အပိုင်း(၄၄၁)
ဝမ်...
တိုက်ပွဲစတင်ရန် အချက်ပေးသံ ပေါ်ထွက်လာသည်နှင့် လူငယ်လေးက မတုန့်မဆိုင်းပင် အကာအကွယ် ကျင့်စဥ်ကို အသက်သွင်းလိုက်၏။ ကြယ်တာရာ အင်အားများမှာ အကန့်အသတ်မဲ့စွာ စီးထွက်လာကာ သူ့ခန္ဓာကိုယ်ကို လိပ်အခွံ တစ်ခု သဖွယ် ဝန်းရံသွား၏။
ဤကဲ့သို့ တိုက်ပွဲမျိုးမှာ တစ်ကွက်နှစ်ကွက် အတွင်းမှာပင် လူတစ်ယောက်၏ ကံကြမ္မာနှင့် အသက်ကို ဆုံးဖြတ်ပေးနိုင်ကြောင်း သူ သိရှိပြီး ဖြစ်သည်။ ထို့ကြောင့်ပင် လျှို့ဝှက် ဆန်းကြယ်သည့် ပုဂ္ဂိုလ် တစ်ဦး သူ့အား လာရောက် သင်ကြားပေးခဲ့သည့် အကောင်းဆုံးသော အကာအကွယ် ကျင့်စဥ်ကို သူ အရင်ဆုံး ထုတ်ဖော်လိုက်ခြင်း ဖြစ်သည်။ ထိုအရာက သူ၏ အဖိုးအတန်ဆုံး ဝှက်ဖဲများထဲမှ တစ်ခုလည်း ဖြစ်ပေသည်။
ရွှင်း...
တစ်ချိန်တည်း၌ ဆေဘာသံက လူအားလုံး၏ နှလုံးသည်းပွတ်များကို လှီးဖြတ်ကာ ထွက်ပေါ်လာ၏။ ခြေတစ်လှမ်းရှေ့သို့ တိုးရုံဖြင့် အယ်ဗန်မျိုးနွယ်မှာ ဆေဘာ အင်အားအဖြစ် ပြောင်းလဲသွားကာ ဆေဘာ ရည်ရွယ်ချက်မှာ ရိုင်းစိုင်းစွာ တောက်လောင်လာ၏။ သူမ၏ အင်အား အလုံးစုံက ဆေဘာဓားသွားထိပ်တွင် စုစည်းသွားသည်။ ထို့နောက် သူမက ဓားကို ဒေါင်လိုက် ခုတ်ချလိုက်လေတော့၏။
လူငယ်လေးက အံကို တင်းတင်းကြိတ်ကာ ကြယ်တာရာ အကာအကွယ်ဖြင့် တောင့်ခံလိုက်၏။ သို့သော်လည်း သူ့လုပ်ရပ်များက အချည်းနှီးပင်။
ဝှစ်...
မျက်တောင်တစ်ခပ်စာ အတွင်းမှာပင် ထက်မြိသော ဓားသွားတစ်ခုမှာ သူ့ လိပ်ခွံအတွင်း တိုးဖောက် ဝင်ရောက်လာသည်။ စူးရှရှ သတ္တုခတ်သံနှင့် အတူ အလင်းတန်း တစ်ခုမှာ မျက်စိကျိန်းမတတ် ပေါက်ကွဲသွား၏။
ထို့နောက် အယ်ဗန်မျိုးနွယ်မှာ ဆေဘာဓားနှင့် အတူ လူငယ်လေး၏ နောက်ဘက် မီတာတစ်ရာခန့် အကွာတွင် ပြန်လည် ပေါ်လာခဲ့သည်။
"..."
ဝေ့ဝူယင်က ခေါင်းကို ခါလိုက်၏။ ဆေဘာရည်ရွယ်ချက်မှာ ဓားရည်ရွယ်ချက် မဟုတ်ချေ။ သတ်ဖြတ်ရန် တစ်ခုတည်း အတွက် မွေးဖွားလာသည့် လက်နက်မျိုး ဖြစ်သည်။ ဓားများတွင် အဆုံးမဲ့သည့် တုန်ခါမှုများနှင့် အပြောင်းအလဲများ ပါရှိသော်လည်း ဆေဘာကတော့ ထိုမျှလောက် မရှုပ်ထွေးချေ။ သူ ကျင့်ကြံသည့် နည်းလမ်း၏ နာမည်ပင်လျှင် “ဆေဘာ” တစ်လုံးတည်း ဖြစ်သည်။
YOU ARE READING
အမွေခံအပြစ်သား ( Ongoing မှီ )
Приключенияအမည် - အမွေခံအပြစ်သား (paragon of sin) မူရင်းစာရေးဆရာ - KevinAscending ဘာသာပြန် - NTRL (ရိုးရာ) နိဒါန်း... ကောင်းကင်တာအိုသည် တည်ရှိနေ၏။ ၎င်းသည် မည်သည်က မှား၍ မည်သည်က မှန်သည်ကို ဆုံးဖြတ်ပေးသည်။ ကောင်းကင် တာအိုအား ဆန့်ကျင်သူမှာ အပြစ်သား မိစ္ဆာ ဖြစ...
