I raised him.114
“အစ်မ ဆာစီးနီယာ…”
ထိုစဉ် မေက သူမ နာမည်ကို ခေါ်နေသည်။ မေ သည် ဆာစီးနီယာ ကို စစောစောကတည်းက မြင်လိုက်သောကြောင့် စိတ်ရှုပ်ထွေးနေပုံရသည်။
“နင်…”
ဆာစီးနီယာ သည် မေ ကိုကြည့်ရင်း စကားကိုပင် ဆုံးအောင် မပြာနိုင်တော့ဘဲ သူမ အနားကို သွားလိုက်သည်။ မေ့ ရှေ့မှာ မိသွားမှာ စိုးတာကြောင့် သူမ နှင့် ဗားန် တို့အား ဘေးလွတ်ရာသို့ ဦးစွာ သွားခိုင်းထားခြင်းဖြစ်သည်။ ယခုတော့ မေက သူမ အကြောင်းတွေ အကုန်သိနေပြီမို့ သူမကို ကြောက်ရွံ့ပြီး စက်ဆုပ်သွားမှာ စိုးရွံ့လာသည်။
"အစ်မ မထိခိုက်သွားဘူး မဟုတ်လား"
မေ သည် သူမ၏စိတ်ကို မစုစည်းနိုင်ဖြစ်နေသော်လည်း အတတ်နိုင်ဆုံး ထိန်းပြီးပြောလိုက်သည်။ အဘယ်ကြောင့်ဆိုသော် သူမသည် ဂိုဒေါင် မီးလောင်ပြီးနောက် ဆာစီးနီယာ ပြောခဲ့သည့်စကားကို သတိရမိသောကြောင့်ဖြစ်သည်။
"ငါရုတ်တရက် လူဆိုးဖြစ်သွားရင် ဘယ်လိုလုပ်မလဲ"
သူမ စကား၏ အဓိပ္ပါယ်ကို မေ အခုတော့ အပြည့်အဝ နားလည်ခဲ့ပြီဖြစ်သည်။ ဆာစီးနီယာ ၏ စွမ်းအားက လူတိုင်းကို ထိခိုက်နစ်နာစေနိုင်သည်။ သို့သော်လည်း သူမ ပြန်ပြောခဲ့သည့် အတိုင်း ဆာစီးနီယာ သည် ထိုသို့ပြုလုပ်မည့်သူ မဟုတ်ပေ။
ယခုလည်း ဘယ်သူ့ကိုမှ ဒုက္ခမပေးဘဲ ကလေးကို ကယ်တင်ခဲ့သည် မဟုတ်ပါလား။
"ရပါတယ်"
မေ၏ မပြောင်းလဲသော သဘောထားကြောင့် ဆာစီးနီယာ စိတ်သက်သာရာရသွားသည်။
"တော်သေးတာတာပေါ့"
မေ သည် ဆာစီးနီယာ ကို တင်းတင်းကျပ်ကျပ် ပွေ့ဖက်လိုက်သည်။ ဆာစီးနီယာ ကလည်း ပြုံးပြီး မေ ကို နွေးထွေးစွာ ပွေ့ဖက်လိုက်သည်။
"မင်းက ဘယ်သူလဲ"
အသံတစ်သံက သူတို့နှစ်ယောက်ကြားက အေးချမ်းသည့် လေထုကို ချိုးဖျက်ပစ်လိုက်၏။ နှစ်ယောက်သား တစ်ဖက်ကို လှည့်ကြည့်လိုက်ကြရာ သူရဲကောင်းများက သူမတို့အား ဝိုင်းထားကြလေသည်။
