كانو البنات قاعدين يسولفون ويضحكون
قامت جوري : يلا انا بروح
ملك : وين خلك
جوري : قسم نعسانه بروح اناام
ملك : اجل نوم العافيه
جوري : الله يعافيك
طلعت جوري من الغرفه وكانت بتروح لغرفتها
بس تذكرت فروه نواف وانها نستها بالغرفه الي برا
طلعت من الاستراحه بتروح للغرفه
دخلت واخذ الفروه وطلعت
وهي طالعه جذب سمعها اصوات خيول
ابتسمت لانها تحب الخيول
صح انها تخاف منهم وتخاف تركبهم لكن تحبهم
قربت للصوت ووقفت قدام الاسطبل
جوري بذهول : مره حلو!
لفت جوري يوم سمعت صوت من وراها
عند البنات
كانت ملك قاعده على جوالها والبنات يسولفون
فجاه جاها اشعار من الواتس : " السلام عليكم ، كيفك ملك ان شاءالله تمام؟ "
ملك : " عليكم السلام بخير مين معاي ؟ "
: " محمد "
ابتسمت ملك وارسلت له : " من وين جبت رقمي "
محمد : " ماعليك من وين جبته ابغاك بسالفه "
ملك : " ايش؟ "
محمد : " تعالي الحديقه الخلفيه وبقولك "
ملك : " طيب "
نزلت ملك جوالها : اء بنات انا بروح شويات وجايه
دينا : وين؟
ملك : دقايق واجي
طلعت ملك من الغرفه وراحت للحديقه الخلفيه
قعدت تدوره بس ماكان موجود
فجاه حست باحد يحضنها من ورا
لفت ملك وهي منخرشه ولقته محمد
ملك : محمد وجع! وش قلت انا
محمد : شسوي ياخي اشتقت لك
ملك : حتى لو تنتضر لما ننخطب ونملك ذيك الساعه افكر عادي او لا
محمد : طيب خليني اجي اخطبك ذلحين من ابوك!
ملك : لا
محمد : ليييه لا دام انا احبك وانتي تحبيني خلينا نتزوج
ملك : اولاً انا لساتني صغيره يعني اخلص جامعه واتوظف بعدين تعال اخطبني
عطاها الورده الي كانت بيده : ابشري ياعيوني اي اوامر ثانيه ؟
ضحكت ملك : من وين جايبها ذيي
محمد : والله مدري استراحتكم كلها ورد قطفتها من هنا
ملك : والله لو تدري عننا جدتي لاتقطف روسنا
ضحكو مع بعض : يلا اقعدي خليني اتاملك
ملك : اكثر من خمس دقايق بروح واسحب عليك لاني قلت للبنات شوي وراجعه
محمد : ياخي كله للبنات خلي شوي لي!
ضحكت ملك : خبل انت تغار منهم
محمد : بعذري كل الساعات معهم وانا المسحوب علي
عند حلويني
لفت جوري يوم سمعت صوت من وراها : مو احلى منك ببدله الرقص
تفشلت جوري وحمر وجهها ورجعت لفت للخيول
جوري : ماتستحي على وجهك انت!؟
قرب نواف ووقف جمبها
نواف : ليه حرام اتغزل بزوجتي الحلوه ؟
جوري : زوجه مين يبو! انت مصدق نفسك كثيير!
ولفت بتمشي بس مسكها نواف مع يدها
طالعت فيه جوري : خير ؟
نواف : اذا جيتي ترقصين قفلي الباب لانه لو كان واحد من العيال الي مار صدقيني بنحره!
وضغط على يدها وكمل : جوري الحركه ذي لعد تعيدينها
جوري بالم : خلاص طيب اتركني
خفف نواف الضغط على يدها وتكلم وهو يطالع بالخيول : تبين تجربين ؟
جوري : لا اخاف
نزلت جوري فروته الي كانت على كتوفه ومدتها له
نواف : خليها معاك
جوري : لا انا مو بردانه انت البسها
نواف : لا لا الجو الحين يبرد خلك لابستها
هزت جوري راسها بتمام ولبست الفروه : يلا تعالي نجرب
جوري : لا يبني وربي اخاف
نواف : مافيه شي يخوف دامني معك
مسك يدها ودخلو للاسطبل
قربو لحصانه المفضل وجلس يمسح على راسه
طالع فيها وضحك على شكلها لانها كانت متخبيه وراه
نواف : والله مايخوف تعالي عطيني يدك
مسك نواف يدها وقربها للحصان وخلاها تمسح عليه
ولما انتبه انها بدت تبتسم وتمسح عالحصان
ترك يدها بشويش
طالع نواف فيها : شفتي انه مايخوف
جوري بضحكه سعاده : نواااف مره حلووو
نواف : طيب يلا تعالي جربي تركبينه
جوري : لا ياخيي اخاف والله ما اقدر
نواف : ماعلييك انا معاك
ركب نواف اول شي وطالع فيها : عطيني يدينك
مسكت جوري يدينه وركبت عالحصان بمساعدته
جوري : اووفف نواف حلو وبنفس الوقت يخوف
طالع نواف فيها وهو يتامل القرب الي بينهم
حرفيا ماكان يفصل بينهم شي
كان كتفها على صدره وقريب منها
نواف بربكه : امشي الحين ؟
جوري : ايوه بس مو بسرعه
مشى نواف وهو يسمع ضحكاتها ومستمتع
طالع فيها وفكر شوي واسرع بالحصان
تمسكت جوري فيه وبخوف : نواف لا تكفى!
