عنـد البنات
نجد : مبروك ي بنات عسى ربي يجمعكم على خير
ابتسمت اميره وقالت : امين يارب وياتس
ضحكت سُميه وقالت : و يجمعتس انتي و سويلمم
ابتسمت بضيقه وقالت : على طاريه ابقولكم شي
بيان : اسلمي ؟
نجد : خطبني واحِد من جماعة جدتي ، وانا صليت استخارة و ارتحت !! و جدتي تقول إذا م وافقت عليه بتزوج طارق غيره مافيه
شهقت اميره بصدمه : و..شوووو !!!!! نجد !!
نجد : اشبك
ضحكت سُميه بسخريه : مهب شي جديد اخوي و حظه ، المهم مبروك الله يتمم لس على خير
نجد بهدوء : سُميه لو سالم يبغاني صدِق كان خطبني قبل لا يجي احد غيره فرصه و راحت اسفه والله
بيان : المهم م نبي نخرب الروقان الكل مستانس ل سمسوم و أموره خلونا زي م حنا تكفون
زفرت ود وقالت : ناقصنا اهم شخص
ديم : ريهاميي يحياتي هي م تقدر تجي
نيلان : تشوفين قهر !!
غيداء : بنات اسمعوا ترا روضه بتجي للعرس
اميره و سُميه بصوت واحد : عرسنا !!!
ضحكت الجوهره وقالت : بسم الله خرعتوا اخت زوجي !! شوي شوي
ضحكت غيداء وقالت : ايوا عرسكم
ديم : هالله هالله لازم اكشخ من كل قلبيي
ضحكت بيان وقالت : غدو حبيبي علمينا روضه بعدها تبي محمد ؟؟ ولا نسته
غيداء : الصراحه بعدها تبيه بس قلنا لها تنسيه عاد مدري عنها أصرت انها تجي للعرس ، انتبهوا عاد و حاقده على ديم مره و على جوجو يوم هاوشتها
الجوهره : يويلي هههههههههههههههههههههههههههههههههههههههههههههههههههههههههههههه
بيان : اف جوهرة الذيب م تخخااف من اححد !!
الجوهره : اهه بس لبى الذييبب يناس
غيداء : اووه جوجو م عرفتتسس
ضحكت اميره وقالت : خفيفه يناس !!
طلعت سُميه وهي تضحك و صادمت صقر الي يلعب بـ جواله ابتسم وقال : يازين الضحكه الي ترد الروح
ابتسمت سُميه بخجل وقالت : صقير وش تسوي هنا ؟
صقر : ابد رايح اخذ لي الشاي ، بعدين تعالي الكشخه ذي لـ من ؟
ضحكت وقالت : فكر فكر لـمن ؟ من لي غير صقّـوري ؟
صقر بـ ابتسامه : يويل قلبي منتس يـ ام العيون السود !
سُميه بـ إعجاب : حبيت حبيت اللقب
ضحك وقال : حبيتي اللقب بس ؟ انا حبيتس انتي ي بنت مشاري لعبتي بحالي
ابتسمت وقالت : صدقني نفس الشعور يـ ولد عمّار
ضحك وهو هايم فيها و ف طريقة كلامها : ياروحح ولد عمّار !!
ضحكت و صدت تكمل طريقها و م لمحت قدامها الا خلف و النادر ، شهقت بصدمه و م عرفت وين تهج من كله جهه طالع لها احد ، همست بصوت خفيف وهي تشوف سعود : سسعوود سعودد
و سعود الي كان فـ عالم آخر و لا سمع لها ، لمحت صقر من بعيد و جلست تأشر له يرجع ، تقدم لها لين وصل وقال : وش فيتس توني رحت عسى ما شر ؟!
سُميه : يوه صقير انحشرت كنت بمشي لل مطبخ و لقيت خلف و خويه و يوم جيت بروح المجلس لقيت سلوم و خويه قعدت اكلم سعود و م سمعني
فتح عيونه بذهول وقال : وش يعني بتطلعين كذا !!
