အဆုံးမဲ့တာဝန် - [ Endless Responsibility ]

Chapter - 0

Endless Responsibility
Chapter — 0
အဆုံးမဲ့တာဝန်
အပိုင်း — ၀

မှောင်မိုက်တိတ်ဆိတ်လှတဲ့ညရဲ့အေးချမ်းမှုကိုမြင်းခွာသံများကဖြိုခွင်းသွား၏။ကောင်းကင်ကိုတော့ကြက်သွေးရောင်လမင်းကြီး၃စင်းကကျက်သရေဆောင်နေသည်။လေဟာပင်လယ်ပြင်အပေါ်ကနေလျှပ်ပြေး ၊ တောင်ကြားတွေကိုလျှိုဝင် ၊ သစ်ပင်တွေကြားဖြတ်တိုက်ပြီးအရာအားလုံး၏စတင်ရာ ဖြစ်တဲ့ ၊ (moonless)လမိုက် မြို့ကိုချီတက်လာလေ၏။

“ဒီဟာကလမိုက်မြို့...”

လူတစ်ယောက် ၊ မြင်းကိုဒုန်းနှင်ပြီးစီးလာရာမှရုတ်တရက်ဇက်ကြိုးကိုအတင်းဆွဲပြီး လမိုက်မြို့အဝင်ဂိတ်ရှေ့မှာရပ်လိုက်သည်။သူ့ပုံကခရီးသွားတစ်ယောက်ဖြစ်ဟန်တူ၏။

လမိုက်မြို့အဝင်ဂိတ်ရှေ့တွင်တော့အစောင့်နှစ်ယောက်ဂိတ်တိုင်တဖက်တချက်စီတွင်ရှိနေသည်။ခဏကမြင်းဒုန်းစီလာသောလူသည်မြင်းပေါ်မှဆင်းပြီးညာဖက်အစောင့်စီသို့အရေးတကြီးမေးစရာရှိပုံနှင့်ဦးတည်သွား၏။

“ဒီဟာကလမိုက်မြို့ဟုတ်လားဗျ”

ခရီးသွားသည်အစောင့်ရှေ့ကိုရောက်သည်နှင့်တုံ့ဆိုင်းခြင်းမရှိမေးစရာရှိသည်ကိုမေးချလိုက်သည်။

“ဂိတ်ခေါင်းစည်းမှာရေးထားတယ်လေ”

အစောင့်ကဒီလူကြောင်တောင်တောင်နဲ့ဟူသောအကြည့်မျိုးနှင့်ပြန်ဖြေ၏။

“မြင်တယ်လေ။သေချာအောင်အတည်ပြုကြည့်တာ
ဟုတ်တယ်ဆိုရင်လည်းခွင့်ပြုပါအုံး”

ခရီးသွားသည်မြင်းစီသို့တဖန်ပြန်လှည့်သွားသည်။ထို့နောက်မြင်းကိုစိုက်ကြည့်ကာပွတ်သက်ရင်းပြောလိုက်၏။

“ငါတို့ဒီလမ်းခရီးရဲ့တဝက်ကမှစသိခဲ့ကြတာဆိုပေမဲ့ ၊ မင်းငါ့ကိုခရီးတစ်ခုအောင်မြင်စေခဲ့တယ်။ငါဒီကျေးဇူးကိုမမေ့ပါဘူး။လောလောဆယ်တော့ငါ့မှာကိစ္စလေးတွေရှိသေးတာမို့...ဖြစ်နိုင်ရင်ငါမင်းကိုကျေးဇူးဆပ်ဖို့ထပ်တွေ့ချင်ပါသေးတယ်”

စကားဆုံးသည်နှင်ခရီးသွားသည်မြင်းကိုဇက်ကြိုးဖြေပေးလိုက်ပြီး လမိုက် မြို့ထဲသို့တစ်ချက်မျှနောက်လှည့်မကြည့်ဘဲဝင်သွားလေသည်။