المشهد الأول
الساعة ال 4 الفجر
كومي زهرة ماكفاج نوم راح يأذن ما بكه وكت دكومي انه رايح للجامع اصلي
كايمة حجي كايمة روح تيسر هسه اكومن انه
ضحك الحجي وكال
عمر طويل صارالنه وماغيرتي عاداتج تحبين النوم اكثر مني يزهرة
دكومي وصليني للباب حجية دكومي ما تشبعين نوم
باجر ان شاء الله باجر تيسر وباجر انه اكومن وياك
هو هم حظي هذا طالع بوية طالع
طلع الحجي والدنيا بعدها ظلمة ميشوف زين من الظلام فتح اللايت الي لازمة بأيده وقت الفجر والهدوء يقرا الف بكل ركن بالمنطقة ماكو اي بشر
يمشي الحجي ويحجي ويا روحه
جا شبيها الودام المنطقة فارغة ماكو واحد خير يكوم يصلي بالجامع بس انه اروحن
وصل قريب ع الجامع وجان يسمع صوت بجي طفل
استوقفه الصوت وضل يدور على مصدر الصوت ومن وين ديجي والدنيا ظلمه بايده الضوا ويدور فات بالفرع صارت كدامه الزباله حشا السامع وقرب الصوت اكثر باوع
نصدم من المنظر الشافة
طفل يطلع عمره يوم واحد تقريبا ملفوف بحضانة بيضة وجهه كله دم محطوط داخل الزباله وفاحط الطفل من البجي
استغفر الله حسبنا الله ونعم الوكيل شبيها العالم تخبلت تخلف وتشمر شنو ذنبه هل طفل لا اله الا الله لا اله الا الله شلت الطفل واسكت بيه واحاجي
اسكت لا تبجي يبعد ابوك لا تخاف انه يمك حتى انته الدنيا ضالمتك وبعده عمرك يوم واحد يبوي ضل الحجي حاير وين يودي الطفل يروح ويرجع بالشارع وبيده الطفل يسكت بيه ويستغفر وين يودي لمركز شرطة حتى اهله شامري وميريدو يروح ينشمر بميتم خاف تطلع بنية وينظلم بختها يرجع للبيت وياخذه للطفل لو شيسوي ...
.
.
.
.
.
.
.
.
.
.
المشهد الثاني
طلعت من الحمام لافه المنشفة على جسمي اني ماخذه راحتي بالغرفة اكيد زوجي التحفة مايجي هو بحالي هو اني هم انحسب متزوجه وعندي رجال كله صوج الوكت الاغبر الخلاني هيج باقية متحمله وساكته بهيج ذلة وبهيج زواج زوجي ميريد هذا الزواج ! زوجي مغصوب عليه وميطيقني !! والله وكت
وين ذاك الوكت ياقوت الي لسانها مترين اكبر
وأحد ميكدر عليها والله يا الله
والله شتاقيت لذيج الايام
شلت المنشفة من شعري دامشط بشعري شلع كلبي شطوله وبلكوه ينزل هاي عود مبلل وهيج لو ناشف شلون
ما احس غير الباب نفتحت ودخل الي يتسمى زوجي
يمه عزا بعينج ياقوت راح ستري يبووو اطلع برا
شعندك هنا ليش طبيت غير تدك الباب وتستأذن ياله تفوت
الولد تصنم بمكانه وصافن ع المنظر الكدامه ماحجه ولا كلمة ولا حتى رد عليها ضل يتأمل بجمال مرته وبياضها الناصع لاول مره يشوفها بهيج وضع
شلت المنشفة الي جنت لافة شعري بيها واحاول اغطي برجليه
اني مو داحجي وياك وين صافن ترا افكسها لعيونك والله
تقرب عليه واني ارجع لورا لحد ما انلزكت بالحايط اخذ المنشفة من ايدي وذبها بالكاع
شكلتيي ؟
حجيت بتوتر :- شكلت روو .. روووح الله يخليك اطلع برا شعندك هنا
رفع حاجبه بتحدي وكال :- واذا ما طلعت شتسوين
ياقوت :-اصييح والله اصييح واخلي البيت كله يلتم على صياحي
:- صيحي يلا اذا انتِ مره
ياقوت:- شنوو شنوو تريد ليش اجيت لهنا اول تالي تجي لهاي الغرفة
:- ترا هاي غرفتي بكيفي شوكت مايعجبني اجي
ياقوت :- بس
لزم كذلتي المبللةة وبعدها عن وجهي
عيونه تتأمل بعيوني نزل نظرة على جسمي
الي كله يهتز مثل السعفة من التوتر
اطلع ليجي احد
.. شكلتي قبل شوية ..
شكللت .. والله ما كلتت شي
________________________
هلو حبايبي شلونكم اليوم نزلت الكم كم مشهد من اول قصة الي هل ايام راح انزل الكم
البارت الأول اتمنى تنال اعجابكم
احزرو شنو راح تكون احداث القصة اكتبولي توقعاتكم
