نمشيو عند يمنى و سعد لي كانو وصلو للأراضي الروسية وبالضبط فالعاصمة موسكو من بعد 3ساعات على الإقلاع ديالهم ومشاو للأوطيل لي حجزات ليهم فيه الشركة،غير وصلو دخلو نعسو حيت كان غالب عليهم العيا.
غير فاقت دخلات للحمام دوشات وخرجات لاوية عليها فوطة وشعرها الحريري والكويل كايقطر،سمعات الدقان گالت نعام ماجاوب حد گالت مع راسها خدمة الغرف،مشات فتحات الباب باش غاتصدم بجسم طويل وعريض و وجه بلق وعينين زرقين وشعر زرق، لابس اليونيفورم ديال الأوطيل،وباينة فيه مكانتو عالية غير من اللبسة ديالو ماشي خدمة غرف ولا سربايا غادي يكون 100٪ شي مدير هدا.
رومان بالروسية:مادام يمنى؟
يمنى بنفس اللغة:وي هي أنا،علاش؟
رومان مد ليها يديه: سلام، أنا رومان، أنا هو لي غادي يرافقكم فروسيا هاد الأسبوع لي غادي تكونو هنا
يمنى فخاطرها:(مسكين ماعارفش راني حافضة روسيا كتر من المغرب) سلمات عليه و ابتاسمات وتمتمات ليه :أهاه مرحبا، نقدر نعرف سبب الزيارة ديالك فهاد الوقت؟
رومان: الوقت لي خاصكم تخرجو فيه بقات ليه نصف ساعة،وجيت باش نعلمك
يمنى: آه عرفت شكرا
حرك راسو و ابتاسم ومشا،سدات الباب و مشات جهة الشرجم وهي مبتاسمة وكاطل على المدينة كلها✨
ما هي إلا دقائق حتى خرجات وهي جامعة شعرها ذيل حصان ولابسة كسوة دافئة لاسقة عليها فلون السماء،وفوقها مونطو أبيض و ليبوط طالع فنفس اللون و كاشكول فالشيبي،ميكب خفيف برز ملامحها، وساك زرق متوسط الحجم هازة فيه أغراضها.
هبطات لعندهم للتحت لقاتهم كايتسناوها غير وصلات سلمات على رومان وسعد ماشافتش لجهتو نهائيا.
رومان ليهم بزوج:مرحبا بكم فروسيا،الوجهة الأولى ديالنا هي معرض الأكسسوارات و الديكورات المسرحية ، بزاف ديال المصممين كايزورو هاد المعرض وقررنا أنه يكون هو باش غادي نبداو.
غير كمل رومان هضرتو دار سعد يديه فجيابو وبتاسم باستهزاء وشاف فرومان وشير ليمنى بعينيه و نطق بلغة روسية متقونة:ماكانضنش واش الآنسة فهماتك
يمنى سمعاتو ابتاسمات جنب وگالت لرومان بلغة روسية وهي كادوي بطلاقة:كانعرف هاد المعرض،نقدر نمشي بوحدي
ودارت شافت فسعد بابتسامة وطلعاتو وهبطانو وتمات: تبعوني كانعرف طريق مختصر
ودارت نضاضرها وتمات غادة بختورية جهة البورش الكحلة ديالها،وركبات و كاتسناهم يركبو فطوموبيلاتهم،رومان بقا غير كايشوف فيهم مافهم والو،سعد مبهور منها وفنفس الوقت باغي ياكل رييتو على الأعصاب لي ركبات فيه، دار عند رومان وگال بعصبية: سير من طريقك ،ماغانتبعو حد
