كل الامان في حُبك وكل الاماني قربك

B 35

ديم : بس عاد تغير ترا مهوب زي قبل
بيان : يوه شسالفة الصداع ناشب لناا !!
ديم : ي حبيبتي انتي توس طالعه من المستشفى ارتاحي
بيان : يوه تكفين م فيني شي بس عاد
ضحكت اميره وقالت : ايه ايه م فيها شي واضح ترا
بيان : اص اص
ديم : ايه بنات تعالوا اقولكم
بيان : وش
ديم : قعدنا انا و حمود نسولف اليوم و جينا على طاري العيال
بيان : اييه ؟؟ شقال
ديم : والله يقول بيحاول يلاقي حل للعقم
سُميه ابتسمت وقالت : يالله عسى يزوجني صقر على خير و يجمع اميره و غيث و نشوف عيال ديوم
ضحكت ديم بحنيه وقالت : امييين يااربب اميين
دخلوا نيلان و اميره وقالوا : هاه شعندكم رحنا نجيب شاي لنا
ديم : ابد اقعدي
-
اخر الليل جالسين كل وحده على همها
ديم : يلا بنات محمد جاء
اميره : فمان الله
بيان : اجل انا بطلع نتقابل ف بيت رهوم
سُميه : تم
طلعوا كل وحده ل غرفتها ، و بيان اتجهت لـ فوق
دخلت للـ غرفه و شافت خلف الي قاعد يحاول ينوم سيف ضحكت بهدوء و تكت على الباب بدون م يشوفها و قعدت تشوفهم ، عند خلف الي كان دايخ يبي ينام و ماسك سيف قال : سيف ياحبيبي نم الله يهديك
سيف : ماميي
خلف : ي ابويي انت امك بتجي نمم لا تجلطنيي
دخلت بيان و قالت : اووه شفيكم
خلف : امسكيه وراي دوام الصبح ابي اناام
ضحكت بخفوت و اخذت سيف ل عندها ، خليف يقلبي تبيه يسكت لا تقعد تقول له كلشوي نم عطه حليب و حطه ب السرير رح ينام من نفسه
قرب خلف و انسدح على الكرسي وقال : خلاص زين طفي اللمبه و نوميه
تخصرت وقالت : نعم ؟ وانت ليه ب الكرسي قم للسرير
خلف : ولدس معاس لا تخافين
بيان : ولدي معاي هاه ، زين زين اصبر علي
ضحك و تقدم ل عندها انسدح على رجولها بهدوء وقال : هالحين انا و ولدتس شرايتس ؟
ابتسمت وهي تلعب بـ شعره : قم حط راسك على الوساده وراك دوام نم زي الناس
خلف وعيونه ذبلانه واضح عليه النوم : خلني تسذا !
ضحكت و قعدت تسولف لاحظت الصمت قربت وهمست : خليف ؟ ، م سمعت له رد و شافته غارق بـ نومه ابتسمت تلعب بـشعره الحركه الي يحبها خلف و سيف الي نايم على صدرها ، و نامت وراءهم
-
عند ديم و محمد
اخذت ديم جوالها تدق على محمد ، رد عليها بكل سرعته : حمود وينك طولت !!
محمد : والله ي ديمي الشغل جدا كثيف صار
ديم : مطول يعني ولا وشو
محمد : يعيونه اصبري يمكن بعد شوي اجي و يمكن أطول
ديم : زين حاول م تطول مقدر اقعد لحالي ب بيت ذا الكبر خفت
ضحك وقال : م عليتس شي ي امي
قاطعهم صوت الجرس الي دق ، ديم : منو ذا الوقت !
محمد : اصبري انتي عاني من الشباك لا تفتحين لأحد
طلعت ديم وفتحت شباك البلكونه بهدوء و ناظرت تحت لقت اثنين من الرجال شكلهم غريب عليها دخلت و قفلت البلكونه بهدوء : حمود فيه رياجيل اثنين برا
قطب حاجبه وقال : عرفتي احد منهم
ديم : لا شكلهم غريب علي ، يمه شسوي الحين
محمد : استهدي بالله ، لا تردين ولا تطلعين صوت و ..
قاطعه صوت ديم الي باين عليها الرعب : حموود ذولا بيكسرون علي الببااب قاعدين يدقون بقوه
طلع محمد مسرع و ركب لـ سيارته : اسمعي باب البيت مقفل ؟
ديم بصوت متذبذب : ايه
محمد : طيب باب المجلس و المطبخ ؟
ديم بخوف : المجلس ايه بس المطبخ م اذكر !!
