—
رن جواله من رقم غريب وقام طالع من المجلـس ، وقف عند السيـارات بالخارج ورد : هلا ؟
سلمان : يا مرحبا بـ ذا الصوت
ملحم : يا هلا ياهلا حي الله بالي قاطعني .
ضحك سلمان واردف : يخسي الي يقاطع اقرب رفيقٍ له ، العذر والسموحه بس انشغلت وقفلت كل جوالاتي
ملحم : معذور معذور ، وينك معد شفناك .
سلمان : العمل والله اشغلني .
ملحم : اجل بكرا فنجالك عندي ووالله ماترده .
سلمان : جعلك تسلم يابعدي ، ان شاء الله .
قفّل ملحم جواله بعد ما أتصـل فِيه صديقه
الاقرب سلمان ،
رجع للمجلس وشافه فاضي لان الرجال قامو
يتعشون
طلع من المجلس متوجه للخارج مره ثانيه
يجري له كم مكالمة .
—
طفشت من القعده وقامت تتفرج على القصر
وزواياه الجذَابّـة ،
جذب انظارها التُحـف و الوحات الجميلة ،
دخلت المصعـد لجل تكتشف القصر اكثر
ومن انفتح باب المصعد ودخلت الجناح الي
جذبها اكثر بكل تفَاصيله ،
كملت خطـواتها حتى حصّلت باب احد الغرف
الي مفتوح ، تقدمت لجل تقفل الباب
لكن انتصر فضولها عليها وفتحت الباب تكشف
عن مكتب راقي وفَاخر ويجذب الناظرين
تقدمت وهي تتحسس الكتب با اناملها
وتخرج بعضها للقراءة ،
حست نوره بصوت خطوات الأقدام يقترب
منها وكانت متسارعه دليل على استعجاله
تجمدت نوره مكانها من انفتح الباب و تقابلت
عيونهم
مرت ثواني وهو يطالعها بمزيج من الأستغراب و الأعجاب فيها
غض بصره بسرعه وهو يلف وجهه لليمين
ونطق بصوت حاد : وش تسوين بمكتـبي
نطقت بصوت مهزوز ومو هامها الا انه مايدري
ابوها : ا.اعتذر بـ.بالغلط و.والله .
ابتعد عن الباب يسمح لها تطلع ومن خطت
بكعبها بجانبه و مر عطرها الجذاب عند
انفه غمض عيونه وهو يحاول يمحي وسوسة
الشيطان عنه ،
بدات تركض وهي مو هامها غير ان محد
شافهم او لمحهم
بس من لمحت من طرف عينها زُول عبَاية
توقفت وهي تلهث بخوف وتوتر
انفتح المصعد وهي تدخل بسرعه وتمسك
فمها تمنع نفسها من الغثيان .
—
دخل مكتبه وهو يعدّل بشـته ويحاول يتناسى
الي صار
نزل ملفه على الطاوله وهو يرتب اغراضه ،
طلع من مكتبه وهو يقفلها وراه بالمفتاح بعد
الي صار
نزل للمجلس وتقدم وهو يجلس بجانب
ابوه .
—
دخلت للمجلس وهي ترتجف وكل دم جسمها
ناشف من الموقف الي صار
جلست بجانب وجد وهي عقلها سارح با ملحم الي دخل عليها
ما كانت مصدقه انه مُديرها لكن ماكان من الصعب انها تتعرف عليه من عيونه الحادّه الي
تبين عدم المُبَالاة في كل مره تطالعها .
ايقظها من غيبوبتها وجد الي تناديها : نوره !
فزت وهي ترد : وش شصار ؟!!
وجد : ماتسمعين ؟ من صبح اناديك.
نوره : متى نرجع ؟
وجد : ايوه ابي اقولك سهم يقول خلصتو ؟
نوره : قولي ايه .
.
" بعـد مرور يُـومِيـن "
ليلتان علـى المشهد الي عجزت نوره على
تخطيه ومو هامها الا ابوها الي ماتبيه يدري
نست نفسها ونست ان ملحم شافها ومو هامها
غير جرّاح الي لو يدري ممكن يقتلها
صحت من شرودها على صُـوت فَوران الغلاية
الي انغلت مويتها
سوت فطـور اخوانها وطلعت من البيت مع احد
برامج التوصيل
وصلت ودخلت مكتبها وهي تحاول تتناسى
وتدعي ربها ان ملحم مايعرف انها هي
الي شافها
مرت الساعات وانتهى دوامها ومالاحظت ملحم
بالشركه وتنهدت براحه انها ماشافته .
—
عِـند ملحـمّ ..
ملحم : شخبار الوالدة ؟
سلمان : والله ماعليها مازالت على حالتها
ملحم : كلمت الأستشاري الي وصيتك عليه ؟
سلمان : لا والله
ملحم : شقلت لك انا ؟ تستحي مني يعني ولا كيف ؟ اقولك من بكرا تاخذ امك وتوديها عنده .
سلمان : يصير خير ان شاء الله، تروح معي الجيك ؟
ملحم : ليه وش عندك بالجيك ؟
سلمان : بروح نيابه عن وزير *** .
ملحم : لا والله مشغول انا
سلمان : ماتقدر منا مناك ؟
ملحم : والله الود ودي بس الشكوى على الله
سلمان : حصل خير حصل خير .
YOU ARE READING
شخص تمنيته على العدل والميل والحمدلله يوم خلّي تهيّا
Romanceالمستشار السياسي ملحم يملك ناطحات السحاب و اكبر الشركات وكل يلي همه شغله و اهله ، لكن بيوم وبدون سابق إنذار يحصل بنت مايعرفها في مكتبه يلي يتواجد في بيته ! و بحجه إنها جات للمكتب بالغلط طلعت منه وطلعت من باله حتى جاء يوم تنتشر لهم صوره مع بعض رغم إن...
