၁၇၆+၁၇၇
အပိုင်း(၁၇၆) မန်နာ စိမ့်ဝင်တာအို ဆေးလုံး
အဖြူရောင် ကျောင်းတော်သား ဝတ်စုံဝတ်ဆင်ထားသည့် ချောမောသော လူငယ်လေး တစ်ယောက်က စိုးရိမ်မှုများ ပြည့်နေသော လေသံဖြင့် ပြောလိုက်သည်။
“မဟာ သူတော်စင်ထို့... ဒါက ရုန်းရင်းဆန်ခတ် အခြေအနေလေးပဲ မဟုတ်ဘူးနော်... ကျုပ်တို့ရဲ့ တည်ရှိမှု တစ်ခုလုံးကို ခြိမ်းခြောက်နေတဲ့ အန္တရာယ်...”
မဟာ အင်ပါယာ သူတော်စင်၏ စကားကိုပင် ဒက်ခနဲ ထောက်ရဲခြင်းကို ကြည့်ပါက ထိုလူငယ်၏ အဆင့်အတန်းက အတော်လေး မြင့်ဟန်ပေါ်သည်။
“ကျွန်မ သဘောတူတယ်”
ပိန်ပိန်ပါးပါး မိန်းမငယ် တစ်ဦးက ဝင်ရောက်ပြောလိုက်၏။ သူမ၏ ရွှန်းလဲ့နေသော မျက်လုံးများက လူငယ် ဘာပြောပြော ထောက်ခံမည့်ပံ ပေါ်နေသည်။
ကောင်းကင်ဘုံ လွှမ်းမိုးမှုများ အရ ထိုနှစ်ယောက်မှာ တာအို လက်တွဲဖော်များ ဖြစ်နိုင်ကြောင်း ဝေ့ဝူယင် ခံစားလိုက်ရသည်။
မဟာ သူတော်စင်ထို့က တိတ်တဆိတ်ပင် ခေါင်းညိတ်လိုက်၏။
“ရုန်းရင်းဆန်ခတ်မှုက ရုန်းရင်းဆန်ခတ်မှုပဲလေ... အဲဒါက အသေးအဖွဲ ဒါမှမဟုတ် ပြဿနာကြီးလို့ ငါ မပြောပါဘူး... ဒီကလေး ပြောတာကို အရင် နားထောင်ပြီး မင်းတို့ဘာသာ ဆုံးဖြတ်ကြပေါ့”
ထို့နောက် သူက ဝေ့ဝူယင်ကို မျက်ရိပ်မျက်ခြေ ပြလိုက်၏။ ဝေ့ဝူယင်က ချက်ချင်းပင် သဘောပေါက် သွားသည်။ သူတို့ နှစ်ယောက် အကြားတွင် ဝိညာဥ်အာရုံ ဆက်သွယ်မှု မရှိသည့်တိုင် ဆိုလိုရင်းကို သူ ကောင်းစွာ နားလည်ပေသည်။
သူက လက်သီးနှစ်ဖက်ကို ဆုပ်ကာ လေးလေးစားစားပင် ဦးညွှတ်လိုက်သည်။
“မူလ အင်ပါယာ သူတော်စင် အားလုံးကို ဂါရဝ ပြုပါတယ်... အရှင်တို့ရဲ့ ကျင့်ကြံခြင်းကို အနှောက်အယှက် ပေးမိတဲ့ အတွက် စိတ်မကောင်းပါဘူး... ဒါပေမဲ့ အဲဒီလို မဖြစ်မနေ လုပ်ခဲ့ရတဲ့ အကြောင်းပြချက် ကျွန်တော်မှာ ရှိပါတယ်”
“ဘာအကြောင်းပြချက်လဲ...”
အနက်ရောင် အရေပြားနှင့် အဖြူရောင် မီးတောက် ဆံပင်များ ပိုင်ဆိုင်ထားသည့် နတ်ဆိုး တစ်ယောက်က မျက်မှောင်ကြုတ်ရင်း မေးလိုက်သည်။
YOU ARE READING
အမွေခံအပြစ်သား ( Ongoing မှီ )
Pertualanganအမည် - အမွေခံအပြစ်သား (paragon of sin) မူရင်းစာရေးဆရာ - KevinAscending ဘာသာပြန် - NTRL (ရိုးရာ) နိဒါန်း... ကောင်းကင်တာအိုသည် တည်ရှိနေ၏။ ၎င်းသည် မည်သည်က မှား၍ မည်သည်က မှန်သည်ကို ဆုံးဖြတ်ပေးသည်။ ကောင်းကင် တာအိုအား ဆန့်ကျင်သူမှာ အပြစ်သား မိစ္ဆာ ဖြစ...