محمد : زين زين ادخلي للغرفه و قفلي الباب زين و انتبهي تطلعين صوت طيب !
ديم وهي ماسكه على قلبها بقوه : ايه طيب
محمد : زين لا تقفلين المكالمه خلتس شويات و اوصل
شهقت ديم برعب وهي تسمع أصواتهم العاليه : قلبي يقلبي يمه يمه
محمد : بسم الله عليتس و على قلبتس
صاحت ديم بخوف وقالت : حمود والله صوتهم كأنهم معاي ب الغرفه !! اعجل تكفى
محمد : ي امي اصبري والله قاعد احاول اسرع
ديم وهي تحاول تكتم شهقاتها : محمد بسرعهه !! بموت
محمد وهو يسرع : زين الحين استهدي بالله انتي م بيصير فيتس شي ان شاء الله اصبري
ديم : محممـ....
تقفل جوال ديم بـ الكامل و شاحنها الي كان بـ الصاله تحت ، عند محمد الي انرعب من تقفل الاتصال و سرع بكل سرعته لـ يوصل لها ، 20 دقيقه ب الكثير و وصل نزل مسرع و سلاحه على خصره قرب و انصدم من شاف باب البيت مفتوح دخل و شافهم سحب سلاحه و وجهه عليهم وقال بصوت حاد : انتم وش تسوون هنا جعلكم ال مانيب قايل !!
نطق واحد منهم برعب وهو يعرف شكل محمد : العميد محمد !! ايش تسوي ه..نا ؟
محمد بشده : وش اسوي هنا ؟؟ يـ ولد الكلـ#ب ذا بيتي و انتم داخلين على زوجتي جعلكم السلال !!
قرب منهم محمد و سحبهم لـ برا و تم القبض عليهم بتهمة الهجوم ، طلع وهو يركض لـ غرفتهم الي كانت ديم هناك فتح الباب وهو عنده نسخه ثانيه من مفاتيح البيت ، قرب منها بهدوء وهو يشوفها متكوره عند الباب و تبكي بكل قوه ، قرب و مسك يدينها الي كانت ترجف بقوه : خلاص ياعين ابوي هذاني جيت م صار لتس شي
ضربته على صدره وهي تشاهق وقالت : وين كنت وينك طولت قسم بالله ان حسيت الدنيا دارت علي
سحبها لـ حضنه وهو يحس ب تأنيب الضمير : ي بعد هالدنيا والله الدوام بعيد عن البيت ، والله معاد اخليتس لحالتس فـ البيت انا اسف ي ديمي !!
شدت عليه وهو تبكي : اهه قلبي طااحح من مكانه
أخذها يرفعها للـ سرير و تركها فـ حضنه : بسم الله عليتس نفداس م صار شي الحمد لله خلاص و مسكتهم الشرطه لا تخافين ياعيوني ، نامي هالحين
رفعت راسها وقالت بصوت تعبان : بتروح ؟
تنهد وقال : وين اروح و اخليتس !
ابتسمت براحه وقالت : طيب
-
اليوم الثاني تحديدا ف بيت ابو سلطان
ام فهد : بنات تعالوا ساعدوني ف الفطور
اميره : تمم جايين
بيان : وين الشاي ؟
ام فهد : بيان ي حبيبتي انتي اقعدي ب الصاله و ارتاحي م يصير تتعبين نفستس بعد
بيان : يوه ععـ..اا
قاطعتها اميره وقالت : كلام زايد م نبي اطلعي يلاا
طلعت وهي تأفأف و صادفت خلف ، ضحك وقال : وش فيتس منفسه
بيان : كل م قلت لهم بسوي شي قالوا ارتاحي طفشت
ابتسم يبوس يدينها وقال : وهم صادقين ارتاحي
بيان : اخلص منهم تجي انت !!
خلف : ايه بنطلع لس ف كل مكان عشان م يقولون خلف مو مهتم ف زوجته بعد !
ضحكت وقالت : زين تعال افطر قبل لا تروح للشركه
ابتسم وقال : مافيه دوام اليوم
بيان : اما
خلف : ايه صدز
بيان : ايه زين اقعد ابيك تاخذني العصر ل بيت اهل ريهام نبي نروح لها انا و البنات
خلف : تحت امرتس يـ عيون السيف و قلب الخلف
ابتسمت بحنيه وقالت : يوه ياخيي لا تخليني اقولها
ضحك وقال : قوليها قوليها وشو
قربت من اذنه و همست له بخفوت : احبك !!!
