أسد......
عبالها تخلص مني لا لا ابدا هذا بحلمج
هي مو نحسة ولا مثل هذولاك البنات الي ينوصفن بنات شارع لا ...بالعكس انسانه طبيعية لكن تربيتها تحكم
او اني هذا الي جذبني بيها هدوئا
جمالها عنادها بس اشوف شلون بالاخر .....
__________________________
بعد السفرة يوم الثلاثاء ...
***********
سارة .....
رجعنه او سالتنه ماما انو شلون جانت السفرة او من هذا الكلام ...
شوفناها الصور الي صورناها او شلون متونسين ...
او بابا عجبته السفرة او المكان من شكل الصور او كال اذا تتخرج شمس اخذكم احلى من هذا المكان ...
او بعد ذلك نمنه او ثاني يوم على الريوك حاولت افتح موضوع ويه امي او ابوية بس خواتي افتهموا او بدوا يمهدون الكلام ابدالي ....
شغلة صعبة شلون راح افاتحهم ....
غمزت الي سمار او بدت ....
سمار : بابا عادي نحجي وياكم موضوع يخص سارة او ترة موضوع مصيري ....
شمس : اي او ترة سارة تريد تحجي بس متعرف شلون تفتح الموضوع ....
ابو سارة : احجو بابا يلا ....
بس انتِ ابدي سارة الموضوع موضوعج...
سارة : ااااااااا .... بابا ....
آني لازم اسافر على مود دورة تطويريه بمجال دراستي ....
ابو سارة : اي ادري وصلني خبر ....
احنه ثلاثتنه فكينه عيونه او سمار اختنكت باللكمه او اني ضليت فاكه حلكي ....
ابو سارة : اي شبيكم ليش هيج وجوهكم صارت ...
سارة : لا بابا ماكو شي ...
سمار : اي بابا كلشي ماكو ...
شمس : هههههه شلون شنو هو ليش شصار ...
سارة : يعني شنو جوابك بابا ....
ابو سارة : المدة 4 أشهر....
سارة : اي بابا ....
ابو سارة : خلاص موافق ...
ام سارة : زين شلون راح اشوفج راح اشتاقلج بنتي فلذة عمري ....
سارة : اجيج ماما اجيج ...