نواف : ليه لا والله حلو
جوري : ما احببب
اسرع نواف زياده وصرخت جوري : نوواااف ماااا اححببب
حضنته بقوه وهي خايفه من سرعه الحصان
طالع نواف لشكل الي بحضنه وابتسم بخفيف
همست جوري له وهي تتراجف من الخوف : نواف وقف
اسرع نواف زياده وضحك : ما اسمع
صرخت جوري : وووقققف ووووقفففف
اسرع نواف شوي بس وقف يوم استوعب ان مالها حس
وقف نواف وهي كانت لسى متمسكه فيه
نواف : خلاص وقفنا يلا انزلي
بس ماكان فيه رد من جوري
وخرها نواف عن حضنه وكان شعرها على وجهها ومغمضه عيونها
خاف نواف عليها وشالها وطلع من الاسطبل يركض وراح لسيارته
ركب وشغل السياره وهي لسى بحضنه
شغل السياره وحرك بسرعه كبيره
وكان بنفس الوقت يحاول يصحيها : جوري تكفين قومي شصار لك يابنتت
وصل للمستشفى وفك الباب يبي ينزل
فصخ شماغه وغطا شعرها به ونزل وصرخ عالممرضات : جييبو سرررير بسرررعه!!!!
الساعه ٩:٢١
قاعد عالكرسي ونايم وهي نايمه جمبه عالسرير والمغذي بيدها
وقام على صوتها وهي تناديه : نواف
فز نواف وقام لها : سمي شبغيتي ليه قمتي
جوري : وش صار شجابني هنا
نواف : اغمى عليك وحنا بالاسطبل
طالعت جوري فيه وصدت عنه
قرب نواف منها ومسك يدها : جوري وربي اني اسف ماكان قصدي اذيك وربي كنت امزح معاك وقسم ماكان قصدي
سحبت جوري يدها : وخر عني
دخل عليهم الدكتور : كيفك يابنتي
جوري : كويسه دكتور متى اطلع طفشت ؟
الدكتور : بس ينتهي المغذي رح تخرجي
نواف : اذا كانت لسى مو كويسه بنقعد زياده عادي
جوري : لا كويسه انا
الدكتور : خلاص بس يخلص المغذي وقع على اوراق الخروج
نواف : تمام يعطيك العافيه
الدكتور : الله يعافيك
طلع الدكتور ولف نواف عليها : تبين نرجع البيت ؟
جوري : لا احس فشله نرجع ومانعلمهم لا وفوق كذا هم جايين عشاننا
نواف : عادي اذا انتي تعبانه نرجع البيت واكلم ابوي
جوري : لا على الاقل نرجع نفطر معهم ونعلمهم وناخذ اغراضنا ونرجع
نواف : سمي من عيوني
طالعت جوري فيه وسكتت
طلع نواف من عندها ووقع اوراق الخروج
وخلص المغذي وطلعو
ركبو السياره ورجعو للاستراحه
دخلو للاستراحه وشافو اهلهم مجتمعين يفطرون
نواف وجوري : السلام عليكم
ردو السلام
كاسر : وين كنتو ياعيال
نواف : كنا بالم
قاطعته جوري : كنا برا برا عند الخيول
نوره : تعالو افطرو
جوري : لا انا مالي نفس نواف انت افطر
وكملت بهمس : بروح ارتب الشنطه
هز نواف راسه بتمام وقعد عالطاوله
عيسى : يابنيتي ورا ماتقعدين تاكلين
جوري : والله شبعانه يعمي بالعافيه عليكم
صعدت جوري لغرفتها
قعدو يفطرون وبعد الفطور اجتمعو بالصاله يسولفون
نواف : يلا انا بصعد انام
نوره : نوم العافيه يامي
باسها نواف على راسها وصعد لغرفته
دخل ولقاها منسدحه عالسرير ونايمه
كان بيقعدها عشان يرجعون بيتهم
لكن ماحب يزعجها وانسدح عالكنبه ونام
-
انتهى
