#مشهد_من_حاره_السعاده
#٣٠يوم_حياه
الحب مش مجرد حروف بتتكتب أو كلمه تتنطق ولا هو كلام متذوق بنقوله عشان نثبت إننا بنحب بعض الحب مش مجرد لون أحمر و دبدوب حاضن قلب ولا هو يوم في السنه بنحتفل فيه.
الحب شعور أتولدنا بيه منقدرش نعيش من غيره طول العمر.
عيد الحب ضيع المفهوم الحقيقي للحب وفجأه إتحول الحب لعلبه هدايا و كلمتين حلوين.
ولكن يبقي مفهوم الحب الحقيقي واضح وصريح.
إحتواء وأمان وسند و بيت وأهل وسعاده♥️
وفى (( حاره السعاده ))
الحب ليه نكهه خاصه♥️
................................
ايام و أسابيع وشهور بتعدي و الحاره كل يوم فيها جديد كل حاجه بتتغير فيها إلا نفوس أهلها
أقترب موعد زفاف عامر ومنار
الكل مستني اللحظه اللي هيتم تتويج قصه حبهم بالزواج
وأيضاً منتظرين خبر سعيد وهو ولادة وعد.
أما عند شهد و لاحه فرحتهم مكانش ليها مثيل بعد وضع شهد لطفلهم الاول الفرق بين شهد ووعد كان اسابيع قليله.
نزلت وعد من شقتها راحت تشوف مريم وتقعد معاها شويه
أما زين والشباب مكانوش موجودين في الحاره كلها كانوا مع عامر بيساعدوه في أخر حجات نقصاه قبل جوازه من منار.
خبطت وعد وبعد وقت بسيط فتحت مريم.
مريم....تتحسدى جايه من نفسك كمان تسألي عليا أول ما افتكرتي ياست وعد.
وعد....بت دخلينى انا مش قادره أحسن والله أرجع في كلامي.
مريم...بضحك لا وعلي أيه ادخلي وأنتي بقيتي شبه الكوره كده.
وعد....أيه ده بجد شكلي وحش
مريم....يابت ده انتي قمر تعالي يلا أدخلي.
وعد....فين إبراهيم وروحيه.
مريم....قاعدين جوه في أوضه إبراهيم تعالي.
دخلت معاها وعد علي الأوضه.
وعد....هيما القمر وحشتني قربت منه وعد و شالته وفضلت تبوس فيه. ازيك يا روحيه.
بصتلها روحيه بطرف عينها وبعدين بصت قدامها وهي حاطه ايدها علي خدها.
وعد....مالها روحيه يا مريم عامله كده ليه.
مريم....والله ما اعرف من امبارح وهي عامله كده شكلها مضايق.
وعد...بحب روحيه القمر تضايق واحنا موجودين جمبها مالك يا حبيبتي عايزه ايه ؟
مريم.....روحيه أجبلك عصير.
بصتلها روحيه وهي حاطه ايدها علي خدها هاتيلي مانجه
وعد...بضحك كمان بتتشرطي ياست روحيه.
مريم....ماشي يا ستي هروح اجبلكم المانجه.
