عائله صغيره تعيش في منطقه ريفيه وحسب النعرفه المناطق الريفيه يسودها طابع العشائري يعني كل ارض زراعيه يسكنها عائله كبيره تتكون من عدت بيوت متقاربه يسكنها الجد والعام وأبنائهم بس عائلتنه غريبه عنهم لانعرفهم ولا يعرفونه بس كل البيوت تقريبا يتشابهون با...
طلعت ويه طرت الفجر ادور بيت للأيجار انكل بجدامي نكل اول مره احس نفسي تايه وحيد ماعندي سند كمت ابجي واني الزلمه المشروب افتر بمناطق مشايفتها ولا اعرف اسمها تكسرت اسأل اهل المحلات المفتحين على باب الله الغبشه ماكو بيوت رخيصه والرخيص عباره عن خرابه كمت امشي وهناك وسمعت صوت الديج وتذكرت عربنه وصوت الحلال وصوت العصافير تزقق الغبشه وهناك ومشيت شويه واشم ريحة الجاي المهيل من البيوت الامشي بسدهن ومتت قهر وهناك ومشيت واشم ريحة الخبز التفوح من التنور وتذكرت جاي اختي وتذكرت مره من إخلاص وفتنه يخبزن وتعديت من يمهن وعاطت فتنه يمه الحكيلي ايدي راحت واخلاص تصيح الحك يحسن جيب عصارة الحرك من الثلاجه اتخبلت رحت ركض خذت العصاره واللفاف والشاش إخلاص معدله خالتهن بعلاكه كلهن سوه جريت ايد فتنه كلتلها شبلاج يروحي غير تنتبهين كالت نسيت شلت القبغ بدون وصله ولزكت ايدي على القبغ كلتلها اوف بيه ولابيج يصوحبتي وهي تبجي وتكمز واني اهدي بيها كمت اصيح على إخلاص شبيج غير تتبهين عليها كالت والله يخوي قابل اول مره اخبز وهي تساعدني بس هي انثبرت ويه فوتك ظلت ادحج عليك وانه اضحك مادريت بيها لازمه الوصله باليد الثانيه وشالت القبغ باليد الفارغه خويه هاي يمك واسألها القصور منين😔 وظليت امشي وشفت نساوين كبار كاعدات بالباب وجهال تلعب بالشارع تذكرت امي وكرايبنه يلتمن العصريه وتذكرت جهال عربنه وصوتهم وضحكهم وهناك وتمالخو بيناتهم ناس تملخ ناس ونفزع اني وربعي نفض المشكله ونسمع شلون واحد يذبها عالثاني هذا يكول اني ماعملت هو الدفعني ذاك يكول لاعمو هو ذبلي رجل ونظل نضحك على سوالفهم صار الظهر وكتلني الجوع شفت رجال عنده بسطيه يبيع العاب حاجه بألف مال اطفال السلام عليكم يابه وعليكم السلام وليدي ورحمة الله وبركاته حجي ماكو مطعم قريب الحجي جوعان وليدي اي والله يابه من الغبشه الهسه ادور على بيت للايجار تعبت وجعت الحجي اني ابو عمر اعرفك بروحي تعال اكعد ارتاح وطلبك انشاء الله يمي حجي يعني اكو بيت نظيف ومناسب اي وليدي اكو بيوت مو بيت واحد زين حجي بس دليني على مطعم اتغده وارجعلك ابو عمر أفه عليك واني عمك اصلا اني ناوي اعزل واروح اتغده الحجيه مسويه كبة جريش تفوتك شنو قصدك حجي امشي وليدي اني ارتاحيتلك من شفتك عبالك شفت ابني حسن وين ابنك حجي ابو عمر طلع للخارج يكمل دراسه عبالي يرجع النوب تزوج واستقر وعافنه عندي اربع بنات تزوجن وصفينه اني وعمتك وحدنه وهسه عوفنه من الحجي وخلي نروح نتغده حسن لا حجي ماترهم والله شايل فلوس خير من الله ابو عمر إذا اني بمكانك ماتغديني حسن لا والله واذبحلك ذبيحه جوه جدامك ابو عمر لعد نتوكل حسن تمام يابه نتوكل ابو عمر التفت وراه ودك الباب حجيه اجونه ضيوف صاحت هله بيك وبينهم حياهم الله طلع البيت الواكفين بصفه بيته بسرعه الغده صار يمنه الله شكد طيب مثل طبخ اهلنه والجاي ريحته فاحت صاح ابو عمر كثري هيل رحمه الاهلج خلصنه غده وراح ابو عمر جاب الجاي وصاح على ام عمر جبت القوري والاستكانات تعالي اشربي جاي ويانه كعدنه نسولف ونضحك سوالفهم حلوه معدله مثلهم ام عمر حسن عريس ويريد بيت منج حسن يابه شنو السالفه ابو عمر جايك الخير ابشر والصافي الك ام عمر يا خطيه بالخير والف مبروك يمه شنو اهلك ماعدهم مكان حسن دنكت راسي لا يمه احنه مال والنخل حمال بس ابويه ناهيلي على بت عمي واني كلبي مو بصوبها وصعبه تطلع من حلكي يمه اهلي تبرو مني خطيه خلت شيلتها على وجهها وكامت تنعي وتبجي كلتلها احلفج بالغالي بسج لاتبجين كطعتي كلبي واني تارك امي تون وتنوح ورايه كالت عمت عيني يمه اني عندي بيوت ورث من اهلي شوف بيتنه نفس الشكل والخريطه حسن كلتلها بيت العامر بأهله روح شوفهن عندي اثنين توه طلع المؤجر منهن والباقيات مأجرتهن حسن البيوت طلعن بنفس الشارع همه يسمون الشارع دربونه عجبني واحد المؤجر القديم صابغه ومأسس كهربائيات حديثه كلتله يابه هذا عجبني كال عرفت راح تختار هذا رحنه الام عمر الحجي كللها عجبه البيت الجانت كاعده بي بت عمي ام ظمير كالت بالخير يمه هذا جانت كاعده بي بنت عم ابوعمر وزوجها بكلشي يفتهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