تخدر خلف وهو يسـمعها : ثواني عيديها ؟
ضحكت وقالت : احببكك
خلف : كثيره علي والله !! اهيمتس يادههر قلبي
قاطعهم خروج اميره وقالت : اوه متجمعين الاحباب
خلف : اووه اميرتي
ضحكت و قربت تضمه : خللييفف قلبيي اشتقت اتهاوش معااك ياخخي
ضحك يبي يجيب راسها وقال : وانا اشتقت لتس انتي !
اميره : لا كذا انا ادوخ
عضت بيان شفايفها وقالت : هيه بس عاد اغار ترا !
اميره : يوه بيون عاد تدرين ان خلف يحبتس اكثر مني
خلف : اميرتيي و دهر قلبي كل وحده لها معزه خاصه
بيان : اوريك فوق انت بس
انفجر يضحك وقال : ابد سمي
-
و عند ديم و محمد فـ بيتهم بعد الأحداث الي صارت
فز محمد على ضوء الشمس الي دخل عينه ، زفر من شاف نفسه باقي على بدلته و ديم نايمه على صدره ، فتح عيونه بصدمه من شافها نايمه و دموعها تنزل وهي مو حاسه بنفسها ، و رجفتها ، تنهد يمسح على وجهها وقال : ديمي عيوني قومي
فزت مرعوبه وقالت : ها
محمد : بسم الله ، وش فيتس يادنيتي وش فيتس تصيحين !
تمسكت ديم بيده بقوه وقالت : اصيح متى صحت ؟
محمد : وجهس غرقان دموع !! بعدس متأثره باللي صار امس ولا وش
ديم : ايه والله العظيم بعدني تحت تأثير الي صار
محمد : امشي نطلع نغير جو شوي
ديم بتعب : والله مالي خلق نفسيتي تعبانه
محمد : عشاني طيب ! امشي غيري جو شوي انسي الي صار ب الأمس
ديم : حمود وراك شغل ترا
محمد : العن ابو الشغل خله يولي !! مهوب اهم منتس اروح و اخليتس كذا ي ديم
ديم : يوه خلاص عادي رح دوامك وانا بنزل مع البنات العصريه ل بيت اهل ريهام
محمد : مانيب رايح قاعد معاتس !
ابتسمت وهي تشوف خوفه عليها وقالت : الله لا يحرمني منك ي لذة دنيتي الحلوه !!
ابتسم وقال : ي بعد حيي انتي
-
و فـ جِده فـ بيت الجده بشرى
الجده بشرى : اسماء ي بنتي تعالي انتي و اختس
اسماء : ان شاء الله يمه
تقدموا و جلسوا قبالها
رتيل : عسى ما شر يمه
الجده بشرى : اسمعي ي اسماء داقه علي حرمةً شافت نجد و تقول ابي اخطبها ل ولدي و الولد ولد خير و نعمه ، مهندس و عنده بيت و انا اشوف توافق ابرك لها ولا مصيرها طارق غيره مافيه !!
رتيل : يمه الله يهداكِ و اذا هي م تبيه !!
دخلوا عليهم نجد و أديم وقالوا : شسالفه
اسماء : تعالوا تعالوا
الجده بشرى : نجد لقينا لس ولد الحلال
نجد بصدمه : من !!
اسماء : سياف بن عبدالعزيز آل شيخ ، مهندس و الولد مب غريب علينا نعرفه و ولد خير و بركة عنده بيت و شغل و ناقصه بنت الحلال ، امه طلبتكِ من جدتكِ موافقه ؟
نجد بتوتر : بفكر يمه باقي !
الجده بشرى : إذا م وافقتي مالِك الا طارق فكري زين
فتحت عيونها بصدمه وقالت : ان شاء الله
طلعت و نطت غرفتها و أديم وراها : ادووم مستحيل !!
أديم : وافقي !! بتقعدين تنتظرين سالم مستحيل يبنتي
نجد : مابي مابي ابي سالم !! لو عرف ايش حيقول عني
أديم : والله م درا عنِك لو يبيكِ تقدم لك قبل م يجيكِ احد غيره فكري فيها
قامت نجد وقالت : بصلي استخارة اول شي بعدين يصير خير
أديم : براحتِك
-
فـ بيت ابو سعد
ريهام : يالله حييهمم
بيان : تدرين ان محد جاء الا انا و جوجي و ديم !!
