اسكريبتات روان أحمد ♥️

اسكريبت 51

قاعده على الرصيف بتعيط وصوت شهقاتها عالى .

ـ فى حاجه يا آنسه و استنى ترد بردوا عماله تعيط فقال بقلق : طب محتاجه مساعده طيب .

ـ بصيتله والدموع مغرقه وشها و عنيها الخضرا ومناخيرها حمرا من العياط وبصوت خافت قالت : اه .

ـ بصلها بهيام وقال : محتاجه اى .
ـ مسحت الدموع بكم هدومها بحركه طفوليه وقالت بتوتر : أنا عاوزه اروح .
ـ بعدم فهم : إنتى تايهه يعنى .

ـ هزت رأسها بلا وقالت بغضب طفيف :  أصل المدير اللى منه لله سحلنى فى الشغل النهارده ونسيت واتأخرت  على صاحبتى اللى المفروض اروح معاها وهى روحت وسابتنى علشان أتاخرت عليها النادله اما اشوفها بقا هى تحطنى فى الموقف دا اعمل اى طيب .

ـ بغض النظر عن المدير منه لله ،المشكله فين دلوقت مش عارفه السكه يعنى .
ـ لا أنا بس اديتها فلوس المواصلات بتاعتى  اللى هروح بيها وهى سابتنى ومشت وانا دلوقت مش معايا فلوس اروح .
ـ بس كدا بسيطه، بس مخديش فلوس من حد ليه  .
ـ احنا فى اخر الشهر وكله مش معاه وانا مش متصاحبه على حد علشان استلف منه فلوس المواصلات .
ـ طب انتى مواصلاتك بكام .
ـ باحراج : بـ 30 جنيه .

" طلع المحفظه بهدوء وطلع 50 جنيه و اداهملها وقال بابتسامه : كدا تقدرى تروحى والموضوع مش مستاهل كل دا علشان تعيطى .
ـ اصل انا مش معايا رصيد ارن على حد من اهلى ولا معايا فلوس اروح فعيطت  وبابتسامه : شكرا جدا يا استاذ على مساعدتك ليا ان شاء الله اول الشهر هردهملك .
ـ ابتسم ليها وقال : ولا يهمك اتفضلى روحى علشان الدنيا بدأت تليل .
ـ بصت فى التليفون وقالت : النهارده 25 فى الشهر يعنى ان شاء الله كمان 6 أيام هرجعلك فلوسك هات رقم تليفونك علشان ابقى اتواصل معاك .
ـ مش مستاهله والله اتفضلى روحى .
ـ والله ابدا لو مدنيش رقمك والله لهديك فلوسك ومش هروح .
ـ باستسلام طب هاتى تليفونك اكتبلك رقمى .
ـ أخد التليفون وسجل رقمه واسمه وودعها ومشى .

ـ صباح الخير .
ـ يا صباح النور يا آنسه خلود .
ـ ادينى القبض يا راجل يا طيب .
ـ اتفضلى امضى هنا واستلمى .
ـ أخدت الفلوس ومشيت خلصت شغلى والنهارده زميلتى مجاتش معايا علشان تعبانه ،
طلعت تليفونى وبصيت فى جهات الاتصال لقيت اسمه اللى انا عدلته وضغطت على زر الاتصال ظهر على الشاشه عندى "فارس💸 " .
ضحكت بخفوت وأنا بسمع الكول تون بتاعه اندمجت بسرعه معاه وغنيت : يا عراف عرفنى ان كان راح ونسينى مين فى سؤاله هيفدنى ياريت لو يرسينى يا مجروح رو...

قطع غنايا صوته وهو بيضحك وبيقول : انا شكلى فتحت فى وقت غلط اقفل واخليكى مع الكول تون شويه .
ـ اتكسفت وقولت بتوتر : لا لا هبقى انزل الاغنيه دى واسمعها ، المهم عايزه اقابل حضرتك فى نفس المكان علشان ارجع لحضرتك فلوسك .
ـ طب انا قدامى نص ساعه واخلص شغل هتستنى ولا هتروحى .
ـ لا  لا انا هستنى حضرتك .
ـ تمام وانا هحاول ما أتاخرش عليكى .

عدى نص ساعه وربع ساعه لقيته جاى عليا قمت وقفت وابتسمت وقولت لما شوفته : ياه كل دا و هتحاول تيجى بدرى .
ـ انا اسف بس اليومين عندى ضغطه شغل.
ـ ولا يهمك اتفضل الـ 50 جنيه اهم الف شكر جدا يا استاذ فارس .
ـ العفو جدا يا انسه .
ـ طب انا هروح انا و شكرا مره تانيه على وقفتك معايا .
ـ بابتسامه : مع السلامه ولو عيطتى مره تانيه على فلوس او اى حاجه ابعتيلى رنه وانا معايا رصيد هرن عليكى واجيلك علطول.
ـ بابتسامه: انت معاك رصيد علطول يعنى اطمن .
ـ فى اى وقت ابعتى الرنه وانتى مطمنه .
ـ شكرا جدا ليك يا استاذ فارس ياريت الناس كلها زى حضرتك فى اخلاقك واحترامك و بخفوت : ياريت اخويا كان زيك كدا .
ـ ضحك وقال : اختى بردوا بتقول على كل الناس كدا إلا انا بردوا .
ـ ضحكت و هتكلم لقيت تليفونى بيرن بصيت ليه وقولت : انا اسفه مضطره ارد على ماما وامشى لانى اتاخرت  ولازم اجبلها هديه لان عيد ميلادها النهارده .
ـ ربنا يخليها ليكى وكل سنه وهى طيبه .
ـ بابتسامه : وانت طيب فرصه سعيده مع السلامه والتفت  مشت وردت على امها .
ـ وهو بص فى أثرها بابتسامه و راح ركب عربيته وروح  .