نرجع للمستشفى وبالتحديد عند الشخص اللي ما يعرفونه
عند الاستقبال تكلم ذياب وهو يدور بعيونه في غرفة الطوارئ عنه: السلام عليكم
الممرضه: وعليكم السلام، تفضل؟
ذياب: قبل ساعه يبت واحد مسوي حادث، يلبس لبس رياضي!
سعود: يقصد الدراجات الناريه
الممرضه: المريض نقلوه لغرفة ثانيه بعد الاستفاقه، تفضلو معاي
ومشو وراها وهي تدلهم على الغرفه واول ما شافته طاح منها الدفتر اللي تكتب فيه ملاحظات المرضى وقالت: خالي!!
انصدمو ذياب وسعود وقالو: خالك؟؟
الممرضه: يمه فارس، خالييي
فتح فارس عيونه من سمع صوت بنت اخته وقال: عيون فارس
قررو ذياب وسعود انهم يتركونهم على راحتهم ولكن استوقفتهم يد فارس الي مسك البلوفر حق ذياب وقال
فارس: لحظه لو سمحت
التفت ذياب مع اخوه ووقفو وقال ذياب: امر اخوي؟
حاول فارس انه يقوم ولكن بسبب الرضوض فكانت القعده صعبه عليه وساعده سعود: ذياب انتبه له، بشوف الدكتور له
طلع سعود بعده طلعت الممرضه وبقو ذياب وفارس في الغرفه وقرر فارس يكسر الصمت
فارس: ذياب صح!
ابتسم ذياب وقال: هيه ذياب بن مشعل
فارس وبنفس ابتسامه ذياب: والنعم يا ولد مشعل، فارس بن صقر آل سعود معاك
انصدم ذياب من اسمه ولكن لبس قناع الاستنكار وقال: ينعم حالك ماعليك زود يا فارس
فارس: بس ابي اعرف كيف وصلت للمستشفى يا ذياب؟؟
سحب ذياب له كرسي وجلس عليه وقال: والله يا طويل العمر، كنت رايح حق ربعي ولما قربت اوصل شفتك وانت تسوي الحادث اللي الله لا يعيده يا ريال
فارس وهو يحاول انه يتذكر شي وقال: تلفوني؟؟ اغراضي؟؟
ذياب: معاي لا تخاف وعلى فكره كنت ادق على حرمك بس ما ترد ولتلفونك مافيه جرج
تنفس فارس من عرف انها ما تعرف باللي استوى له وقال: والله ان قلبها يوقف قبل لا املج عليها
ذياب بصدمه: خطيبتك؟؟
ضحك فارس على ردت فعله وقال: هي خطيبتي يالحبيب ليش؟؟
ذياب بفشله: لا يعني خطيبتك وكاتب لها حرم فارس؟؟
فارس: ههههه العاده موجوده عندنا ما في اي خصوصيه بيننا عشان جي
دخل سعود وهم يضحكون وقال: الحمدالله امورك طيبه يا..
ابتسم فارس حق سعود وقال: فارس
أنت تقرأ
ياأجمل روايات هالدنيا ابشكي لك
Художественная прозаاول روايه لي كمبتداء اتمنى تدعموني في يوم ميلادها ال20 واثناء نزولها من الدرج تسمع جدتها تتكلم مع أحد عن موضوع يخصها هذا انت.. وأنا اقول منو إلي مسكر علي؟ شوي شوي بسم الله... الناس تقول صباح الخير أول؟ يا بنتي ابي اكلمج بموضوع خاص ما اقدر الحين أبو...
