ذكريات مبهمة

بارت 8

نمشيو عند نجمة لي شادا الطريق بسرعة رهيبة،مفيكسيا عينيها على نقطة وحدة وصدرها كايطلع ويهبط بالجهد،كاتنهج وكاتزفر بعصبية،بقات كاتغوت وكاضرب فالڤولون: لاااا مايمكنش،اش هادشي اسيدي ربي،علاااش هو بالضبط علااااش،علاش ضعافيت قدامو وماقدرت ندير والوووو علاااااش علااااش،هبطت من عينيها دمعة لا إراديا،مسحاتها بالزربة وعينيها عامرين كراهية:مايستاهل حتى دمعة,باراكا غي القدييم،كانواعدك أ عادل الإدريسي غادي تعيش كتر من داكشي لي خليتيني نعيش غير بلاتي،غادي نخليك ترغبني باش نرجع ليك.
تنهدات باش تهدن راسها،وكملات طريقها للدار،فالطريق صونات على يمنى

يمنى:ألو صحيبتي

نجمة: مشيتي ما وليتي،فيينك؟؟

يمنى:غي سكتي كون سحابلي ما نمشيش

نجمة:مالكي شواقع؟

يمنى: عيطولي من الشركة على ود شي حوايج،ساليتهم فدقائق وجيت راجعة لعندك،تلاقيت مع واحد وجه النحس فالطريق خرجلي من الجنب ضربلي طوموبيل،ولكن صراحة بوݣوص خخخخخ

نجمة:قاعيدتك هي قاعيدتك عمرك تبدلي

يمنى:ختي زين حبو مولانا هههخخخ

نجمة:شنو درتي فالطوموبيل؟

يمنى:اممم ديتها تقاد ورجعت ف طاكسي للدار

نجمة:أنا شادة الطريق للدار

يمنى:بحالا تعطلتي قبييلا سالينا؟

نجمة:اه طراو شي حوايج باش تعطلت

يمنى:أش طراااا؟؟

نجمة: ماشي مهم،يلاه بسلامة،وقطعات فاش شافت راسها وصلات للدار،نزلات ودخلات مالقات حد، طلعات لبيتها دخلات للدوش ديريكت، ماهي إلا دقائق حتى خرجات وبدات كاتنشف فشعرها فالمراية،لبسات حوايجها ولبسات عبايتها من الفوق وشال،فرشات الصلاية وصلات صلاتها وسالات بدات كادعي باش ربي يوفقها ، هزات القرآن بدات كاتقرا شوية، سالات، حيدات شال والعباية،وتكات فبلاصتها ونعسات.

داز الليل و وصل الصباح،فاقت على ضوء الشمس لي داخل من السرجم،تبسمات وناضت بنشاط داخلة للطواليط،خرجات لبسات حوايجها و هزات تيليفونها وهبطات،سولات الخدامة على نجمة و أيمن.

نور:واش خدامين حتى اليوم؟

الخدامة:اه خرجو فالصباح كيف ديما

نور:امم صافي،وفريد؟

الخدامة:مابانش ليا خارج،يمكن مازال ناعس