အပိုင်း(၈၁) တိုင်ချူးရွှယ်၊ ကျိုးနင်
မကြာခင် အချိန်အတွင်းမှာပင် ဝေ့ဝူယင်နှင့် ချူးရွှေတို့ အုပ်စုကား ကောင်းကင်ယံထက်၌ မျက်နှာချင်းဆိုင်မိနေပြီ ဖြစ်လေသည်။ သူတို့ အကြား၌ အများဆုံး မီတာတစ်ရာခန့်သာ ကွာဝေးတော့၏။
ချင်းရွှေ၏ အမူအရာက ယုံကြည်မှု အပြည့်နှင့် တည်ငြိမ်နေသည်။ တိုင်ဖေးအား မျက်မှောင်ကြုတ်ကာ တစ်ချက် ကြည့်လိုက်ပြီးနောက်မှ သူမက ဝေ့ဝူယင် ဘက်သို့ လှည့်လိုက်၏။
“နင်က ဘယ်သူလဲ...”
သူမက မေးလိုက်သည်။
ချင်းရွှေ၏ ကျင့်ကြံခြင်း အခြေခံကို စစ်ဆေးရင်း ဝေ့ဝူယင်၏ မျက်လုံးများက တလက်လက် တောက်ပသွားသည်။ အခြားလူများ အနေဖြင့် သူမ၏ ကျင့်ကြံခြင်း အခြေခံကို ထိုးဖောက်မြင်နိုင်ရန် ခက်ခဲလိမ့်မည် ဖြစ်သော်လည်း သူကမူ အလွန် နက်ရှိုင်းသည့် ဝိညာဥ်အာရုံအား ပိုင်ဆိုင်ထားသူ ဖြစ်သည်.
“ချီပျစ်ခဲခြင်း အဆင့် ခုနစ်၊ မြင့်မြတ်သောချီ အဆင့်...”
ဝေ့ဝူယင် မထီမဲ့ပြင် ပြုံးလိုက်၏။
“ငါဒီကိုလာတာ ငါ့မိန်းမတွေ အတွက်ပဲ... သူတို့ကို ထုတ်ပေးစမ်း”
ချင်းရွှေက မျက်မှောင်ကြုတ်လိုက်သည်။ ဒေါသအရိပ်အငွေ့ အချို့မှာ သူမ၏ မျက်လုံးတွင် နေရာယူ လာခဲ့၏။ သို့သော်လည်း သူမ ဘာမှ မပြောရသေးခင်မှာပင် အကြီးအကဲ လူအိုကြီးက တည်ငြိမ်စွာ ပြောလိုက်သည်။
“ကျုပ်တို့ရဲ့ ဗဟုသုတ နိမ့်ပါးမှုအတွက် ခွင့်လွှတ်ပေးဖို့ မျှော်လင့်ပါတယ်... မောင်ရင်ပြောတဲ့ မောင့်ရင့် မိန်းမတွေက ဘယ်သူဆိုတာ ကျုပ်တို့ မသိပါဘူး...”
“မင်းက ဘယ်သူလဲ...”
ဝေ့ဝူယင်က တန်ပြန် မေးခွန်းထုတ်လိုက်သည်။ လူအိုကြီးကား အိန္ဒြေ မပျက်ချေ။ သူ၏ မျက်လုံးများက တည်ငြိမ်နေကာ လေးစားမှု အရိပ်အယောင် အချို့ကိုပင် ဖော်ထုတ် ပြသလိုက်သေး၏။
“ကျုပ်က ကျွင်းထျန်းချိုးပါ”
ဝေ့ဝူယင်က လိုက်လံ ရေရွတ်ကာ ခေါင်းတစ်ချက် ညိတ်လိုက်သည်။
YOU ARE READING
အမွေခံအပြစ်သား ( Ongoing မှီ )
Maceraအမည် - အမွေခံအပြစ်သား (paragon of sin) မူရင်းစာရေးဆရာ - KevinAscending ဘာသာပြန် - NTRL (ရိုးရာ) နိဒါန်း... ကောင်းကင်တာအိုသည် တည်ရှိနေ၏။ ၎င်းသည် မည်သည်က မှား၍ မည်သည်က မှန်သည်ကို ဆုံးဖြတ်ပေးသည်။ ကောင်းကင် တာအိုအား ဆန့်ကျင်သူမှာ အပြစ်သား မိစ္ဆာ ဖြစ...