سُميه : لا ي الخبل جب لي شي اغطي نفسي
ضحك وقال : طيب طيب اصبري
-
~ عند بيت ابو سعد ~
ريهام الي كانت زعلانه لأنها م بتقدر تروح لـ العرس ، و قاعده تشوف أهلها يجهزون و يرتبون ، قرب منها فهد وقال : الحين ذا كله عشان وشو ترا عرس لا تبالغين
ريهام عبست بـ ملامحها وقالت : فهود وش الي لا تبالغين عرس اميره و سمسوم ذولا خواتي و أكثر !! و بعدين بقعد فـ البيت لحالي امي و ابوي و سعد كلهم طالعين
ابتسم وقال : وانا وين رحت ؟
ريهام : وانت مع اهلك
ضحك وقعد جمبها يقول : اروح مع اهلي و اخلي زوجتي ؟
زفرت بهدوء وهي تحط راسها على صدره : ايه عرس اختك و عمتك اكيد بتروح
فهد وهو يلعب بـ شعرها : زين واذا عرس اختي و عمتي مهوب لازم اروح بقعد معاتس ليه اخليتس وانتي زعلانه
ريهام : فهد !! والله م تقعد بتروح غصب عنك
ضحك وقال : لا تحلفين ي حرمه !! بقعد عشانس ترا شبلاتس انتي
سكتت بـهدوء وهي تتخيل لو قعدت فـ البيت لحالها و صار لها زي الي صار لـ ديم وش بتسوي و الكل مشغول : اقولك خلاص العرس باقي له ٣ ايام ورانا مشوار
ابتسم وقال : ايه زين بكيفتس
ريهام : وراك م تروح تتجمع مع العيال دام الكل متجمع ف بيتكم هالحين
حك شعره يفكر وقال : هالحين اهلتس كلهم عندنا ورا م تجين البيت ؟
ريهام : وين فهيد مقدر والله
فهد : و الحين وش يعني اروح و اخليتس لحالتس ؟
ريهام بهدوء : ااء بكيفك
ضحك وقال : وش بلاتس ي الخوافه !
ريهام : يوهه خلاص عادي رح
انسحب يقوم وقال : هذاني راييح !! اخر كلام !
عضت شفايفها بتوتر وقالت : يوه خلاص تعال
انفجر يضحك وقال : سحبتي كلامس ف خمس دقايق هاه علميني وش مخوفتس
ريهام : تذكرت سالفه صارت مع زوجة محمد
ضحك وقال : وش يصير لتس و الفهد معاتس يـ ريهامه
ابتسمت بحنيه وقالت : اي بالله وش بيصير لي دام الفهّـدي معاي بعد رب العالمين !
ابتسم وهو يبوس بنته لينا وقال : بتطلع جميله زي ابوها
ضحكت ريهام وقالت : نعم ؟؟ بتاخذ الجمال كله من امها يلا بس
ضحك وقال : جمالتس انتي يكفي يـ ام ليناا
ابتسمت وقالت : يحبيبي يـ بو ليـ..
قاطعهم صوت الجرس الي دق ، لبست ريهام طرحتها وقالت : منو جاء ؟ فهيد رح افتح
قام فهد و اتجه لـ برا المجلس و فتح الباب و صادف موظف ماسك بوكس : تفضل اخوي ؟
الموظف : هذا بوكس جاي لـ ريهام بنت آسير ممكن تعطيها ؟
عقد حاجبه وقال بهدوء : عفوا بس من منو ؟
الموظف : مكتوب سلطان آل محمد
مسك البوكس و أخذه لـ داخل و حطه قدام ريهام وقال : يقول ذا لتس من عند سلطان
قطبت حواجبها وقالت : سلطان ؟؟
جلس فهد بـ الكرسي على اعصابه وقال : هالله هالله
قربت ريهام و بطلت البوكس ، فتحته و لقت فروه لونها رصاصي و مكتوب عليها من وراء بـ خط كبير ~ ريهام السلطان ~ ضحكت بذهول وقالت : يحياتييي
قطب فهد حواجبه وقال : ايوا كملي ؟
ابتسمت تجرب تلبسها و لفت وقالت : تجنن !! شرايكك
فهد : ايه م عليتس تجنن
و الفروه الثانيه لونها بُني على ابيض مكتوب عليها
~ ريهام الفهد ~ ، ابتسمت وقالت : وايي شف م نسانا ريهام الفهد !!
فهد وهو يحاول يكسر عصبيته : طيب حبي خلصتي ؟ علميني هالحين من ذا سلطان وليه مرسل لتس ذولا !!
ريهام : فهد !!
