معشوقتي متوحده.

Part ; 44

" نقدم الوقت بعد مرور شهرين كان عرس هتِاف وسلطان "
هتِاف بـِ توتر : احس ماني مستوعبه ان اليوم عرسي!
راعية المشغل : يا أنسه وش ودك نوع من الميكب!
هتِاف : حطي لي ميكب ناعم .
راعية المشغل : كيف تبين احط لك ميكب ناعم اليوم عرسك .!
هتِاف بـِ خوف : مدري مدري حطي لي اي شي عادي!
دخلت شادن : وجع للحين ما خلصتي!
هتِاف بـِ توتر وقلق : اقول ما ابي اتزوج خايفه .
شادن : اقول انطمي بس واقعدي .
راعية المشغل : يلا مدام راح نبداء .
شادن علمتها نوع الميكب ونوع التسريحه واتفقو وطلعت عشان تتجهز هي بعد وهتِاف كانت جالسه وهي تفكر بحياتها الجديده مع سلطان .
.
.
طلال : علفكره ترانا معزومين بالعرس تجهزي على 6 بالليل اجي اخذك !
سمر توترت واستانست : جدد ؟؟
طلال وهو يطلع فلوس لها : اذا ما عندك فستان روحي للسوق وروحي للمشغل بعد طيب .
سمر وهي تبوسه من راسه : يديمك يا عيون اختك.
طلال ابتسم : ويديمك وان شاء الله اشوفك عروس .
سمر استحت : يلا من يتزوج سلطان باقي انت ودانيه.
طلال ابتسم من جاء طاريها : ان شاء الله .
.
.
راحت سمر وهي تأخذ دوش وقررت تروح للسوق وتشتري فستان بسيط ويكون ناعم وفعلاً راحت وبعد نص ساعه لقت وحاسبته وراحت للمشغل وهي تختار تسريحه بسيطه وميكب ، وتضبطت وراحت للبيت وهي تلبس اكسسوراتها وصورت بالسناب وجتها إضافه كان المضيف " S " ما انتبهت اذا كان سناب ولد ولا بنت قبلت الاضافه وطلعت ..
.
.

" عند سطام كان جالس جنب سلطان "
سطام :  عاد اليوم تتكشخ يالمعرس !
سلطان ابتسم : تصدق واخيراً بكون معها احس مستانس.
سطام ابتسم له : يلا يلا حركات تؤامي عرسه اليوم.
سلطان وهو يحضنه : عقبالك ياروحي .
سطام وهو يبعد عنه : امين .
سلطان يشرب الشاي : والله الزواج كرف كاران ما قصر.
سطام فتح جواله وفز قلبه وهو يشوفها قبلت اضافته استانس ودخل وشاف صورتها وجلس يتأملها : سبحان من كمل جمالك وحسنك .
سلطان فتح فمه : يالزق من اليوم اسولف عليك!
سطام فز : هلاءء شفيك!
سلطان غمز له : انت اللي شفيك سبحان من كمل جمالك وحسنك مين سعيدة الحظ ؟
سطام ضحك : اسكت يا رجال خذت عقلي .
سلطان ابتسم : لازم من بعد زواجي تخطبها !
سطام : ان شاء الله .
.
.

" بعد وقت جت وقت الزفه "
ام كاران دخلت وهي تسمي بالرحمان على جمال هتِاف : ماشاءالله تبارك الرحمن عليك يلا يا بنتي قومي وقت زفتك .
هتِاف بـِ توتر : يلا .
دخلو البنات ( شادن وبشاير وبيسان ودانيه وسمر)
دانيه : ككوولوويششس عاروسة سلطون صاروخ .
شادن بكت وهي تحضن صديقة عمرها : مبروك ياروح اختك منه المال ومنك العيال .
هتِاف وتمسح دموعها : لا تبكين ابيك مبسوطه دايم!
شادن هزت بالايجاب : من عيوني .
دانيه ضحكت : مبروك يالعاروس الله يعين اخوي على الجمال .
هتِاف طلعت إلسانها : اننننن .
سمر سلمت عليها : مبروك يا قلبي .
هتِاف : يبارك فيك وعقبالك .
بشاير وبيسان سلمو عليها .
.
.

" عند الزفه "
كانت هتِاف تنزل شوي شوي والبنات ماسكين فستانها من وراء بحكم إن ما عندها اخوان وهي وحيدة امها وابوها وكانو كلهم يساعدونها تنزل والكل يذكر ربه على جمالها الطاغي ووصلت للكوشه وهي تجلس ، وبدو يرقصون البنات قدامها ويصورون مع هتِاف وصورو صوره جماعيه ،،
بعد نص ساعه وقت دخول العريس ودخل سلطان وسطام على اليمين وكاران على اليسار وطلال واصيِل ومروان وراهم وكان سلطان يمشي والبنات خاقين عليه وكان يمشي ووصل عند هتِاف وجلس جنبها وهو يمسك يدها ويبوسها وهتِاف استحت ،،
سطام قام يرقص ولف شماغه وكان الكل يضحك ودخلت دانيه وهي ترقص معه وجاء كاران وهو يرقص معهم وكانو مستانسين وسلطان يغطي وجهه هتِاف لانه يغار عليها وكانو كلهم مبسوطين ومرت هالليله على خير ،،
.
.

" عند الفندق "
هتِاف دخلت وهي ترفع فستانها وسلطان يساعدها ؛
سلطان : يا هلا بـ فتاة احلامي واخيراً صرتي لي .
هتِاف حمر خدودها : حبيبي واخيراً .
سلطان قرب منها وهو يبوس خدها : يخليك لي يارب.
هتِاف : امين يارب احبك .
سلطان باس يدها : مو كثري والله .
هتِاف قامت للحمام اكرمكم الله نزلت فستانها ولبست بجامه كانت ضيقه مره وطلعت عند سلطان .
سلطان خق عليها : وش هالجمال كله ؟.
هتِاف بحيا : طالعه عليك .
سلطان سحبها وهو يبوسها وهتِاف كانت مستحيه سدحها وهو ووو ووو طردوني من الغرفه هههههههههههههههههههههههههههههههههههههههههههههههههههههههههههههههههههههههههههههههههههههههههههه .
.
.
#معشوقتي_متوحده