ترا ناويين ياخذون بيان ل بيتنا
فتح عيونه وقال : وشو ؟؟ ليه أن شاء الله م توصل ترا
عبدالله : الحين انت خلها تروح خل الوضع يهدأ و يصير خير بعدين ، و سيفووه معاك هاه
زفر وقال : طيب ، مو ناويين تخلوني ادخل اشوفها انا بعد ؟
ضحك وقال : م ظنتي يتركونك !
ابتسم بضيقه وقال : طيب
تقدم و قال لـ امه : يمه سيف قاعد مع من ؟
ام خلف : البنات هناك
سعود : ليه ؟
خلف : ابد اسال بس
م حسوا الا بـ عامر و أمه و بيان طالعين من الغرفه
عامر : عبود رح جب العلاج حقها
ارتعش قلب بيان وهي تشوف خلف فـ اسوء حالته قربت له وقالت : خليف شفيك ؟
فز من سمع صوتها وراءه ، صد بدون م يرد و قال : اقول انا برا انتظركم ب السياره
عامر : روحه بلا رده
سعود : هيييه انت تعديت حدودك !! وقسما يجيك كف الحين ي البزر
عامر : اذلف وراه بس
نزلت دموع بيان وقالت : كله منكم الحين يحسبني خلف م ابيه !!
عامر : امشي امشي قدامي للسياره
ام عامر : خلاص عاد امش ونت ساكت
بـ سيارة خلف
ركب سعود وقال : خلف شبلاك !
مسك خلف على قلبه الي كان يدق بسرعه : ي سعود !! م هقيتها والله تروح بكل برود مع أهلها وانا و سيف تاركتنا !! ذي مو بيان حقتي ، عامر بيلعب ب مخها !!
سعود : صل على النبي يرجال ، م بيصير الا كل خير
ركبت ام خلف وقالت : ي خلف والله ضغطي فل امش للبيت بسرعه مخابيل ذول وربي
ضحك سعود وقال : حتى امك لاحظت
خلف : الله يصبر قلبي عليهم بس
-
فـ بيت ابو عامر بعد م نزلوا من المستشفى
نزلت بيان و اتجهت ل غرفتها على طول ، دخل وراءها ابوها وقال : بيان بنتي شفيتس ؟
نزلت دموعها وقالت : يبه ولدك و امي !!
ابو عامر : منو ولدي عندي اثنين
بيان : عامر !!
ابو عامر : شصار ي بنيتي شصار
شرحت بيان كلشي ب التفصيل
ابو عامر : وانتي ليه زعلانه الحين
ابو عامر : لان عامر و امي هاوشوا خلف و جابوني لهنا غصب عني و خلف يحسبني متعمده و م ابيه يبه اكلمه م رد علي !
ابو عامر : أمسحي دموعتس و غسلي وجهتس و ارتاحي خلهم علي بس
بيان : ان شاء الله
طلع ابو عامر وقال ب عصبيه و صوت عالي : عاامر
فز عامر وقال : اسللم
ابو عامر : تعال انت و امك
عامر : ابشر
دقايق و جا عامر و ام عامر و تقدموا يجلسون ب الصاله مقابل ابو عامر و عبدالله جمبهم
ام عامر : شسالفه ؟
ابو عامر : انتم علموني شسالفه ، وش ذا حركات البزران ؟ تهاوشون خلف و تجيبون بيان هنا و مدري وش
عامر : يبه توها طالعه من المستشفى وش تبينا نسوي اكيد بنجيبها هنا
ابو عامر : لا جد ؟ بيتها و زوجها و ولدها و اهل زوجها مقصرين ف شي ؟
عامر : ايه م دروا عنها
ضحك ابو عامر وقال : م دروا عنها وهم الي ماخذينها ؟ عامر ي وليدي البنت متزوجه و عندها ولد و هذا هي حامل و اول مره يصير لهم كذا تجي انت تقول م دروا عنها وانت اكثر واحد خابر قوة علاقه بيان و خلف كيف هي قويه و م يرضى عليها !
عامر : بس يعني الحين توضح لي ان حن الغلط
ابو عامر : نعم انتم غلط وانا واثق ب ولدي خلف
ام عامر : والله هذا شي راجع لك بس بنتي م بترجع بتقعد عندي هاليومين
ابو عامر : يومين لا اكثر ولا اقل تفهمون والله العظيم ان تدخلتوا ف حياتهم ان م تشوفون خير هذاني حلفت
عامر : طيب ان شاء الله
-
فـ بيت ابو سلطان
دخل خلف و طلع لـ غرفته وسيف معاه
زفر و انسدح بهدوء بيحط راسه ينام ، م حس الا بصياح سيف ، خلف : وش بلاك ي ابوي انت توك ساكت
سيف : ماما ماما
خلف : ي حبيب امك ، بتجي ماما بتجي نم يولد نم
هز راسه ب النفي : ماما ويي..ن
خلف حط يده على رأسه وهو يحس ب صداع : سيفي حبيبي ماما جايه الحين نم انت
و سيف الي م وقف صياح ، قام خلف و نزل الصاله : اميرتي وينس فيه
اميره : لبيه هنا
خلف : تكفين ي اميره امسكيه والله اني مصدع
ضحكت وقالت : عطني عطني حبيب عمته
ضحك وقال : يلا ي خيتي امسكيه
ضحكت اميره : اختك من ؟ عمتك انت وهو يلا بس
خلف : قلنا عمتي بس عمته هو ذي من وين جت
اميره : اذلف مالك شغل
ضحك و طلع غرفته
رفعت اميره جوالها و دقت على بيان : ارححبي
بيان : البقى يعيوني
اميره : تعالي انتي ليه م خذيتي سيف
بيان : رحت انا يكفي ليه أخذه خله مع خلف
ضحكت وقالت : تو خلف جاني !! مصدع الرجال عطاني سيف يقول اتركيه معاتس
بيان : مصدع ؟؟ وانا الخبله عطيته سيف
اميره : لا م عليتس حنا هنا
بيان : يحياتي والله ان شاء الله م يزعجكم
ضحكت وقالت : سييفوو ازعجاه راحه
ابتسمت بيان وقالت : طيب اسمعي علميني عن خلف عاد تكفين والله قلبي يوجعني !! م كنت ناويه اجي عند اهلي بس شسوي
اميره : دقي عليه طيب
بيان : مستحيل م بيرد علي ادري !
اميره : عسى خير ان شاء الله
-
يُتبع
-
( ارحبوا ي شيّوخ قلبي شحالكم عساكم بخير وصحة وسلامة ، لنا لقاء آخر شدوا دعمكم ي حلويني عشان نكمل مع بعض و ان شاء الله عجبكم البارت 💗. )
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