فهد : هاه
ريهام : شفيك م عرفته ذا خالي سلطان
فهد : وشو ؟؟ منجدتس انتي
ريهام ضحكت وقالت : ايهه !! وانا احسبك تدري ، والله يـ انك غيور طلعت تفكيرك وين طار
فهد : ريهام السلطان اجل هاه
ناظرته وقالت : م عجبك ؟
فهد : لا م عليتس عجبني يـ ريهام السلطان
ضحكت وقالت : تعديل بس * الفهد * مب السلطان
ابتسم بهدوء وقال : ايه زين اهم شي متذكره انتس ريهام الفهد مب السلطان
ضحكت وقالت : حبيبي م عليك م انسى انا
-
ف بيت ابو سلطان تحديدا عند العيال
صالح : مبروك صقر و غيث عسى ربي يتمم لكم على خير
ابتسم غيث وقال : الله يبارك فيك يارب
صقر : الله يبارك لك ، عقبالك أن شاء الله
ضحك صالح وقال : بدري بدري
سالم : تعال انت تعال نطلع نشم هواء
صالح : مشينا
طلع صالح و وراءه سالم عقد حاجبه وقال : سلوم شبلاك ؟ م حسيتك مستانس
سالم : صلوح احس فيه شي بيصير !
صالح : مثل وش
سالم : مدري والله مدري من اليوم قلبي مهوب مرتاح
صالح : تعال تعال م فيه شي ان شاء الله
سالم بهدوء : ان شاء الله
-
بـ بيت ابو ضاري
ام روضه : روضه ي بنتي
روضه : سمي يمه
ام روضه : انا رايحه بيت ابو سلطان الكل متجمع و الود ودي ابارك ل سُميه و اميره
روضه : بجي معاتس يمه
ام روضه : منتي جايه !! تروحين تتهاوشين انتي و البنات ذي الحركات مابيها
روضه : يمه !! غدو هناك بقعد وياها
ام روضه بهدوء : استغفرالله العظيم ، اللبسي و خلصي !
روضه : تمم
طلعت روضه لـ غرفتها ، و لبست لها فستان لونه وردي فاتح ماسك على الجسم ، مع اكسسوارات لونها فضي و تركت شعرها مفتوح و لبست كعب لونه وردي غامق
نزلت و هي تحط عبايتها وقالت : يمه خلصت
ام روضه : زين مشينا اخوتس برا
-
فـ بيت ابو سلطان تحديدا عنـد البنات
ديم : يوه والله اني متحمسه لعرسهم
ضحكت اميره وقالت : يمه تكفين وانا خايفه
بيان : ب تخافين و بعدين خلاص تنسين كلشي
اميره : ان شاء الله خير
دخلت غيداء وقالت : بنااات
الجوهره : وش فيتس بسم الله !
غيداء : روضضه جتت
شهقت ديم ب صدمه : يويلييي لا تشوف حمود !
الجوهره بـ ثقه : خلها تجي وش بتسوي يعني
غيداء : ااء صدق ؟ مو بعدين يصير شي
بيان : اقول مشينا حنا ل برا
الجوهره : مشيناا
ضحكوا و طلعوا كلهم وراء بعض للـ صاله ، تقدموا و لمحوا روضه الي تسلم على الحريم ، و اعتلت الأصوات بينهم بـ أقوال ( طليقة محمد ! ، ذي روضه ؟ ، ما شاء الله وش زينها معقوله ذي طليقته ! )
ديم بهدوء : الله يصبرني
تقدمت روضه لهم و بدأت تسلم عليهم ، مدت يدها لـ الجوهره وقالت : روضه
ابتسمت الجوهره بقرف وقالت : الجوهره
قاطعتها روضه و ضحكت بـ استفزاز : انتي زوجة الذيب ؟؟
قطبت حواجبها وقالت : ايه ، ثاني شي اسمه ذياب مب الذيب تفهمين ولا ! تقولين الذيب اقطع لسانتس
صدت روضه و مدت يدها لـ بيان وقالت : اكيد انتي ريهام ؟
ضحكت بيان وقالت : لا ! بيان
روضه بذهول : اووه ، ام سيف
ابتسمت بيان وقالت : ايوا
صدت تستغفر ومدت يدها لـ ديم ، ضحكت ديم و م مدت يدها وقالت : م يحتاج ؟ ديم المحمد !
روضه بصدمه : وش المحمد !! ترا اسمتس ديم بس م يحتاج تحطين اسمه
ديم : ونتي شدخلتس زوجي صح ! احطه اسمه وين م ابي تفهمين ؟
ضحكت و مشت هي و غيداء للمجلس و طلعت ديم بـ عصبيه و اتجهت للحوش و البنات وراءها
ديم : قالت وشو م يحتاج تحطين اسمه نعمم خييير
انفجرت بيان ضحك وقالت : ديمو هدي يعيوني
ديم : اهه اهدي وششوو بيون انتي شايفتها إذا من الحين كذا اجل بعدين وش بتسوي !!
