عند ريم
ضربت على اطلس
اطلس باستغراب من مكالمة ريم
اطلس :الوو ازيك يا ريم
ريم :دكتور اطلس الحق نقاء هتنزل البيبي
اطلس شد على ايده بغضب وميل دماغه على جنب وعظمات فكيه بانت بقوة :هي فين دلوقت
ربم بدموع : انا بره وهي جوه الاوضة بيحضروها للعملية
اطلس وهو بيجز على سنانه :ادخلي ليها ووصليلها الرسالة دي قوليلها لو نزلت الولد مفيش حاجة اتكسرت بتتصلح خالص وهي هتفهم سلام يا ريم
ريم :يعني مش هتيجي يا دكتور
اطلس بجمود :لا الخيار ليها مش هجبرها على حاجة مش عايزاها سلام
وقفل معاها وبص في اللاشيء
كان معهم حق لما قالولي الا نقاء لازم ما تعرفش لانها ما بتتحكمش في نفسها
انا الي غلطان فكرت لو لمرة وحدة تحكم عقلها بدل الحيرة الي كانت متلخبطة فيها وتوقف معايا مش في وشي لمرة وحدة بس
وبغضب مكتوم على كده مش بعيد تكون قالت لفريد انا ابقى مين ده طبعا لو صدقت اه مهي غبية
اطلس ضرب على سهم :الو
سهم :اتأخرت ليه انت فين
اطلس :سهم ركز معايا عايزك تضرب على ريم وتروحلها المكان الموجودة فيه وتمنع اي حاجة هتحصل بطريقتك
سهم بقلق :ليه في ايه انت كويس
اطلس :هقولك بعدين اهم حاجة تعمل كل حاجة بسرعة
سهم قفل معاه وراح لمكتب ريم
السكرتيرة :الدكتورة خرجت من ساعة كده حضرتك
سهم بعدم فهم :خرجت فين ومع مين
السكرتيرة :ما اعرفش يا دكتور
سهم بغضب مسك موبايله وضرب عليها ما ردتش
ضرب مرة تانية وتالتة ورابعة
................................................
عند نقاء
كانت مصدومة وبس ده التعبير الموجود على وشها ومش بتتكلم
دخلت عليها ريم
ريم:لو سمحتي يا نقاء فكري من تاني ارجوكي اقل حاجة قوليلي ايه الي حصل
نقاء فضلت ساكتة مع بعض الدموع الي بتنزل بصمت مخيف
ريم : على فكرة دكتور اطلس عارف انك هنا وبتعملي ايه وضربلي وقلي اوصلك رسالة
نقاء بصتلها باهتمام
ريم :قالي اوصلك رسالة انه لو نزلتي الولد كل حاجة بينكم هتتكسر والي اتكسر مش هيتصلح ولما سألته ليه ما تجيش هنا
قالي ده خيارها ومش هجبرها على حاجة
ارجوكي يا نقاء فكري ارجوكي
دخلت الدكتورة :لو سمحتي هبدأ العملية استني بره
ريم مسكت ايدها :ما تخربيش بيتك فكري
هنا ضرب سهم مرة واتنين وتلاتة
خرجت ريم ومسحت دموعها :الو
سهم بغضب :انتي فين وازاي تخرجي لاي حتة من غير ما تقوليلي
ريم بهدوء : لو اطلس الي قالك تكلمني فأحنا بمشفى السلام تعالا هنا يمكن تقدر تمنع حاجة انا مش قادر امنعها وقفلت في وشه
أنت تقرأ
عودة الجاحد
غموض / إثارةأمير من اكبر دكاترة التجميل في الشرق الاوسط حياته معاناة منذ الصغر لا يعرف الخسارة ابدا جميل الى درجة الهلاك جماله سبب في بقائه وهي نقاء اسم على مسمى نقية كالماء جميلة كالسماء لوحة ابدعها وصورها الخالق تعمل طبيبة تجميل ما رأي القدر عندما يقع الامي...
