وابو سلطان عياله راحو عند ابو نجد بعد ما أصر عليهم انهم يفطرون عنده
افطرو وبعدين راحو لاشغالهم زياد راح يفتح المحل
وسلطان ومطلق راحو ا للعزبه
احد كتابات سلطان بعد الي صار بيومين
( ليتنِي استطيع ان احتفظ بك لي وحدي ، لأحد يراك غيري )
في طريقهم للعزبه مطلق كان يسوق وسلطان متكي على الدريشه يفكر
انتبه عليه مطلق على سلطان انه دخل عالم الهواجيس
مطلق : وش فيك
سلطان ومازال متكي على الدريشه : مافيني شي
مطلق وعيونه على الطريق : للحين تفكر فيها
سلطان : ولا اقدر افكر بغيرها بس فيه موضوع شغال بالي
لف مطلق على سلطان : وش العلم
عدل جلسته ( سلطان ) : مدري وش اقولك بس أفكاري محيوسه
مطلق بعصبيه خفيفه : اخلص علي وتكلم !!
سلطان : طيب بقولك تذكر ذاك اليوم لما ابو صيته قال لأبوي ماتشرف بنسب واحد ماضيه اسود مثل سواد اليل
مطلق : اي اذكر
سلطان : تتوقع وش كان يقصد وابوي عصب بزياده لما جاب طاري ماضيه ؛ تتوقع ابوي كان في ماضيه شي حنا مانعرفه ؟ ولا يبِنا نعرفه ؟
مطلق : مدري والله بس صار شي بالمستشفى
سلطان : وش صار
مطلق : لاتقاطع كلامي وخلني اتكلم
سلطان : طيب تكلم
مطلق : قبل ما يغمى عليك ونوديك الغرفه رحت اشوف ابوي سمعته يتكلم مع عمي ابو عبدالله وعمي ابو نجد ويقول اعرفه كيف يجيب طاري الماضي حقي و عمي ابو عبدالله قاله
والله الناس يحبون الفضايح والشر والله لو شي له مية سنه مدفون ليطلعونه من تحت الارض كنت بقولك الي سمعته لما نرجع البيت بس وضعك ماكان زين
سلطان : تتوقع وش ماضي ابوي الي مايبي احد يعرفه
مطلق : مدري بس وراه شي خطير
سلطان : طيب وش را...
مطلق قاطع كلام سلطان : لاتفكر بالموضوع حتى تبنا ندور في ماضي ابوي عشان يذبحنا مثل البهيمه
سلطان : بس ي مطلق ممكن نلقى في ماضي ابوي سبب مقنع على الي سواه ابو صيته
