ضحك عايض وبدأو ياكلون وفي كل حين عايض يعازم مساعد اللي مشوش تمامًا وهو يفكر كيف يقول لأمه ولآسيا ...
استأذن مساعد من عايض بعد ما خلصوا نقاشاتهم الرجالية ..
عايض: ( بخجل شوي ) لا تنسى موضوعنا
مساعد: أفاا عليك خلال هالأسبوع برد عليك ان شاء الله
بعدها راح مساعد وهو مضطرب من كل النواحي قفلت معه حرفيًا مو قادر يستوعب اي شي صار الحين معه ..
أما بخصوص عايض ؟!!! نرجع لأسبوع زمان لـ ورا ...
............ قبل أسبوع ............
جالس على كرسي المكتب حقه يقلب في الأوراق ويختم فيها قطع شغله دخول ثامر وبيده كوبين قهوة تقدم من عايض وحط الأكواب على الطاولة وبدا يهرج ..
ثامر : اشربها لا تبرد
عايض: (وهو يشيل بيده القهوة ) مشكور ثامر
ثامر: ( وهو يركز بعايض ) عايض اللا بسألك
عايض: ( وهو يطالعه ) وش ؟! وش فيه ؟!
ثامر : ما ودك تتزوج ؟!!
عايض ؛ وش زواجه بعد !
ثامر: أقصد يعني خلاص انت واحد مكون نفسك ما شاء الله ومقتدر
عايض: والله ودي اتزوج لكن وينها بنت الحلال
ثامر: بنات الحلال ماليات الديرة وتقول وينها ، بس فيك عيب انت
عايض: ( بصدمة ) وش عيبه ؟!
ثامر: انك مرة عصبييي وتتنرفز بسهوله كيف بتتحمل زوجتك عاد
عايض: ( بثقة ) والله اللي تبيني تتحملني
ثامر : المهم لازم أشوفك معرس هالسنة وبعدها عيالك ان شاء الله
عايض: وشو انت أمي ؟!
ثامر: بلا سخافة
عايض: هههههههههههههههههههههههه.
ثامر : المهم قفطنا عمال يبيعون شيشة للطلاب اليوم الصباح مدري عنهم كم طالب خذا منهم
عايض على طول جات في باله آسيا وتغيرت ملامحه حرفيًا ..
عايض: خلاص قفطتوهم ؟!
ثامر: ايه هم الحين أقولك قفطناهم
عايض: أشواا وهم الحين عندنا صح
ثامر : ايه بالتحقيق
عايض: اممم زين أنا الحين مناوبتي خلصت بروح البيت دايخ حدي بنام
ثامر : الله معك
عايض: مع السلامة ومشكور مرة ثانية على القهوة
طلع عايض من المركز وطوالي على بيت أبوه الله يرحمه لأنه قرر يعيش عند أخوانه معهم وبنفس البيت ويكونون تحت عيونه ..
أنت تقرأ
حَـبِّـيِِت بِـنْــتُ الثَّـانَوِيَّـة 🖤!!
Ficção Geralروايتنا السعودية هذه راح تنناول فيها ... مشاعر سعودية 🇸🇦✨ هل من الممكن أن صفعات الزمن والأعداء من حولنا !! أن يكونوا سببًا في نشوء علاقة حب ؟!!! - آسيا / عايض هل الخيانه المشاعرية من قبل شخص أحببته من أعماق قلبك يمكن أن تولد حقدًا باتجاه الشخص ا...