ضحكت الجوهره من عصبيتها وقالت : استهدي بالله ي بنت وش فيتس !
ديم : صبرك ي ارض
طلعوا روضه و غيداء للـ حوش عندهم ، اعتلت ضحكات روضه لـِ تلفت نظر البنات قربت وقالت : شبلاكم حول ديم لايكون انرفع ضغطها لا سمح الله ؟
الجوهره قربت منها وقالت ب عصبيه : روضه يمين بالله ان م تلزمين حدودتس ان اوريتس نجوم الليل في عز الظهر ! تفهمين ولا
م حسوا الا بخروج العيال مِن المجلس
بيان : قصروا حسكم انتم بعد ! و انتي اذلفي عند غدو
الجوهره : والله ما تقعد مع اخت زوجي تذلف عند امها زي م جت معاها
دق جوال ديم فجأه و عم الصمت بينهم ، رفعت ديم جوالها و كان محمد الي داق عليها ، انسحبت ترد عليه وقالت : بنات شوي و بجيكم
رفعت الجوال و قال محمد : ديمي ؟
ديم بهدوء : لبيه
محمد : تعالي للمطبخ سريع
ديم بـ تعجب : زين جايه
مشت و دخلت للصاله ثم اتجهت للمطبخ
لمحت محمد الي واقف معطيها ظهره ، دخلت و قالت : هاه حمود جيت
لف عليها بهدوء قطب حاجبه وقال : وش فيتس معصبه
ديم بقهر و غصه نطقت : اهه ي حمود روضه موجوده !! ذي تبي تسوي شي من جت وهي تبي تستفزني و ناويه عليك ! قسم بالله خربت ابو جوي
ضحك محمد بذهول و مسك يدها الي كانت ترجف وقال : ي ابوي انتي ليه ذا كله خلها تولي ! هي تسوي كل ذا عشان ترفع ضغطس و المفروض انتي الي ترفعين ضغطها نفداس مب هي
اخذت نفس و زفرت بهدوء تقول : واذا شافتك ؟
محمد : واذا شافتني ؟ وش بتسوي متزوج و مكتفي ب زوجتي لا تخافين ياعين محمد انتي !
ابتسمت بحنيه وقالت : ي حبيبي والله
ابتسم وقال : ها لا اشوف احد مزعل الديمي !
ضحكت وقالت : ابد ابشر
ضحك و انسحب يمشي للمجلس و انسحبت هي بعد .
-
بـ الحوش تحديداََ ، متجمعين كلهم الحريم ، و البنات و بينهم مسافه من العيال و الرياجيل ، م حسوا الا بصوت طق الباب ، قام سعود يفتح الباب قطب حاجبه و رد السلام : عليكم السلام ؟
ابتسم زايد وقال : سعود ؟ ما شاء الله كبرت
سعود : اصبر انت خال بيان !
ضحك زايد وقال : ايه معاك زايد
سعود : يهلا والله اقلط
ابتسم زايد و دخل وراء سعود وقال : سعود إذا م عليك ناد لي بيان شويات
سعود : ابد ابشر
رفع سعود جواله و دق على اميره تعلم بيان ان تجي ، تقدم سعود و قعد جمب خلف ، خلف ب تعجب : وش يبي ؟
سعود : زايد ذا شكلك انت بعد م عرفته خال حرمتك !
ضحك وقال : اي بالله نسيته ، ايه عسى ما شر
سعود : يبي يشوف بيان
زفر خلف وهو يشوفه من بعيد : يبي بيان بعد
سعود : لا عاد خليف
اشتعلت النيران بـ داخله وهو يشوفه يضمها ، و يبوس راسها بـِحُب ، ماسك الفنجان بقوه لين كسره بدون م يحس
سعود بصدمه : خللففف ي الوسخخ يدك !!
خلف ناظر يده الي تنزف و قال سعود : والله ولعبت فيك الغيره ي خليف خالها ترا !
خلف : ها ؟ من قال اني غرت هالحين م حسيت بنفسي
سعود : ايه ايه ، قم قدامي لف على يدك
-
( هلا والله بـ الشيوخ ، معليش البارت هالمره قصير و م عندي وقت اطولهم مشغوله ب الاختبارات و غيره اعذروني ، قراءه ممتعه 💙💙. )
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
