#كتمان
"....انا علاء الدين 25 سنة نخدم في شركة تقنيات... نحب الرسم..."
ضحكت وهي تشوف فيه يقدملها بروحو.... تنهدت براحة
"... أنا فتون... 20 سنة كنت نقرا طب وحبست فالعام التاني.."
"...كنتي تقراي طب وحبستي؟؟؟ احكيلي لحكاية بلا ما تخبي عليا حاجة..."
قرات في عينيه الصدق والاحساس لي جامي شفتها من قبل عندو.... والتغير الجذري هدا مخوفها...
".... كي كان في عمري 15 سنة تلاقيت بالياس.... كان في عمرو 25 سنة هداك الوقت..وهو كان يخدم عند بابا في المول تاعو..كانت أول علاقة ليا.... كنت نقول بنو هو إعجاب مراهقة ويروح... أما مع الوقت لقيت روحي متعلقة بيه وهو اعترفلي بنو نعجبو وبدأ يحبني.... عشت أجمل سنين معاه... مع انو جامي وعدني بالزواج..... أنا كنت حمارة ههه وحلمت معاه انو يجي نهار ونتزوج بيه.. طلعت للجامعة وقريت اول عام.... وبداو المشاكل كي خطبني أشرف ولد عمي.... كنت رافضة الفكرة.... وعييت نبكي ونقولهم مانيش قابلة وتحججت بالقراية.... حتى تكشف كلشي وشافتنا ختي وقالت لبابا على علاقتي بيه...
ههه هداك النهار تحطمت كي ضربني.. كانت أول مرة نحس بالألم من جيهة عايلتي... حبسوني فالدار وحددوا خطبتي مع أشرف.. هربت قداه من مرة... ههه تأمن بنو حاولت ننتحر.... اكبر وحدة جايحة كانت انا... الياس محاولش يعرف حالتي... وكنت حاسبتو بنو معلابالوش وش دارولي... في أخر محاولة كانت نهار الخطبة... نهار قلبت عليهم الدار وجبدت الموس بش نقتل خطيبي العزيز ههه... تفسخ كلشي وكامل تيقنو بنو انا مهبولة ورماوني فهداك الجحيم.... اكتر حاجة غاضتني بنو كلشي درتو على جالو مكانش يستاهلو.... ندمت والله..... "
لقاتو مركز مع كلامها وعينيه يشوفو مع كرشها..
"... علابالي حاب تعرف حكاية هادي... "
تبسمت وحطت يدو عليها.. يمكن تخليه يتقبلها... هبطو دموع من عينيها وعضت شاريها مش متبكيش...
".... مكنتش فايقة كي دارلي هكداك... نحلفلك بأعز حاجة عندك.... هئ هئ علاء سمحلي.. كأنو يضربولي منومات ويعالجونا بالتريسيتي والصدمات نص الفترة لي كنت فيها لتما مكنتش واعية... هو استغل هداك الوقت وخدا كلشي.... اغتصبني ودا شرفي وعذريتي... هئ هئ.... صح كذبت على والديا..... أما محبيتش نخسر بنتي.... معندهاش ذنب في الحكاية.. تعيش اسمحلي على ظلمي ليك.. أنت متستهلش انو تعيش حياتك معايا انا.... بالنسبة ليا انت الحاجة المليحة لي فحياتي..."
مسحت دموعها... وحكمتلو يديه لي كانو يرجفو وباردين... َشافت في عينيه بشغف خلا قلبو يخبط بزاف...
"... أنت هو حاضري ومستقبلي... ومهما صرا في حياتي مش رايحة نتخلى عليك... اكرهني اضربني... دير وش تحب مش رايحة نكرهك.. لأنك #شيطاني الملائكي.. 🖤"
هي تشوفو ملاكها... هي تشوفو بنو عبد صالح وطيب... يمكن تكون أول مرة يحس روحو مهم في حياة عبد... يحس روحو عندو هدف فالحياة... عندو عايلة... عندو مرأة تقدرو تشوفو عالمها.....
تبع أحاسيسو في هاديك اللحظة... وقرب ليها
حط راسو على كتفها.. ووجهو مقابل لرقبتها
وتنفس براحة...
هي حمارت و سخنت من حركتو الغريبة...ومع ضغط الهرمونات خلاها ترجف...
أنت تقرأ
كتمان [ مكتملة ]
Storie breviأول قصة ليا وكنت مبتدئة فيها شوية... لكن كتبتها بشغف ...بقلمي أسيل "كتمان....عندما يصبح البوح محرما .." قصة "كِتْمَانْ" قصة رايحة تخرج من كل واحدة فيكم المكبوت، مع شخصية عايشة في عالم صنعتو لروحها، برا تلقاوها كأي شخص عادي، تتصنع السعادة والف...
![كتمان [ مكتملة ]](https://img.wattpad.com/cover/354613214-64-k629921.jpg)