ضحكت الجوهره وقالت : نبي قعده لحالنا خلهم البنوتات لهم قعده خاصه بعدين
ريهام : ما شاء الله عليكم لا يدرون بس
ديم : م عليتس م بيدرون قاعدين مع بعض هم اساسا
قربت بيان تمسك لينا وقالت : وااه ما شاء الله تبارك الله ، الله يخليها لتس و تتربى بعزكم ان شاء الله
ابتسمت ريهام وقالت : اميين يارب ، و الحمد لله ع سلامتس انتي بعد
ضحكت وقالت : اووه ، الله يسلمتس يعيوني
الجوهره : الصراحه رهوم اسمها مره يجنن
ريهام : ذوقي حبيبتي تشكين !!
ضحكت وقالت : لا طبعاااا
ديم : اف بنات تخيلوا شصار امس !!
قالوا بصوت واحد : وش ؟
شرحت ديم السالفه بكل تفصيل
شهقت الجوهره وقالت : أعوذ بالله و شلون تحملتي
ضحكت وقالت : ي حبيبتي جوالي طفى و محمد طول لي و قسم بالله شوي و يغمى علي من الصدمه
بيان : كان طلعتي صفقتيهم
ريهام ضحكت وقالت : انتي اول وحده بتصيحين
بيان : احم لا تشوهين سمعتي خليف القلب م يخلينيي !
ضحكت ديم وقالت : نعم اختي ؟؟ و حمود م يخليني بس مدري شصار ب شغله فجأه يبونه
ضحكت الجوهره وقالت : العميد عاد شدراتس انتي
ضربتها ديم على كتفها وقالت : اص هههههههههههههههههههههههههههههههههههههههههههههههههههههههههههههه
بيان : تعالي انتي ما شاء الله نجد كبرت !!
الجوهره : ما شاء الله ما شاء الله على بنتي
ضحكوا كلهم وقالت ديم بحنيه : يوه الله يرزقني
الجوهره : يوه احسدتس مرتاحه !! لو تشوفين كم مره اقوم من النوم عشان اعطيها حليبها بس !! و كم مره قمت على صياحها اهه بس
ضحكت بيان وقالت : سيوف و هو كبير باقي إذا م شافني ف البيت قام يصيح
ضحكت ريهام وقالت : الله يقويتس يعيوني
ديم : يلا م عليه الله يقويكم ويعينكم
ردوا بصوت واحد : اللهم امين
ريهام : يوه اشتقت للبنات حرام عليكم كان جبتوهم !
بيان : عاد م الومتس انا قعدت ف بيت اهلي يوم و م تحملت انكتمت قسم بالله
ضحكت الجوهره وقالت : الصراحه انصدمت من اهلتس مره ، والله م يلقون رجال زي خلف
بيان : انششهدد ، وش اسوي فيهم احد لاعب ب مخهم
اهلي م كان كذا تفكيرهم وربي مدري شفيهم
ديم : يلا م عليه اهم شي مهو زعلان
ضحكت بيان وقالت : بعد وشو والله ان تضايق مني !!
الجوهره : خلاص عاد غيروا السالفه
ضحكت ريهام وقالت : صح صح يلا
-
و انتهى يومهم بـ السوالف و الحوارات و الضحك
-
تسـريع الأحداث ..
~ بـعد اسبوع تحديداََ يوم جديد فـ بيت ابو سلطان ~
ام فهد : ي مشاري عرس اميره و سُميه باقي له ٣ ايام !! نبي نطلع نشتري لنا الأشياء الناقصه
ابو فهد : زين خذي فهيدان و روحي معاه
ام فهد : فهد مشغول مع حرمته ، ليه م تأخذنا انت
ابو فهد بهدوء : والله مانيب فاضي وراءنا مشوار مع الرياجيل بنرتب القاعه و المكان و غيرها
ام فهد : ايه زين ...
-
يُتبع
-
( اهلاََ اهلاََ ، طبعا هذا البارت نزل بسرعه مع اني كنت مخططه انزله الاسبوع الجاي بس بمناسبة دخولنا للـ 13k قارئ قررت انزله ، قراءه ممتعه لكم يـ الشّيوخ ، حفزوني بـ نجمه عشان استمر معاكم 😋❤️❤️. )