شخص تمنيته على العدل والميل والحمدلله يوم خلّي تهيّا

« 11 »

. 
سمّى بالله يستغفر ربه ويطالع الضابط الي ودّه أنه فاصلة من وظيفته لسوء أداءه ، أردف ملحم الي عضّ على أسنانه يكبت غضبه : غلطتّو في البيانات .
عقد الضابط حواجبه يسحب الأوراق من الطاوله ويطالعها تتوسع عيونه بصدمه شديده وخوف يتمالكه ، نطق بربكه : أعتذر طال عمرك بس الأسماء تتشابه و لخبطنا كونهم كلهم مسجونين عندنا ،
رجع الضابط يقرا الأسم ؛ راجح أبراهيم آل مساعد .
نطق ملحم بشدّة صوته و بَـ جديّة مُهيبه : أنتبه لأخطائك المره الجايه .
مشى ملحم يطلع من الغرفه أما الضابط الي طاح على رجوله الي معد قدرت تشيله يفتح أزرار بدلته برعب شديد كونه غلطّ بموضوع يتعلقّ بَـ أحد كِبار و سادة الشخصيّات يلّي يمكن ينهي مستقبله بمكالمه فقط ،
.
.
.
.
ركبّ سيّارته يرخي راسه على الكرسي ويطلع جواله يتصلّ على أحد العاملين في السجن الي متواجد فيه جرّاح ، ملحم : السلام عليكم.
عِماد : وعليكم السلام
ملحم : وش أخبار جرّاح ؟ ، عماد : الحمدلله بخير ، تغيّر الرجال ما كأنه جرّاح الي دخل السجن
ملحم : اكيد ، من ترك هالمواد الي لعبت في راسه .
عماد : وش صار على موضوعه ؟ .
ملحم : بعيّن له محامي الأن ..
عماد : زين ، ملحم : يالله الله يحفظك .
عماد : وياك .
قفل جواله يشغل سيّارته وهو كل همه يحتضنها ويقفّل هالموضوع الغبي و التحدّي الي ماجاب الا وجع الراس ، وصل للبيت ينزل أما اخوانه الي مصطفين عند الباب كلهم من صغيرهم لكبيرهم حتى تقدم الفيصل يقول : وش فيك !! قدنا جاينك !
هز راسه بالنفي يقول ملحم : مافيه شي ، بس موضوع و أنحل .
الفيصل : و الركض و التوتر ذا كله كان موضوع بسيط ! ، مشى ملحم يتجاهل الجدال مع الفيصل يرقى للطابق العلوي يمشي لَـ جناحهم حتى طرق الباب ينبهها بدخوله ، دخل يشوفها جالسه على الكنب ترتدي روبها الحريري رافعه شعرها تكشف عن رقبتها العنقاء الطويله ، تبسم بكلّ حبّ وحنية يتقدم لها وبدون ماتحس أنحنى من خلفها يقبّل رقبتها يمشي بَـ شفاهه يهمس لأذنها ؛ مالي غيرك يا كل الأوطان و الأماكن .
فزت تطالع عِيونه الي تكشف مشاعره الصادقه و العذبه الي مافيها ذرّة كذب لكن تذكرت كلامه و الزوجة الثانيه توقف وتقول : وينك عن زوجتك الثانيه ؟
ضحك بصوته المبحوح يتقدم منها ويقول ؛ إنتهى التحدي وانا الي فزت فيه .
عقدت حواجبها من كلامه و بشكل غير متوقع تغطي وجهه بيدينها تجهشّ بالبكاء ، تقدم منها يقربها لحضنه ويحضنها بقوّة يتركها تبلل ثوبه بدموعها ، نزل راسه يبوس راسها و يمرر أنامله على ظهرها ؛ وانا ولد متعبّ ما يحبّ قلبي غيرك ...
—
صحت هتّـان تتمدد في سريرها تقوم وتستقيم بظهرها ، وقفت تروح للحمام ( اكرمكم الله ) تطلع منه وشعرها مبلول توقف قدام المرايه ، من خلصت ترتدي بجامتها وتنزل لأهلها تحت ، حصلتهم ملتمّين على طاولة الطعام وجلست معهم ، طِيلة هالمده ماوقف ابوها يعطيها هالنظرات وكأنه يبي يقول لها شي لكن ممنوع عنه ، وقفّ متعب عن طاولة الطعام يقول وهو صاد عنهم : الحقيني يا هتان .
توترت وهي تراجع وش سوت وليش ناداني ابوي بكبره بعظمته و جبروته ، خلصت توقف خلفه حتى دخلت عليه بالمجلس وهو جالس يتمعن في عصاه ذات الرأس يلّي منحوت على هيئة صقر ، جلست بجانبه تقول : سمّ ؟
تحنحن متعب يطالع الأرض : يابنتي قدك كبيره ماشاءالله وقدك مراه ، وجاني واحدٍ قبل أمس يطلبّ القرب ، و الرجال ماشاءالله أخلاق و طيب إصل ومكانه ، أبيك تستخيرين وتفكرين وعطيني خبر .
تجمد عقلها من هول الكلمه ، ماتبي أحد يخطبها غيره ماتبي تعيش حياتها مع شخص غير أدعج ! ، هزت راسها بالأِيجابّ بس تبي تعدي الموضوع وهي داخلها رفض تامّ تردف : إن شاء الله يصير خير .
وقفت من عند ابوها تشيّل نفسها الي مستثقلتها وتطلع برا المجلس .
.
.
.
.
.
يترشفّ من قهوته السعودية ويطالع جواله بَـ إنغماس قويّ يتجاهل الي حوله حتى أصطفق الباب يرتجفّ جسم أدعج بَـ هلع ويطالع في سعد الي ماكان وجهه يبشر بالخير ، نطق أدعج : شفيك !
قفل سعد الباب يتقدم حتى جلس أمام أدعج ومتردد في طرح هالموضوع الي مايهمّ سعد اساساً بس عارف إن أدعج بتدهور حالته النفسيه ، سعد : هتان جاها خطّاب ، بس باقي ماعطتهم الموافقه ، حسبّ المعلومات الي جاتني إنها متردده جداً .
غمضّ عيونه يزفر بضيق شديد ويحاول يكبّت نيران الغضب الي داخله يقول : جهّز سياراتنا ، الموضوع ما بيصبر أسبوع ، الموضوع بينحل الأن .
وقف سعد يقول : أبشر ، بس أمنعني من الحركات الي مالها داعي .
وقف أدعج يصد عن سعد ويتمتم له بصوت خافت ومُهيب : جهزّ الموكبّ ، لأن ذي البنت ماهي لغيري .
مشى يدخل غرفته أما سعد الي طلع مستعجل علطول يرفع هاتفه لأذنه ويجهز كل شي مطلوب ، بعد أنتظار دام و سعد ينتظر أدعج بسيّارته طلع من الفندق يحاوطه الحرس من كل مكان حتى ركب سيّارته بجانب سعد ..