مـاس ل شـفاء آل سـالم
أنتَ الشخص الوحيد الذي لا أُمانع فُقدان النوم لأجلُه،
والوحيد الذي لا يُمكنني التعب مِن الحديث معهُ، والوحيد الذي يَطوف في ذِهني بأستمرار طول اليوم، وكذلك الوحيد الذي يجعلني أبتسم دائمًا مهما كان مزاجي سيئًا،
أنت الذي صعبًا عليّ أن أخسرك، لأنك ألطف جُزء في حياتي
- تتبرى مني اني ابنك علمودها
- اتبرى منك ومن الخلفوك تالي عمري ولد زعطوط يكسر كلامي
- حشا والله ما اكسر كلامك بس انته طول عمرك تخلينا احنه الي نقرر ونختار ليش هسه تسوي هيج وتجبرني شنو الي تغير
- طول عمري دللتكم ومقصرت وياكم بشي وهسه تجي انت ترد معروفي بنكران ، انت بالذات مجنت متوقعها منك تكسرني وتنزل راسي بين الناس وعمامك يا حيف بس
- والله ....
مخلاني اكمل كلامي طلع ابويه وعافني واني براسي الافكار متزاحمه طلع وعافني بين نارين نار رضا ابويه ونار حبها
صعدت لغرفتي حتى انهزم من حقيقتي وواقعي الي ارفض اعيشه رغم انه مفروض عليه لزمت التلفون وشفتها موجوده اونلاين
- مشتاقلج كلش
- العالم تسلم تكول مساء الخير هلو ع الاقل
- ميحتاج هالحجي والمقدمات غير انتي الخير كله
- اوووووي تسلملي
- ماس سؤال
- يا ستار شنو الدخول هذا
- أنتي ما راح تعوفيني مو ؟!تبقين وياي طول العمر لو شنو يصير بينه راح تبقين وياي وتحبيني صح ؟!
- شنو مناسبة هالسؤال لا تخوفني
- هسه سألتج جاوبيني
- لا ما أعوفك وابقى وياك إذا أنت تبقى تحبني وتحافظ علي وما تخوني وتسعدني وتصيرلي العوض والسند وتخاف الله بيه ليش اعوفك
- أني اسويهن الج واصيرلج كلشي بس مهما يصير ومهما تسمعين لا تصدگين غيري ولتسمعين من غيري
- اگلك صاير شي وضامه عني شكو احجيلي
- لا ما صاير شي بس جنت نايم وفزيت اثر كابوس كلش يخوف وخرب يومي وأول ما فزيت اجيت إحجي وياج وأطمن عليج
- لتخاف هو كابوس الحمد لله صحيت منه لا تفكر بي بعد حتى ليعكر مزاجك
يا ريت لو تدرين انه هالكابوس حقيقي واني احاول اخلص منه بس مدا اكدر هالكابوس راح يكلفني هوااي وراح اخسرچ بسببه
- ماكو شي يعكر مزاجي دام انتي موجودة بس ابقي وياي واني اصير بخير
- اوي هيج العطله تسوي بيك تصير حساس وعاطفي
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
