نمشيو عند يمنى لي كانت كاتوجد حوايجها باش غادي تسافر
يمنى مع راسها:أووف شهاد المصيبة عاوتاني
كملات الجميع وتمات خارجة لقات نجمة كاتسناها على برا باش غادي توصل معاها للمطار،تسالمو وركبات معاها و شدو الطريق
نجمة: ردي البال وماتكونيش طايشة بزاف,ماطييحيش الراس قدام شي حد و خليك فايقة،راني تايقة فيك وعارفاك ماغاتحشمينيش
يمنى:كوني هانية أصحبتي ،غاندير كتر من جهدي
كملو طريقهم وهوما كايهضرو على هاد السفرية ونجمة كاتوصي فيها
وصلو للمطار باش غادي يلقاو عادل وسعد كايتسناو تما
نزلو و يمنى و سعد سلمو على بعضياتهم غي بالسف شي ماحامل شي،أما عادل ونجمة ماصدعوش راسهم ماتسالموش من الأساس.
عادل:الطائرة الخاصة كاتسناكم،تقدرو تمشيو
يمنى:كيفاش طائرة خاصة؟؟
سعد دار يدو فجيبو فجيبو وشاف فيها:غانمشيو فالطائرة الخاصة ديالي، عندك شي مشكل ها المطار قدامك شدي طيارة وتبعيني،ماعندكش مشكل زيدي ها الطريق، ومشا وخلاهم مصدومين من هضرتو
يمنى شافت فنجمة بمعنى شنو؟
نجمة:ماعرفتش لي بانليك
يمنى بانت عليها الأعصاب و لكن حاولات تهدن راسها ودوزات أپيل
يمنى:ألوو
الشخص:ألو مدام يمنى شخبارك
يمنى:الطائرة الخاصة ديالي دابا تكون هناا ، تفوت 5 دقائق نغبرك نتا وياها فالسما،يلاه طيير
يمنى شخصية مرحة و قشابتها واسعة كيفما كانگولو ولكن فعز أعصابها كادوز فأي واحد جا قدامها ولي شافها مايعرفهاش،ما هي إلا دقائق حتى كانت الطيارة وصلات و تحطات فجنب طائرة ديال سعد، سعد شاف طائرة حطات حداه حسابليه طائرة عادية ، خرج طل عليها لقاها طائرة زايدة على الطائرة ديالو بشوية وكبر منها حتى فالحجم،شاف فساعتو كايتسناها تجي،دار باش يشوفها واش جاية حتى كايلقاها جاية كاتمشى بنخوة ودايرة نضارات شمسية،كاتبان كلااس،بتاسم باستهزاء وتمتم بهمس:بطبيعة الحال،ماعندكش حل آخر
حتى كايتصدم برجل خارج من الطائرة لي حطات جنبو جاي كايجري ومشا خدا منها الشانطة ديالها وتم راجع بيها كايجري للطائرة،زادت صدماتو فاش حيدات نضارتها وشافت فيه وبتاسمات باستفزاز و رجعات نضاضرها بغرور و كملات طريقها داخلة للطائرة تحت نظرات الذهول والصدمة ديال سعد لي ماكانش متوقع منها هاد الحركة وبهاد السرعة ولكن عجباتو شخصيتها وكيفاش تصرفات وعرف بلي ماساهلاش، بتاسم ودخل للطائرة و قلعو الطائرات بزوح وحدة تلو الأخرى.
