"ဒါတာတာ ဘာယူလားလဲခန့်မှန်းကြည့်"
လေးလေးငယ်က အရာတစ်ခုအား အနောက်တွင်ဖွက်ထားရင်း
ပြုံးပျော်စွာမေးလာ၏။
သက်ပိုင် ချောင်းကြည့်ဖို့ ခေါင်းအားစောင်းလိုက်ပေမဲ့ လေးလေးငယ် သိပ်လျင်သည်၊အစအနလေးပင်မမြင်လိုက်ရ။
"ခင်ဗျားမပြပဲ ကျွန်တော်က ဘယ်လိုသိမှာလဲ"
သက်ပိုင်က မျက်ခုံးအားပင့်ရင်း
မကျေမနပ်စွာဖြင့်ပြောလိုက်သည်။
ထိုအခါ လေးလေးငယ်က သူ့အမူအရာကို ရယ်ရင်း နောက်ကျောဘက်မှဖွက်ထားသောအရာကို ထုတ်ပြလာသည်။
အဲ့တာကတော့ အခြားမဟုတ် အလယ်မှ လှီးထားသော ချောကလက်
ကိတ်မုန့်တခြမ်းဖြစ်သည်။
သက်ပိုင် ဒါကဘာအံ့သြစရာရှိလဲဆိုသည့် အကြည့်ဖြင့်ကြည့်လိုက်တော့
လေးလေးငယ်က မျက်မှောင်ကိုခပ်သာသာကျုံ့၍ တဖက်မှာတော့ပြုံးနေ၏။
"အရူးကောင်လေး ငါကိုယ်တိုင်ဖုတ်ထားတာကွ"
သက်ပိုင် ခေါင်းတငြိမ့်ငြိမ့်နှင့် ဆေးရုံအခန်းထဲရှိ ဆိုဖာပေါ်တွင်ထိုင်လိုက်တော့ လေးလေးငယ် ကိတ်မုန့်ကိုစားပွဲတွင်ချပေးတာ သက်ပိုင်အတွက် ကိတ်မုန့်တစ်စိတ်အား ဓားဖြင့်ခွဲပေးသည်။
"မမှတ်မိဘူးလား ဒါမင်းအကြိုက်ဆုံးကိတ်လေ အသက်ရဲ့၊
မင်းက ငါလုပ်တဲ့ချောကလက်ကိတ်ကိုအကြိုက်ဆုံးပဲလို့တောင်ပြောသေးတာ"
စကားအားပြောနေရင်းဖြင့် သက်ပိုင်အားဇွန်းကိုကမ်းပေးလာသည်။
"အဲ့တာကသူလေ ကျွန်တော်မှမဟုတ်တာ"
သက်ပိုင် စူပုတ်စွာပြောမိတော့ လေးလေးငယ်က ဟက်ဟက်ပက်ပက်ရယ်သည်။
ထို့နောက် သက်ပိုင်၏ခေါင်းအားလက်ဖြင့် ဖွလိုက်ရင်း ပါးလေးများဆီကိုလျှောဆင်းသွားကာ ပါးပြင်လေးကိုအသာညစ်၏။
"သူနဲ့မင်းနဲ့က အတူတူပဲလေ အသက်ရဲ့၊ဘာတွေဒီလောက်ခွဲခြားနေတာတုန်း။
ပြောရရင် မင်းလည်းငါ့ယောက်ျား မင်းပြောတဲ့သူဆိုတာကလည်း ငါ့ယောက်ျားပဲလေ"
"ဟုတ်ပေမဲ့လဲ....."
သက်ပိုင် သူ့ကိုယ်သူဘာဖြစ်နေသလဲသူကိုယ်တိုင်ပင်မသိတော့ချေ။
သူ့အရှေ့မှ လေးလေးငယ်ဆိုသောသူ၏ယောက်ျားမှာ အရင်တချိန်ကသူဖြစ်ခဲ့သော်လည်း ယခုအခါတွင် အရင်တုန်းကမှတ်ညဏ်များသူ၌မရှိတော့ချေ။
YOU ARE READING
In Love With An Old Mafia(Complete)
Romansa****** Start Date-Mar.31.2023 End Date-Nov.17.2023 *****
