❤❤عشق بدأ بحلم 💤💤
✍️✍️✍️ بقلمي : fatima zahra ouba
الجزء : 1
في بيت كبير جدرانو مطلية بلون الأبيض طابلو زوين مرسوم باليد عبارة عن حصان فلون الأسود عاطي رقي للبيت ديكورات فالدهبي مستفين فوق رفوف الشيئ اللي عطا للبيت واحد الفخامة خطيرة و واحد السلام و واحد الهدوء نفسي خطير و لكن فوق السرير الكبير بدات شي حاجة كتحرك واضح أنها بنت غير من شعرها المنسدل فوق الوسادة ...
شكون هي و شنو كدير هنا و فين هي أصلن وعات بلي شي حاجة محطوطة على عينيها حاجبة عليها رؤية الشيئ اللي خلاها تحاول تحيد داكشي من عينيها و لكن المفاجأة لقات يديها مربوطين حاولات تحرك رجليها كدلك باش تنوض و لكن نفس الشيئ مربوطة من اليدين و من رجلين و معصبة من العينين شنو وقع و شكون خاطفها و علاش هي هنا الشيئ اللي خلا الخوف يتسلل لقلبها و تصرخ بصوت عالي رغم ان حلقها رقيق و ناعم و لكن فالغوات كطير نعومة ....
~ : وااااااامااااااامااااااااااا وااااااااااااع
كأي وحدة غير كتحط فموقف مرعب كتنادي ماماها و كأنها كتحس بالأمان و أن حتى حاجة ما غاتقيسها بمجرد ما كتقول هاد الكلمة السحرية العجيبة اللي مكونة من جوج حروف "ماما " ....
توقفات عن الصراخ فاش تحل الباب و طلعات مع نيفها ريحة رجالية قوية تسد الباب و سمعات خطوات كيقربو ليها ... صوت خطوات الحداء الأسود خلات قلبها يرجف من الخوف جمدات فبلاصتها و صرطات ريقها بصعوبة و دقات قلبها ازدادت و حسات بمغص فبطنها ما قدراتش تكلم الخوف و الرعب اللي ركبو فيها كانو كفيلين باش يلجمو لسانها و يرجعو شفايفها بويض كيترعدو .....
صوت الحداء ما حدو غادي كيقرب و ما حدها كترعد و ما قادرة تنطق بحتى حرف حتى توقف الصوت و هدا دليل على انه وصل عندها داك الشخص و قريب ليها لسرير حاسة بشي واحد واقف على راسها و لكن ما قادرة تنطق ما قادرة تكلم ...
حتى حسات بيد قوية فكات رباط على عينيها و تزامنا مع ذلك شهقات فاش شافت شخص اللي أمامها ماشي لشدة خوفها منو شهقات ، بل لشدة جمالو تصدمات راجل طويل و أبيض و صحيح و اللي لفت نظرها أكثر فاش تلاقات عينيه بعينيها سبحان من رسم و خلق صور هاد العيون بهاد الجمال و بهاد اللون الازرق المايل لزرقة البحر غا هو بحر هائج ماشي بحر صافي كانو نظراتو كتخلع خاصة مع الوشم اللي فكتفو مزينو لأنه كان عاري من الفوق صرطات ريقها و هي كتشوف فهاد الجمال ، طال صمت لثواني حتى نطق مزعزعها أكثر ما زلزل داخلها بجمالو الآخاد ....
~: علاش كاتغوتي ما كتعرفيش تفيقي بحال الناس ؟؟؟
داك البنت اللي كانت مستلقية على سرير سهات فصوتو حتى كمل و بقات ساكتة و نظراتها موجهة لعينيه حتى حسات بيدو زيرات على فكها و قال ...
أنت تقرأ
عشق بدأ بحلم 🇲🇦 (مكتملة)
Romance🍒تلخيص بسيط عن القصة ... 👔هو : بسبب خطأ دارو بيديه لقا راسو عاشق لإنسانة ما عارفها لا واش حية لا واش ميتة لا واش من الإنس لا واش من الجان غلط اللي غايخليه يوصل لاربعينات من عمرو و يبقى بلا زواج حيت ما قادرش يبغي غيرها رغم المال و الجاه ما عارفش...
